"eo" (Contén)

PERSOEIRO

Pintor. Formouse na Sass’s Academy (1834) e na Royal Academy Schools (1586). Cultivou o retrato, a pintura histórica, os temas literarios inspirados, entre outros, en Shakespeare, Scott e Cervantes, e a pintura de xénero. Entre as súas obras destacan Past and present (Pasado e presente, 1858) e Travelling companions (Compañeiros de viaxe, 1862). Dende 1849 foi asociado da Royal Academy e a partir de 1861 académico.

GALICIA

Eclesiástico. Estudiou no seminario de Sevilla e aos quince anos trasladouse a Roma, onde se ordenou sacerdote e se doutorou en Filosofía, Teoloxía e Dereito Canónico. Foi nomeado bispo de Tui en maio de 1914, e en marzo de 1917 bispo de Vitoria. Entre 1923 e 1963 dirixiu a diocese de Madrid-Alcalá. Centrou o seu labor nas zonas suburbiais, nas misións, no seminario e no clero, para o que creou a Obra Diocesana de los Suburbios, o Secretariado de Misiones, o seminario de Alcalá de Henares e numerosas institucións e centros de formación para os seminaristas e o clero. Publicou numerosos discursos, conferencias e cartas pastorais, como La Encíclica Rerum Novaron y los obreros (1911), El primer origen de la vida según el Hexámeron y según la ciencia (1913) e Esbozo apologético de la poesía eucarística clásica española (1939). Recibiu, entre outras condecoracións, as grandes cruces de Isabel la Católica, Alfonso X el Sabio e Cisneros; a da Orde do...

1. Relativo ou pertencente ás elatináceas.

2. Planta da familia das elatináceas.

3. Familia de herbáceas ao que pertence o xénero Elatine.

1. Relativo ou pertencente ás eleagnáceas.

2. Planta da familia das eleagnáceas.

3. Familia de árbores e arbustos, da orde das proteais, de follas enteiras e flores hermafroditas, actinomorfas e tetrámeras, que dan lugar a froitos en aquenio ou drupa. A familia está composta por unhas 50 especies, pertencentes aos xéneros Hippophae, Elaeagnus e Shepherdia, propias das zonas temperadas do hemisferio norte, da costa de Australia e das illas do sueste Asiático.

PERSOEIRO

Guerreiro xudeu, cuarto fillo do sacerdote Matatías. Conta a tradición que na Batalla de Betzavaría (162 a C), ao N de Betsur, para liberar o seu pobo meteuse debaixo dun elefante, que creu ser a cabalgadura do Rei Antíoco Aupátor, e cravoulle a espada; o animal morreu pero, ao caer enriba del, esmagouno.

1. Plasto que almacena lípidos en forma de aceite ou de graxas.

2. Glóbulo de aceite presente nas células das bacilariofíceas.

PERSOEIRO

Rexente de León, filla de Ramiro II. Monxa no mosteiro de San Salvador de León, exerceu a rexencia do seu sobriño Ramiro III (966-975) xunto coa súa cuñada Tareixa. Ratificou o tratado de paz con Al-Hakam II e enfrontouse a unha invasión normanda en Galicia. Tentou impoñerse aos nobres co apoio do clero, pero non puido evitar que Castela se independizase baixo o goberno de Fernán González, mentres Galicia e Portugal gozaban de grande independencia. Volveu ao mosteiro cando Ramiro III chegou á maioría de idade.

PERSOEIRO

Economista. Graduado na Columbia University (1876), doutorouse na Universidade de Heidelberg, onde recibiu a influencia da escola historicista. Foi profesor nas universidades Johns Hopkins e de Wisconsin, e participou na fundación da American Economic Association. Cómpre destacar as súas obras The Past and the Present of Political Economy (Pasado e presente da economía política, 1884) e An Introdution to Political Economy (Introdución á economía política, 1889). Despois de 1914 asumiu posturas conservadoras e dedicouse ao estudo da economía agraria.