"GR" (Contén)

Regras mnemotécnicas que se aplican orientando os tres primeiros dedos de cada man segundo os eixes dun triedro trirrectángulo. Tamén se coñecen como regras dos tres dedos ou regra da man dereita e regra da man esquerda. A regra da man dereita relaciona os sentidos do campo magnético, do movemento dun condutor no seo deste campo e da corrente inducida no condutor polo campo (principio dos xeradores). A regra da man esquerda relaciona os sentidos do campo magnético, do desprazamento dunha corrente no seo deste campo e da forza que actúa sobre a corrente (principio dos motores).

Fotografía dunha imaxe obtida nun fluoroscopio.

fluviómetro.

Gráfico orientado equivalente a un diagrama de bloques, pero de trazado máis sinxelo. Os nodos representan sinais ou variables, e as ramas, relacións entre variables. A frecha que leva a rama indica o sentido do fluxo do sinal, e a letra asociada, o factor de multiplicación que experimenta o sinal do nodo de orixe. A variable correspondente a un nodo dependente toma un valor igual á suma dos sinais incidentes. Tamén se coñece como diagrama de fluxo. OBS: A grafía <x> representa o son [ks].

Fígado de ganso ou de parrulo adubado con sal e armañac.

Boletín de pequeno formato editado en Bos Aires. Incluíu na súa primeira páxina e amodo de presentación a letra do Himno Galego. En páxinas interiores inseriu a partitura completa coa música de Pascual Veiga. Na última delas informa sobre o nacemento do Grupo Galeguista, a súa relación co Partido Galeguista e os principios deste último. No ano 1944 en México e co mesmo esquema editáronse as Follas do Partido Galeguista, na que tamén se dá conta dos principios que rexen esta formación política.

Fondo estrutural comunitario que se creou para o financiamento da Política Agraria Común (PAC). Ten dúas seccións: a Sección Garantía, que financia os gastos comunitarios orixinados pola política de prezos e mercados agrícolas; e a Sección Orientación, que administra os fondos destinados a políticas estruturais e ten por obxecto a consolidación e evolución das estruturas agrarias.

Construción situada en Cirio (Pol). Ten planta rectangular e dúas alturas. Na fachada posterior conserva unha solaina. Ten unha cheminea con pombal e un reloxo de sol cunha inscrición de 1856. Conserva unha capela no interior da vivenda.

Rexistro gráfico, por medio de aparatos electrónicos de alta fidelidade, do ruído, normal ou anormal, que se produce durante o paso do sangue polo sistema arterial.

Método que ten por obxecto rexistrar graficamente os ruídos cardíacos grazas á transformación das vibracións en enerxía eléctrica mediante un micrófono reforzador e un oscilógrafo de espello. Permite obxectivar a existencia de ruídos cardíacos imperceptibles ao oído humano.

Rexistro gráfico que se obtén mediante a fonocardiografía.

Aparato que reproduce por medios mecánicos os sons rexistrados nun cilindro. En 1877, Thomas A. Edison foi o primeiro en aplicar a idea de que un son transmitido a un diafragma provisto dunha agulla podía gravarse sobre unha superficie cilíndrica en forma de trazo espiral, de tal maneira que outra agulla, conectada a unha trompa ou megáfono, ao volver percorrer o suco formado vibraría e reproduciría o son orixinal. Este aparato comezou a ser explotado comercialmente no ano 1887 en EE UU pola Columbia Phonograph Company. Ao pouco tempo Emil Berliner introduciu o disco e o aparato para reproducilo, o gramófono.