"RL" (Contén)

1. Indicación feita nunha partitura para obter, por parte do cantante, un efecto semellante ao da recitación nunha determinada pasaxe.

2. Indicación con que se advirte que unha pasaxe determinada debe ser interpretada cunha gran liberdade rítmica e de fraseo, análoga ao recitativo vocal.

PERSOEIRO

Médico e botánico italiano. Profesor de botánica en Florencia (1842-1877), foi o autor da primeira Flora Italiana (1848-1874). Colaborou con P. B. Webb e con A. P. de Candolle na publicación do Prodromus Systematis Naturalis Regni Vegetabili (1824-1873), do que redactou o capítulo que corresponde ás coníferas.

PERSOEIRO

Arquitecto e escultor alemán. Nomeado arquitecto da catedral de Praga (1353), realizou a decoración escultórica do triforio (1374-1385) e construíu a ponte principal da cidade (Karluv Most) en 1357. En Kolín, fixo o coro da catedral. Iniciou a igrexa dedicada a santa Bárbara en Kutná Hora (1388).

PERSOEIRO

Político irlandés. Presidente da Home Rule (1877), e do Irish Land League (1879). Loitou sen éxito contra a lei represiva de 1800 para pór fin á axitación campesiña. O asasinato do secretario para Irlanda (1882) facilitou a aplicación de novas leis represivas, e Parnell foi deposto como xefe da Home Rule (1891).

PERSOEIRO

Compositor inglés. Discípulo de G. Elvey, realizou o seu primeiro traballo orquestral en 1878. Dirixiu o Royal College of Music (1894-1918) e foi o autor de música sobre obras de J. Milton, de cinco sinfonías, oratorios e obras corais, das que destacan Prometheus Unbound (1880) e Magnificat (1897).

PERSOEIRO

Enxeñeiro. Inventou e construíu a turbina de vapor que leva o seu nome (1884). En 1889 creou en Newcastle uns talleres para a fabricación de turbinas, coas que equipou o barco Turbinia, construído en 1897.

PERSOEIRO

Poeta. Membro da Accademia dei Trasformati de Milán, escribiu Rime giocose, satiriche e morali (1776), Favole esopiane (1779) e a súa obra máis importante, o poema Cicerone (1774).

PERSOEIRO

Presbítero e músico de probable orixe galega. Cantor na Capela Real de Lisboa, puido ser o introdutor dos vilancetes galegos en Portugal. Desde 1634 foi mestre da Capela Real de Madrid, entre 1640 e 1645 mestre da Capela Real de D. João IV, e a partir de 1660 foi director de orquestra do Real Monasterio de la Encarnación. Moi eloxiado na súa época, xa que tivo unha fecunda produción destinada á aprendizaxe dos seus discípulos, das súas obras destacan Tratado de Armonía e, como complemento a esta, Explicaciones sobre las reglas de Armonía. Ademais, escribiu un vilancete cantado na Capela Real de Lisboa en 1645. Postumamente, editáronse Las obras humanas de Carlos Patiño (1987), elaborado por Danièle Becker, e Obras musicales recopiladas (1987), cun estudo de Lothar Siemens.

PERSOEIRO

Químico estadounidense. Estudou no Oregon State College e no California Institute of Technology, no que se doutorou en 1925 e foi profesor. Introduciu a mecánica cuántica na química atómica e elaborou unha teoría do enlace químico que expuxo en The Nature of the Chemical Bond (1939), e pola que en 1954 recibiu o Premio Nobel de Química. Contrario á guerra atómica, organizou numerosas campañas contra os experimentos atómicos e publicou No More War! (1958), polo que recibiu o Premio Nobel da Paz en 1962.

PERSOEIRO

Poetisa rusa. De influencia romántica, foi recuperada polos simbolistas do s XX. Escribiu Razgovor v Trianone (Conversa no Trianon), sobre a Revolución Francesa de 1848; o poema Razgovor v Kremle (Conversa no Kremlim, 1854) e a novela Dvojnaja z ǐ zn (Unha dobre vida, 1848).

PERSOEIRO

Compositor, crítico e ensaísta. Formado en Bos Aires e París, en 1929 cofundou o Grupo Renovación. Introdutor do dodecafonismo en Hispanoamérica, tras o estudo da obra de Schönberg, en 1937 organizou os Conciertos de la Nueva Música. Da súa produción destacan, ademais de libros e varias partituras para filmes, diversas obras para piano e orquestra, como Dedalus (1950), Continuidad (1953) e Núcleos (1964).

PERSOEIRO

Pintor. Impulsor da Academy of Fine Arts de Pennsylvania, destacou na representación de personaxes da historia estadounidense, como G. Washington ou B. Franklin.

PERSOEIRO

Matemático, estatístico e filósofo. Interesouse pola aplicación dos métodos matemáticos e estatísticos da bioloxía e, en 1902, fundou a revista Biometrika. Está considerado como un dos fundadores da estatística moderna e, como filósofo, un precursor do neopositivismo. Escribiu The Grammar of Science (1892).