"RG" (Contén)

PERSOEIRO

Xurista e político. Doutor en Dereito (1953), despois dun breve período como ministro de Traballo (1977-1978) foi nomeado embaixador de España ante a OIT en Xenebra. Membro do Tribunal Constitucional desde 1995, en 2001 foi designado presidente do mesmo.

PERSOEIRO

Trobador galego. Pertencente a unha familia burguesa de Santiago de Compostela, cultivou a súa poesía a partir de 1270 na corte de Afonso X e tal vez, tamén, de Sancho IV, onde se relacionou con Johan Vasquiz de Talaveira, con quen mantivo unha tenzón, e Per’ Eanes Marinho. Consérvase unha abondosa obra lírica da súa autoría, conformada por 81 composicións, que se transmitiron no Cancioneiro da Biblioteca Nacional de Lisboa e no Cancioneiro da Biblioteca Vaticana. O corpus componse de 47 cantigas de amigo, nas que se dá fundamentalmente unha adecuación ao xenero da cantiga de amor sen concesións a motivos popularizantes, 21 cantigas de amor (1 pastorela), 11 escarnios (6 persoais, 3 de amor e 2 sociais) e 2 tenzóns.

CAPITAIS

Capital da provincia de Gauteng, República Sudafricana (712.507 h [1996]). É a cidade máis grande do país conformando unha aglomeración urbana (1.916.063 h [1991]). O seu desenvolvemento estivo asociado ao descubrimento e á explotación de xacementos auríferos, de diamantes e de uranio.

GALICIA

Médico e profesor. Estudiou medicina na Universidade de Santiago de Compostela. Foi presidente da Sociedad Anatómica Española e decano da Facultade de Medicina e Odontoloxía da Universidade de Santiago de Compostela.

GALICIA

Catedrático de anatomía. Estudiou medicina na Universidade de Santiago de Compostela e doutorouse na de Madrid (1931). Foi profesor, investigador e decano da Universidade de Santiago de Compostela. Publicou numerosos traballos sobre anatomía e outros temas relacionados coa medicina.

PERSOEIRO

Poeta e escritor danés. Iniciado baixo o signo do simbolismo, a súa conversión ao catolicismo (1896) levouno a un misticismo relixioso, como en Bekendelse (Confesións, 1894), Digte (Poemas, 1898) e Mit Livs Legende (Lenda da miña vida, 1916-1929).

PERSOEIRO

Dramaturgo alemán. Cultivou os máis diversos xéneros dramáticos e adoptou sempre unha actitude entre crítica e satírica, que xa aparece nas primeiras obras, onde recreaba elementos míticos e temáticas bíblicas. Este feito provocou que a súa obra estivese prohibida entre 1933 e 1945 polo réxime nazi, tempo no que se exiliou en Suíza, onde morreu. O seu primeiro éxito, Os burgueses de Calais (1914), foi seguido de varias propostas de tipo expresionista e futurista, como Do amencer á medianoite (1917), Coral (1917), Gas I (1918) ou Gas II (1920), nas que, sen embargo, latexa un fondo compromiso co humanismo e coa loita contra a opresión, contra as armas de destrución masiva e a despersonalización. Posteriormente, escribiu Kolportage (1924), O soldado Tananka (1940), Napoleón en New Orleans (1937-1941) e A balsa de Medusa (1940-1943).

PERSOEIRO

Poeta. Coñecido como Geo Milev, os seus primeiros poemas manifestan influencias do simbolismo. Posteriormente evolucionou cara ao futurismo e   expresionismo. Na súa obra apocalíptica, baseada no levantamento popular de 1923, combina o patriotismo cunha ideoloxía de esquerda. Da súa produción destaca Septemvri (1925).

PERSOEIRO

Estadista, príncipe de Kanitz-Rietberg (1764). Foi chanceler (1753-1792) baixo os reinados de María Tareixa, Xosé II e Leopoldo II. Foi un clásico representante do despotismo ilustrado.

ARQUIPELAGOS

Arquipélago do S do Océano Índico formado por máis de 300 illas e illotes deshabitados.

PERSOEIRO

Pintor e escultor. Cultiva a pintura, a escultura e a obra gráfica buscando un punto de equilibrio entre o realismo e a abstracción. A partir de 1969 inverteu as figuras dos seus cadros. Participou na Documenta de Kassel (1972 e 1982) e en 1980 representou, con A. Kiefer, o pavillón alemán na Bienal de Venecia.

PERSOEIRO

Rei franco de Austrasia (575-596?) e de Borgoña e Orléans (592?-596?), fillo do Rei Sixeberto I e Bruniquilda. Foi adoptado polo seu tío, o Rei Guntram I de Borgoña-Orléans, co que loitou contra Khilperico I de Neustria-Soissons. Ao morrer Guntram I (592?), herdou os reinos de Borgoña e Orléans e unha parte do de París.

PERSOEIRO

Rei franco de Neustria e de Borgoña (695-711), fillo de Teodorico III de Borgoña-Neustria-Austria e Clotilde. Sucedeu o seu irmán Clodoveo III, pero foi un rei nominal baixo o goberno do mordomo do palacio Pipino de Héristal.

PERSOEIRO

Rei franco de Austrasia (663-675) e Neustria e Borgoña (673-675), fillo de Clodoveo II e Batilda. En 673 apoderouse dos reinos de Neustria e Borgoña, e reconstituíu a unidade do reino dos francos. Morreu asasinado por un nobre.

PERSOEIRO

Rei franco de Neustria, Austrasia e Borgoña (743-751). Derradeiro rei merovinxio, foi proclamado por vontade dos mordomos do palacio, Carlomán e Pipino, fillos de Carlos Martel. Foi desposuído e enviado ao mosteiro de Sithiu cando Pipino tomou o título de rei dos francos en 751.