"Galle" (Contén)

Termo do barallete, xerga dos afiadores e paraugueiros, que corresponde á voz ‘Galicia’.

Cantidade de materiais orgánicos que se poden recoller cunha galleta.

forcanza.

Relixioso mercedario. Colaborou nas revistas La Merced e San Ramón y su Santuario e publicou Una flor que se marchita (1916), Las veladas en el hogar doméstico (1917), Los golfos (1919), Un abrazo histórico (1922) e Despertador mercedario (1928).

Obra publicada desde o ano 1974, baixo a dirección de Ramón Otero Pedrayo. Ademais do editor, Silverio Cañada, o seu equipo de redacción estivo formado por numerosos especialistas, encargados de redactar os temas de cada unha das súas áreas de coñecemento, por directores de sección e por un comité coordinador formado por Xesús Alonso Montero, Francisco Fernández del Riego e Basilio Losada Castro. Naceu co obxectivo de recoller por primeira vez nunha obra enciclopédica a propia identidade galega e todas as súas manifestacións culturais. Consta de trinta volumes.

Periódico liberal editado en Santiago de Compostela a partir do 21 de abril de 1820. Cesou a súa edición en outubro dese ano (nº53). Saía todos os martes e venres dos obradoiros tipográficos de Campaña e Aguayo. Fundado e dirixido por Antonio B. Fandiño, incluía artigos de carácter satírico dirixido aos políticos, feito que motivou a suspensión da edición.

Revista cultural editada en Ourense a partir do 1 de xaneiro de 1874. Cesou a súa edición o 23 de outubro de 1880 (nº408). Subtitulouse “Semanario de ciencias, artes y literatura”. Fundada e dirixida por Valentín Lamas Carvajal. A través dos seus comentarios criticou o caciquismo e defendeu a independencia política dos partidos e a fe cristiá.

Periódico editado en setembro de 1906. Cesou a súa edición en 1950. Subtitulouse “Órgano de las colectividades gallegas en el Plata” e “El periódico gallego de mayor circulación en la Argentina y el Uruguay”. Dirixido por Julio de la Cuesta, imprimiuse nos obradoiros tipográficos de La Iberia.

Revista editada en Caracas a partir de 1970 pola Hermandad Gallega de Venezuela e dirixiuna Juan A. Iglesias. Cunha periodicidade irregular, chegou a ter unha tiraxe de 15.000 exemplares. Incluíu información gráfica e escrita sobre as actividades culturais e sociais da Hermandad, reproducións de textos da literatura galega e algunhas viñetas humorísticas.

Revista editada a partir do 1 de xuño de 1922 en Bos Aires. Foi o voceiro oficial da sociedade Hogar Gallego, escindida da Casa de Galicia. Nos seus primeiros números foi quincenal, mentres que a partir do 29 se converteu en mensual. Incluíu informacións da sociedade, e seccións dedicadas ao deporte e á cultura, ademais de colaboracións literarias.

Revista semanal editada en La Habana a partir do 3 de xuño de 1909. Voceira das Sociedades Gallegas de Instrución, foi dirixida por Casimiro Fernández. Ademais da información societaria, incluíu tamén artigos de carácter cultural, xunto con algunhas colaboracións literarias.

Xornal editado na Coruña a partir do 1 de abril de 1917. Nos seus inicios subtitulouse “Diario católico, regionalista e independiente”, de acordo cos principios do seu fundador, o sacerdote Xosé Toubes Pego. Veu encher o oco deixado polo periódico católico El Eco de Galicia, destruído por un incendio. En 1931 incorporouse ao grupo da Editorial Católica, propietaria de El Debate, do diario Ya e da axencia Logos, entre outros medios de comunicación. Durante a Segunda República (1931-1936) sufriu a acción da censura. Nese mesmo período serviu como apoio da CEDA, defendeu a opinión da Igrexa Católica e a acción da alta burguesía de Galicia. No período de posguerra seguiu mantendo a súa orientación ideolóxica e mantivo unha estreita relación co goberno franquista, xa que moitos membros do seu consello de dirección pertencían a diversas institucións e cargos públicos. Ao longo da súa traxectoria editorial, dirixírono: Alfredo G. Ramos, Xacobe Varela, Xosé Mª de Santiago,...

Revista bisemanal editada en Vigo a partir do 14 de abril de 1911. Cesou o 14 de novembro de 1914 (nº 46). Subtitulouse “Revista de literatura, ciencias, artes y salones”. Fundada por Ramiro Vieira Durán, incluíu artigos de carácter histórico, literario e costumista, ademais de biografías de poetas, parlamentarios e intelectuais galegos. No apartado literario, cómpre salientar un importante número de composicións poéticas.