"Māra" (Contén)

PERSOEIRO

Raíña de Navarra (1403-1415), filla de Enrique II de Castela e nai de Branca I de Navarra. Casou en 1375 con Carlos III de Navarra e gobernou o reino en ausencia do seu home.

PERSOEIRO

Cronista. Secretario e capelán de Hernán Cortés (1542-1547), participou con el na expedición a Alxer. Aínda que non foi nunca a América, escribiu unha Historia general de las Indias y conquista de México (1552), sobre datos que Cortés lle facilitou. Como réplica, Bernal Díaz del Castillo escribiu a súa obra, Historia verdadera de la conquista de la Nueva España.

1. Morea de leña ou doutro material combustible que arde moito e produce unha lingua de lume.

2. Chama ou lapa grande.

PERSOEIRO

Político. Deputado do Partido Regenerador (1882-1886), foi ministro das Obras Públicas, Comércio e Indústria (1893). Ingresou no Partido Republicano en 1903 e, logo da implantación da república, foi ministro de Asuntos Exteriores no goberno provisional. Designado primeiro ministro (1913), foi elixido presidente da república en 1915 e defendeu a participación de Portugal na Primeira Guerra Mundial. Deposto polo movemento revolucionario de Sidónio Pais, en decembro de 1917, volveu á presidencia entre decembro de 1925 e maio de 1926.

REXIÓNS

Rexión de Tanzania (19.566 km2; 1.146.000 h [estim 1994]). A capital é Musoma.

1. Moeda de ouro almorábide, cun valor que se corresponde co do dinar (aproximadamente 4 g).

2. 1. Cada un dos diferentes tipos monetarios de ouro batido nos reinos cristiáns, que seguían o patrón do marabedí almorábide.

   2. marabedí afonsino/castelán

      Marabedí cuñado por Afonso VIII que seguía a metroloxía do modelo e circulou abundantemente en Catalunya.

   3. marabedí leonés

      Marabedí cuñado polos reis Fernando II (1157-1188) e Afonso VIII (1188-1230), seguindo o patrón metrolóxico do marabedí almorábide, pero con tipoloxía cristiá.

   4. marabedí portugués

      Marabedí cuñado por Sancho I de Portugal (1185-1211), Afonso II de Portugal (1211-1223) e Sancho II de Portugal (1223-1248), de patrón metrolóxico almorábide e de tipoloxía cristiá levaba a heráldica portuguesa e mostraba unha excelente factura románica.

3. Moeda de conta medieval castelá coa que se taxaba o valor de moeda corrente de ouro, prata ou de billón.

1. Suceso, persoa ou cousa que provoca grande admiración por ter características extraordinarias.

2. Impresión de admiración provocada por algo que resulta extraordinario ou deleita os sentidos.

3. Planta herbácea gabeadora que presenta follas similares á hedra e flores de cor azul. Emprégase coma planta ornamental.

4. Conxunto de sete construcións consideradas na época helenística os principais exemplos da perfección. Eran a pirámide de Keops, o mausoleo de Halicarnaso, os xardíns colgantes de Semíramis en Babilonia, o Faro de Alexandría, o Coloso de Rodas, o Zeus olímpico de Fidias e o templo de Artemisa en Éfeso.

1. Provocar en alguén un sentimento de admiración ou sorpresa.

2. Sentir alguén unha grande admiración ou sorpresa.

PARROQUIA

Parroquia do concello de Cartelle baixo a advocación de Nosa Señora das Marabillas.

IGREXAS

Igrexa parroquial situada en Cartelle. Comezou a construírse en 1813, sobre as ruínas dun templo do s XVII, desde o que se trasladou a imaxe da Virxe das Marabillas. Ten planta de cruz latina con nave e cruceiro abovedados. No seu interior conserva unha imaxe barroca da Inmaculada do s XVIII nun retablo neoclásico, e unha cruz de metal do s XVI. Na fachada destaca unha torre de dous corpos, rematada con balcón corrido e cúpula con lanterna.

1. Que provoca un sentimento grande de admiración ou sorpresa debido ao seu carácter inexplicable ou sobrenatural.

2. Que causa admiración ou sorpresa por posuír calidades superiores ao que é habitual.

1. Ave do xénero Leptoptilos, da familia dos cicónidos, que ten 120 cm de alzada e máis de 250 cm de envergadura. Presentan o bico cónico, coa base tan grosa como a cabeza, unha papada fláccida, característica sexual secundaria, que ten relación coa función respiratoria, e a cabeza e o pescozo nus e coa pel rosada. Son gregarios e necrófagos. A especie L. crumeniferus (marabú africano) habita desde Sudán e Etiopia ata Zambia; L. dubius (marabú indú) e L. javanicus habitan desde India central ata Borneo.

2. Adorno feito con plumas de marabú.

1. Membro, no Magreb, dunha comunidade relixioso-militar que vivía nunha rābita.

2. Predicador musulmán que conseguía reunir un grupo de discípulos ou fundar unha confraría mística.

3. Tumba dun santo musulmán que, polas bendicións que se lle atribúen, é obxecto dunha veneración popular.

LAGOS

Lago de Venezuela, situado na depresión entre a Sierra Nevada de Mérida, ao L, e a serra de Perijá, ao O (14.000 km2). Comunica co golfo de Venezuela a través dunha canle natural duns 50 km de lonxitude. É o lago máis grande de América do Sur, e conta con importantes xacementos de petróleo.

CAPITAIS

Capital do estado de Zulia, Venezuela, situada á beira da canle que comunica o lago de Maracaibo co golfo de Venezuela (1.660.233 h [1997]). É o primeiro centro petrolífero de América latina e un importante exportador de café a través do seu porto.

CAPITAIS

Capital do estado de Aragua, Venezuela, preto do lago Valencia (449.180 h [1997]). É o centro dunha comarca agrícola e mercado de cacao, café e produtos cárnicos.

MUNICIPIOS

Municipio da provincia de Granada, Andalucía, situado na Vega de Granada, ao N da capital provincial (16.517 h [2001]). As principais actividades económicas son a agricultura, co cultivo de cereais, legumes e tabaco, a industria alimentaria, coa produción de embutidos, e a construción de maquinaria.