"eo" (Contén)

1. de estereotipar.

2. Que se repite sen variación.

1. Imprimir mediante estereotipo.

2. Fixar algo como un xesto, frase ou procedemento artístico por medio da súa frecuente repetición.

1. Prancha de metal tipográfica obtida cun molde, que é a prancha dunha ou máis planas compostas por caracteres móbiles.

2. Idea, modelo ou imaxe aceptada comunmente por un grupo ou sociedade con carácter fixo e inmutable e que se obtén a partir das normas ou dos patróns culturais previamente establecidos.

3. Concepción tópica, banal ou estática dun personaxe, dun conflito ou dunha acción, que desembocan no tipismo, na trivialización ou na repetición. Hai algunhas correntes e escolas que basean a súa esencia na codificación estrita da acción, do personaxe, do vestiario, do movemento, das situacións, dos conflitos e mesmo das temáticas, como acontece coa commedia dell’arte ou con diversos xéneros propios do teatro oriental.

1. Relativo ou pertencente ás estiracáceas.

2. Leñosa da familia das estiracáceas.

3. Familia, da orde das ebenais, composta por árbores ou arbustos de follas alternas, enteiras ou dentadas, de flores regulares, tetrámeras ou pentámeras, e froitos en drupa, baga ou cápsula. É unha familia tipicamente tropical que ten como xénero máis característico o Styrax.

FILOSOFOS

Filósofo e compilador grego. Escribiu sobre filosofía natural, lóxica, moral, política e arte. Conservánse só dúas das súas obras, fundamentais para o coñecemento das obras non conservadas doutros autores: Iοαννου Στοβαιου Aντολογιων (Antoloxía de Iohannes Estobeo) e Eκλογαι ϕ ισικαι και ετικαι (Églogas físicas e éticas).

PERSOEIRO

Dramaturgo inglés. Creador da comedia de costumes na época da Restauración, da súa produción destacan The Comical Revenge e The Man of Mode or Sir Fopling Flutter.

1. Relativo ou pertencente aos eufausiáceos.

2. Crustáceo da orde dos eufausiáceos.

3. Orde de crustáceos mariños que engloba sobre todo animais planctónicos -que teñen entre 10 e 30 mm de lonxitude-, aínda que tamén algunhas especies epipeláxicas e batipeláxicas -que acadan ata 150 mm-. As formas planctónicas, que constitúen a base do krill, son nadadoras e gregarias e empregan patas plumosas para filtrar pequenas algas, como diatomeas. Tamén teñen capacidade luminiscente relacionada posiblemente coa reprodución. Están presentes dende a superficie ata os 2.000 m de profundidade e acadan densidades de 20 kg por metro cúbico. Constitúen un elemento importante da cadea trófica e son a base da alimentación de moitos peixes, aves e baleas. Parte da flota de barcos xaponeses e polacos capturan estes crustáceos para a alimentación humana.

1. Relativo ou pertencente ás euforbiáceas.

2. Planta pertencente á familia das euforbiáceas.

3. Familia de árbores, arbustos e herbáceas, que engloba máis de 300 xéneros e 7.500 especies, as máis delas de distribución tropical, caracterizadas por presentar tubos laticíferos cun látex branco que na maior parte das especies é irritante, e noutras están cubertos de pelos estrelados e mestos. Son comúns nesta familia os mecanismos de adaptación a condicións de aridez -como presentar talos e follas suculentos ou metabolismos C4 e CAM-.

1. Relativo ou pertencente ao pobo euganeo.

2. Individuo do pobo euganeo.

3. Pobo umbro que habitou as costas do Mar Adriático. Durante o s VIII a C enfrontouse a vénetos e lígures nas chairas do Po. Trala conquista romana do seu territorio, os seus habitantes convertéronse en cidadáns romanos.