"AN" (Contén)

GALICIA

Realizador de televisión. Profesor de Comunicación Audiovisual e Publicidade na Universidade de Vigo, xefe de realización e edición de informativos e deportes da TVG e coordinador do departamento creativo de deseño gráfico da TVG. Licenciouse en Xornalismo na Universidade de Santiago de Compostela (1995) e doutorouse en Comunicación Audiovisual na Universidad Complutense de Madrid (2000). Ademais da realización de diferentes eventos electorais, informativos, musicais e deportivos, encargouse da produción publicitaria da TVG, da Radio Galega, do grupo R, e da firma de moda Roberto Verino. Galardoado cos premios Op-Art ao mellor programa da TVG por A tumba aberta (1987); TP ao mellor programa musical por A toda máquina (1988); e Agapi á mellor produción de televisión por Chambo.

GALICIA

Pintor. Realizou o pintado e dourado do baldaquino do altar maior do mosteiro de Santa María de Oseira (1690).

GALICIA

Xornalista e escritor. De ideoloxía liberal, foi o único redactor do bisemanario El Heráclito Español y Demócrito Gallego, que saíu á rúa o 21 de abril de 1820, e colaborou na Gaceta Marcial y Política e no Diario Cívico-Patriótico. Cun estilo satírico e directo, nos seus escritos arremeteu contra a Igrexa, xuíces e institucións políticas. Da súa produción destaca a peza teatral A casamenteira (1849) e as tres composicións incluídas baixo o título Villancico que en la Nochebuena del año 1812 cantaron los presos de la cárcel pública de Santiago.

GALICIA

Pintor e militante anarcosindicalista. Secretario dunha Federación Local de Sindicatos (CNT) en Santiago o 18 de xullo de 1936, artellou a resistencia dos obreiros coruñeses. Trala derrota, fuxiu dende Muros cara a Francia e dende alí retornou á zona republicana e converteuse no artífice da Federación de Agrupaciones de Gallegos Libertarios, radicada en València. Estivo exiliado en Francia e nos anos sesenta defendeu na Coruña a volta da CNT, sindicato no que militou ata a súa morte nos anos noventa.

GALICIA

Tipógrafo e militante anarcosindicalista. No ano 1946 formou parte do Comité da CRG na clandestinidade; detido trala desarticulación do comité en 1947 pasou varios anos na cadea. Liberado a comezos dos anos 50, morreu pouco despois a causa dos malos tratos sufridos na prisión.

GALICIA

Pintor e militante anarcosindicalista. Foi un dos responsables, xunto con Ezequiel Rey, da masiva afiliación a partir de 1919 das sociedades de oficio santiaguesas á CNT e da conformación da Federación Local de Sindicatos. Asumiu a secretaría da CRG-CNT entre 1925 e 1930. Durante a Segunda República foi secretario liberado pola Federación Regional de Industria Pesquera, domiciliada en Vigo, cargo que exerceu durante todo período. Agochado no seu domicilio compostelán entre 1936 e 1945, retornou á militancia cenetista e, un ano máis tarde, volveu aceptar o cargo de secretario da CRG. Detido en 1947, pasou cinco anos na cadea.

GALICIA

Editor. Licenciado en Filoloxía Hispánica pola Universidade de Santiago de Compostela. Redactor e director da Gran Enciclopedia Gallega, desenvolve o seu labor profesional no eido cultural e editorial no Instituto Galego de Información do grupo Sargadelos. Colaborou na Radio Galega e elaborou guións para televisión: Ayer, emitida por TVE-2; Gallaecia Fulget, para a TVG; e Memoria con figuras. Como tradutor, realizou a versión castelá das novelas Os prisioneiros e Lucía Mc Cartney, de Rubem Fonseca, e a adaptación ao galego dos libros A catedral de Santiago e o Barroco, O patrimonio histórico da Universidade e Historia de Santiago de Compostela. Acadou o Premio de Xornalismo V Centenario da Universidade de Santiago polo seu programa radiofónico Galicia Universitaria, realizado entre 1994 e 1995.

GALICIA

Mestre de cantería. Traballou, entre outras obras, na restauración dos claustros da catedral de Mondoñedo (1620) e na reforma da capela maior da igrexa de Santa Marta de Ortigueira (1621).

