Ideal Gallego

Publicación editada en La Habana a partir de xullo de 1926. Cesou a súa primeira etapa en agosto de 1928. Subtitulouse “Paladín de la cultura y defensor de la colonia gallega de Cuba”. Dirixida por Xosé Mª Sánchez Brea, incluía información sobre as actividades da colonia galega na illa. Na súa segunda época, desde agosto de 1928 ata maio de 1930, converteuse en revista mensual e inseriu crítica musical e teatral, novas sociais e literatura.