"Bra" (Contén)

Construción situada en San Cibrao das Viñas. Ten dúas alturas cunha planta que se achega ao formato rectangular no exterior pero cunha estrutura interna que remite a unha escuadra, cun patio nun ángulo, rodeado por unha galería e unha escaleira exterior.

Construción situada sobre o río Termes en San Cibrán de Ribarteme (As Neves). Trátase dunha ponte de pedra do s XVI cun van semicircular, que se atopa no antigo camiño de Ribadavia a Tui.

Capela situada en San Cibrao das Viñas. Construída no s XIV con reformas posteriores, ten unha soa nave con cuberta de madeira a dúas augas sostida por un beiril apoiado en canzorros xeométricos e figurados, de tradición románica. O arco triunfal é apuntado e apóiase en dúas liñas de imposta con molduras. No exterior destaca pola súa sobriedade. A espadana foi un engadido posterior.

Castro situado en Las (San Amaro), compartido tamén co veciño concello de Punxín. Foi escavado por F. López Cuevillas e V. Martínez-Risco (1922-1925), X. Lorenzo Fernández (1948-1950) e na década de 1980 por F. Fariña Busto. Dátase entre os ss I a C e o II d C. Presenta dous recintos concéntricos: a croa e un espazo exterior a esta. A croa está delimitada por unha muralla construída con cachotaría e bolos graníticos, e conta con escadas sinxelas ou de dobre derramo e pedras sobresaíntes do muro que darían acceso á parte superior, onde habería un paseo de ronda enlousado e delimitado por pequenos parapetos. As dúas portas de entrada están enfrontadas e gorecidas con cubos, e na leste localizouse un cuarto con banco corrido que sería o corpo de garda. No interior deste recinto atópanse vivendas con plantas circulares, trapezoidais, cuadrangulares ou ovais e co chan de xabre. O sistema defensivo do recinto exterior á croa presenta unha primeira muralla, construída con cachotaría, con dúas...

Conxunto de dúas medorras situadas en Pardavedra (A Bola). A primeira oculta unha cámara de planta poligonal formada por oito chantas e a segunda un sepulcro de corredor de planta circular formado por oito pedras.

Porto do litoral cantábrico, situado na parroquia de Lieiro (Cervo). Foi un importante porto pesqueiro baleeiro na Idade Media e destacou desde o s XIV polos seus estaleiros destinados á construción de carabelas. A finais do s XVII converteuse nun porto de vital importancia para as Reales Fábricas de Sargadelos. Desde a década de 1960 o porto dedicouse á pesca do bonito e incrementou así a súa frota. Na década de 1980 construíuse o porto para o tratamento de materias primas e produtos industriais de aluminio. Posúe dous lugares para o atraque, o porto de Alúmina e o dique de Anxuela, situados a 1,5 km de distancia. Ao NL atópase o porto de Burela, co que está moi vinculado.