GALICIA

Pintor. Realizou un lenzo co tema da Adoración dos Reis para o refectorio do mosteiro de San Martiño Pinario (1671).

GALICIA

Sindicalista e xornalista. Coñecido co alcume de Alejandro Silvetti, emigrou a Arxentina en 1905, onde traballou en Bos Aires como zapateiro especializado en alpargatas e foi representante do gremio na Federación de Obreros del Calzado. Tralo atentado contra o xefe de policía bonaerense (1909), foi deportado a España, trasladándose posteriormente ao Brasil. En São Paulo colaborou no xornal anarquista La Bataglia. En 1911 trasladouse a Montevideo, onde fundou o Sindicato de Obreros Ebanistas y Anexos e axudou a crear a Federación de Trabajadores de la Madera, ademais de colaborar no seu xornal Aurora. Foi secretario xeral do Consejo Federal de la Federación Regional Uruguaya, e colaborador do seu xornal Solidaridad, así como doutras publicacións como Crónicas Subversivas e El Anarquista. Desde 1915 residiu en Rio de Janeiro, Montevideo e Bos Aires e colaborou nos xornais Na Barricada e La Protesta e participou na fundación...

PERSOEIRO

Artista visual. Licenciado en Historia da Arte na Universidade de Santiago de Compostela, realizou estudios de belas artes na Universidade de Vigo. Participou, entre outros, no Obradoiro C. Boltanski (CGAC). Desde 1995 realizou exposicións en distintas cidades de Galicia, tanto individuais como colectivas, como Proxecto Europeo Cultura, Paisaje Litoral (Pontevedra, 1998); In Córpore Sano. 75 anos de arte e deporte en Galicia (Vigo, 1998), coa obra Xogo imposible; e Arco 2002 coa performance rotulada en relevo tonto el que lo lea.

1. Peixe mariño que acada os 40 cm de lonxitude, de corpo alongado, cuberto de escamas pequenas, cor castaña cinsenta con reflexos cobreados, bandas verticais anchas e escuras, e unha liña lateral castaña amarelenta. A mandíbula superior sobresae por diante da inferior, que presenta unha barbela no queixo, e a cabeza do vómer é dentada. As aletas pectorais contan cunha mancha negra na axila, e as dúas aletas anais presentan a marxe branca e a caudal a marxe negra. Contan con tres aletas dorsais que, coma o resto de aletas, non teñen os raios espiñentos. É unha especie gregaria, de fondos lamacentos, distribuída polo Atlántico, dende Marrocos ata o mar do Norte; os adultos viven en augas exteriores entre os 30 e os 100 m, e os animais novos preto da costa.

2. Peixe de ata 14 cm de lonxitude, de corpo alongado e comprimido lateralmente, con escamas moi pequenas e de cor cinsenta amarelenta. Os ollos están dispostos na parte superior da cabeza. Teñen aguillóns, na primeira espiña dorsal e na espiña do opérculo, comunidados cunha glándula velenosa. Son animais depredadores que cazan agardando á espreita enterrados nos fondos areosos costeiros, que constitúen o seu hábitat, mantendo só os ollos fóra do substrato. Cando se ven ameazados deféndense coa espiña dorsal levantada constituíndo un perigo para os pés da xente que frecuenta as praias. A súa carne firme é apreciada.

1. Medida de capacidade para áridos que varía entre os 22 e os 55 litros segundo as zonas.

2. Medida de superficie que varía entre os catro e os seis ferrados segundo as zonas.

PERSOEIRO

Político internacionalista italiano. Arquitecto e enxeñeiro, loitou contra os austríacos (1848-1849) e uniuse aos Mil de Garibaldi (1860-1861). Formou parte do grupo creado arredor de Bakunin en Nápoles (1860-1867). Despois de asistir con eles aos primeiros congresos da Liga da Paz e da Liberdade (Xenebra, 1867; Berna, 1868), foi un dos fundadores da bakuninista Alianza da Democracia Socialista (Xenebra, 1868) e adheriuse á Primeira Internacional. Pouco despois visitou España e conseguiu constituír os primeiros grupos de obreiros internacionalistas en Madrid e Barcelona.