"PL" (Contén)

Conxunto das paredes celulares nas plantas.

Compañía estadounidense fundada no 1976 por Steve Jobs e Stephen Wozniak que iniciou a popularización dos ordenadores para uso persoal, cun interface gráfico de sinxela interacción co usuario e aplicacións de cómodo uso. No 1977 lanzou o seu primeiro modelo, o Apple II, e no 1984 revolucionou a informática coa liña Macintosh (Mac) e un sistema operativo, o Mac OS (Mac Operating System), no que se inspirou a compañía Microsoft para crear Windows, un sistema operativo moito máis intuitivo ca o seu anterior MS-DOS (Microsoft Disc Operating System), aínda que baseado nel. No 1995 lanzou a liña Power Macintosh e no 1998 os iMac.

Aplicación escrita en linguaxe Java e pensada especialmente para que poida executarse nun contorno multiplataforma como a Internet.

Sistema de rede de área local.

Unha das capas da ionosfera, coñecida tamén como rexión F, que funciona como reflectora nas telecomunicacións a longa distancia.

Plano onde se estableceu un sistema de coordenadas cartesianas e no que se representa cada número complexo a + bi por medio do punto de coordenadas (a, b). Nesta representación todos os puntos que teñen unha ou dúas coordenadas infinitas son considerados como un mesmo punto.

Monxe bieito e historiador. Centrou a súa investigación no mosteiro de Samos e na Ribeira Sacra. É autor de diferentes artigos publicados en obras colectivas (El monacato en Galicia, 1972, de Hipólito de Sá Bravo) e revistas; así mesmo, é autor da Novena biográfica del glorioso San Pedro de Mezonzo, autor de la Salve (1942) e da Historia del Real Monasterio de Samos (1950).

Protoplasto considerado primitivo, aínda non diferenciado en núcleo e citoplasma, como os das cianofíceas.

Coller e levar todo o que hai nun determinado lugar, xeralmente de forma violenta.

Operación cirúrxica que ten por obxecto construír unha nova articulación mediante a interposición de próteses para substituír outra destruída ou anquilosada.

Peza lateral de cada segmento dos artrópodos.

Asociación formada polas centrais de medios de España que pretende unificar os proxectos de formación e defensa dos intereses das empresas asociadas.

Institución creada en 1980 por unha trintena de artistas, críticos e persoeiros do eido da cultura baixo a presidencia de Xulio Maside. O seu fin prioritario é promover o desenvolvemento e perfeccionamento da cultura artística galega entre os seus membros e no ámbito social, así como a defensa e pulo da arte na escultura, na ornamentación ambiental, no gravado, na arquitectura, etc. Xunto coa Asociación de Artistas de Pontevedra e a Asociación de Artistas de Ourense, constituíu a Federación Galega de Artistas Plásticos en 1990 coa presidencia de Miguel Mosquera. Froito do dinamismo cultural promovido por esta asociación, creouse o Grupo Nome integrado polos pintores X. Maside, X. G. Pardiñas, Morquecho, Bibian, Anselmo Lamela, Quintana Martelo e a escultora Mª Xosé Díaz. Actualmente está obsoleta, só ten existencia a nivel enunciativo.

Ausencia de bazo.