"To" (Contén)

Sección dos ligamentos articulares.

Sindicato fundado pola escisión dos sectores opostos á relación da UPG con Comisións Labregas (1975). Denomináronse tamén CC LL Terra, polo voceiro que editaron. Mantívose activo no período 1976-1977.

Organización xurdida en 1931 da conversión da sección pesqueira do Sindicato General de Trabajadores de Vigo en sindicato. Integrou as seccións de palangreiros do Berbés, parellas de Bouzas, empacadores, estibadores, patróns, maquinistas e mariñeiros.

SEU.

Organización anarcosindicalista constituída en 1919 que agrupou as vellas sociedades de canteiros, carpinteiros e obreiros da madeira. Adheriuse á CRG en 1922.

Organización fundada en 1922 en Vigo como unificación das diversas sociedades obreiras ligadas á CNT da cidade. Contaba con seccións de serradores, carboeiros, pesca e transporte marítimo. Reorganizáronse a comezos de 1930, e incorporáronse novos oficios, moitos dos cales se converteron en sindicatos únicos ou de industria. En 1932 transformouse nunha Federación Local de Sindicatos Únicos.

Organización constituída en setembro de 1930 como sucesora da Federación de Trabajadores creada en 1920 e integrada na CNT. En 1932, as diversas seccións agrupáronse en sindicatos de industria, co obxectivo de conformar os de edificación, transporte, metalurxia, servizos públicos e profesións varias, e deron lugar á Federación Local y Comarcal de Sindicatos Únicos de Villagarcía. Durante o goberno da Fronte Popular, estendeu a súa influencia a localidades próximas, e incorporou a mariñeiros, toneleiros, descargadores e labregos.

Sindicato de base, democrático, progresista e independente. Inclúe, entre os seus principios de actuación, a defensa dos intereses sociais, económicos, profesionais e culturais dos labregos galegos; a democracia, como mecanismo de funcionamento interno; a independencia e soberanía propia na toma de decisións; e a autoorganización endóxena dos labregos a todos os niveis. As súas orixes atópanse nos Comités de Axuda á Loita Labrega organizados desde 1970 pola UPG e Cristiáns polo Socialismo, e Comisións Labregas (CC LL) que constituíron o primeiro núcleo en Ribadeo (1973) e reivindicaban a recuperación dos montes veciñais en mancomún e a abolición da cota empresarial da Seguridade Social Agraria. En 1976, despois da súa reorganización, CC LL publicaron un programa en que destacaban medidas coma o fomento do asociacionismo agrario e das cooperativas de produción e a dotación de estradas, auga e electricidade ás parroquias rurais. En 1977 CC LL reorientaron a súa estratexia e produciuse a refundación...

Organización constituída a finais de 1933 e integrada polos mineiros das explotacións de estaño e wolframio de Lousame. Afiliouse á CNT.

Primeira organización sindical nacionalista galega creada en maio de 1975. Foi apoiada pola Unión do Pobo Galego (UPG) e en 1977 coa unión cos sindicatos integrados na Asemblea Nacional-Popular Galega (AN-PG), como a Unión dos Traballadores do Ensino en Galicia (UTEG), o Sindicato Galego dos Traballadores do Mar (SGTM), a Unión de Traballadores da Sanidade Galega (USTB) ou a Unión de Traballadores da Banca de Galicia (UTBG), deu lugar á Intersindical Nacional Galega (ING).

Organización constituída en novembro de 1922 en Vigo por representantes do sector madeireiro da provincia. Desapareceu na Ditadura de Primo de Rivera.

Agrupación formada en 1920 que unía diversas sociedades de resistencia do ramo da construción. Pola súa ilegalización durante a Ditadura de Primo de Rivera, volveron funcionar as sociedades de oficio por separado, ata que na Segunda República se refundou o sindicato (1933). Foi considerado o máis numeroso da cidade.

Operación que consiste en seccionar a sínfise pubiana para obter unha separación momentánea dos ósos ilíacos e, en consecuencia, un engrandecemento da pelve, que ten por obxecto facilitar o parto por vías naturais en caso de estreiteza da pelve. OBS: Tamén se denomina operación de Sigault.

Brazo de mar que separa Singapur do arquipélago de Riau (Malaisia) e comunica o estreito de Malacca co mar da China Meridional.

Grupo de Rock creado en Vigo en 1981. Composto inicialmente por Alberto Torrado, Julián Hernández e Miguel Costas, en 1988 converteuse nun quinteto coa inclusión de Segundo Grandío e Ángel González. En 1982 sacaron o seu primeiro disco Ayudando a los enfermos, e a finais de ese ano o primeiro disco de longa duración Cuando se come aquí?. Compartiron escenario, compoñentes e proxectos musicais con Golpes Bajos e Os Resentidos, entre outros. En 1991 crearon Loquilandia, unha produtora para xestionar os produtos do grupo. Da súa discografía destacan Menos mal que nos queda Portugal (1984), Bailare sobre tu tumba (1985), Me gusta como andas (1988), Made in Japan (1993), Sesión vermú (1997), La historia del Blues (2000), Qienes somos? De dónde venimos? Adónde vamos? (2002) e Popular, democrático e científico (2005). Tamén incluíron algún tema na banda sonora de filmes como El día de la bestia...