"AND" (Contén)

SERRAS

Cadea montañosa que se estende en dirección NO-SL polas parroquias de Aciveiro e Millarada, no concello de Forcarei, Refoxos e Parada, no concello de Silleda, e Vilatuxe, no concello de Lalín. Érguese sobre xistos micáceos e cuarcíticos. A súa máxima altitude correspóndese cos 1.000 m do monte Candán, situado no límite entre as parroquias de Aciveiro, Millarada, Parada e Vilatuxe.

PARROQUIA

Parroquia do concello de Rairiz de Veiga baixo a advocación de san Martiño.

PERSOEIRO

Médico. Estudiou na Escola de Medicina de Rio de Janeiro e doutorouse en Saúde Pública na Johns Hopkin’s University en Baltimore. Entre 1934 e 1950 ocupou distintos cargos no Servicio de Saúde Pública no estado de Rio de Janeiro. En 1950 entrou na OMS como director da División de Organización de Servicios Sanitarios; en 1953 foi director xeral, cargo no que foi reelixido en 1963 e 1968 e que ocupou ata 1973, ano en que o nomearon director xeral emérito. Ocupouse principalmente dos problemas de enxeñería sanitaria, a loita contra a fame e a tuberculose, a unificación da terminoloxía médica e a mellora das condicións sanitarias dos países do Terceiro Mundo.

PERSOEIRO

Rei de Lidia, o último da dinastía dos heráclidas, asasinado por Xixes despois dunha sublevación de mercenarios financiada polos banqueiros de Éfeso.

1. 1. Lámpada composta por un recipiente con aceite ou graxa que arde por medio dunha torcida colocada no seu interior.

   2. Cilindro de cera ou parafina, ás veces tinxida de cores, cunha mecha de algodón lixeiramente torcida no seu interior, que forma unha chama luminosa ao ser acendida.

2. 1. Inflorescencia das plantas anemófilas, como a do carballo, a do castiñeiro ou a do millo, que presenta pequenas flores agrupadas e pendurantes. Na tradición oral recóllense ditos como: “Cando vires a candea no castiñeiro, leva a ovella ao carneiro”.

   2. Partícula colgante de xeo formada por unha pingueira.

1. Aplícase a unha variedade de trigo que produce unha fariña moi branca.

2. Dise do pan feito coa fariña de trigo candeal.

PARROQUIA

Parroquia do concello de Vigo baixo a advocación de san Cristovo.

1. Botar flor as plantas ou as árbores que a teñen en forma de candea, como o millo e o castiñeiro.

2. Encurvarse as follas por falta de auga, especialmente a do millo e a do pexego.

3. Dar couces un animal.

PARROQUIA

Parroquia do concello de Carballeda de Valdeorras baixo a advocación de san Bernabeu.

PARROQUIA

Parroquia do concello da Veiga baixo a advocación de san Miguel.

PARROQUIA

Parroquia do concello de Chandrexa de Queixa baixo a advocación de santa María.

1. Utensilio formado por unha barra vertical, máis ou menos longa, apoiada nun pé, cun oco no seu extremo superior onde se fixa e se coloca a candea.

2. 1. Extremidades posteriores dos cabalos ou burros.

   2. Pernas especialmente longas e delgadas.

PERSOEIRO

Arquitecto. Foi arquitecto municipal de Santiago de Compostela e subdirector do Museo Nacional de Escultura de Valladolid, do que publicou unha guía en 1945.

PERSOEIRO

Arquitecto. Estudiou na Escuela Superior de Arquitectura de Madrid en 1935. Estableceuse en México en 1939 onde recibiu a influencia do enxeñeiro Eduardo Torroja na construción de cubertas con deseños atrevidos. Foi profesor nas universidades de México, Harvard, Illinois e Leeds. Entre as súas obras destacan as igrexas da Virgen de los Milagros (1954) e a de San Vicente de Paúl (1960), en México. Realizou, en colaboración cos arquitectos Enrique Castañeda e Antoni Peyrí, o palacio de deportes dos Xogos Olímpicos de México (1968). En 1961 recibiu o Premio Internacional de Arquitectura Auguste Perret.