"To" (Contén)

1. Acción e efecto de asasinar.

2. Homicidio cualificado pola concorrencia de determinadas circunstancias agravantes. Pode ser suxeito deste delito calquera persoa, exceptuando cando a víctima sexa ascendente ou descendente lexítimo ou ilexítimo, ou sexa o seu cónxuxe; entón a acción criminal tipifícase como parricidio. As circunstancias previstas legalmente para cualificar o asasinato son a comisión do feito con aleivosía; por cartos, recompensa ou promesa; por medio de inundación, incendio, veleno ou explosivos; con premeditación coñecida e con crueldade. Normalmente está sancionado cunha pena ampla de prisión (de vinte a trinta anos) ou, nalgunhas lexislacións, coa pena de morte.

1. Protozoo pertencente á familia dos ascetosporos.

2. Filo de protozoos exclusivamente parasitos, con esporas normalmente pluricelulares e sen filamentos polares nin túbulos.

1. Individuo do grupo dos ascohelmintos.

2. Taxon artificial, considerado por algúns autores como un filo que agrupa diferentes grupos de acelomados máis ou menos vermiformes como os rotíferos, os gastrotricos e os cinorrincos.

1. Relativo ou pertencente aos ascomicetos.

2. Clase de fungos, caracterizada pola formación de ascosporas, actualmente substituída por catro clases: acarpoascomicetos, himenoascomicetos, laboulbeniomicetos e plectomicetos, englobadas baixo a subdivisión ascomicotina.

3. Fungo ascomiceto do que se descoñece a reprodución sexual e por tanto a produción de ascosporas. Viven principalmente saprofiticamente sobre follas e talos mortos ou parasitan plantas vivas. Moitos deles teñen un grande interese en fitopatoloxía.

1. Relativo ou pertencente aos ascotorácicos.

2. Crustáceo da orde dos ascotorácicos.

3. Orde de crustáceos da subclase dos cirrípedos, formado por individuos parasitos de equinodermos ou de antozoos. Teñen os apéndices bucais modificados para poder zugar. Dous xéneros destacables son Laura e Synagoga, parasitos de antipataros.

1. Acción e efecto de asegurar.

2. Forma de tutela xurídica que comporta a adopción de determinadas medidas permitidas pola lei en previsión de futuros danos ou prexuízos que poida sufrir o ben xurídico asegurado.

3. Aseguramento establecido xudicialmente polo que o demandante nun xuízo non pode malversar as cousas que son obxecto específico do litixio; consiste nun conxunto de medidas destinadas a garantir a efectividade da futura resolución xudicial.

4. Conxunto de medidas previstas legalmente para garantir a efectividade da restitución do dote por parte do marido. Consiste na constitución, por parte deste, dunha hipoteca dotal, e na inscrición dos bens no rexistro da propiedade a nome da muller.

1. Acción e efecto de asentar ou asentarse.

2. Sentido común.

3. Anotación que se fai no libro de rexistro.

4. Anotación feita nun libro contable referente a unha operación mercantil determinada para poder seguir as flutuacións da situación inicial.

5. 1. Parte dunha cousa sobre a que se asenta outra.

   2. Parte dunha cousa sobre a que esta se asenta.

6. 1. Lugar onde se establece unha persoa para vivir.

   2. Feito polo que os colonos se establecen naquelas terras que lle foron asignadas.

7. ...

1. Acción e efecto de asentir.

2. asenso.

3. Adhesión da intelixencia a unha proposición ou percepción. Forma parte do xuízo, en tanto que é recoñecemento ou aceptación da verdade enunciada por este.

4. Aceptación ou conformidade do demandado ás pretensións da demanda dun proceso dirixido contra el, que obriga ao xuíz ou tribunal a ditar sentenza accedendo ás peticións da demanda sempre que non atenten contra a orde pública, ou supoñan fraude da lei ou prexuízo a terceiros.

1. asente.

2. Acción e efecto de asentar ou asentarse.

3. Calquera superficie ou moble que serve para sentar.

4. Lugar ocupado por alguén que está sentado.

5. Depósito das partículas suspendidas nun líquido.

6. Interrupción dalgunha actividade.

7. Bo entedemento para falar ou actuar unha persoa.

8. 1. Parte dun determinado elemento por onde este asenta nunha superficie.

   2. Capa de argamasa sobre a que se colocan os ladrillos cando se pavimenta.

   3. ...

1. Acción e efecto de asentar ou asentarse.

2. Calquera superficie ou moble que serve para sentar.

3. Lugar ocupado por alguén que está sentado.

4. Depósito das partículas suspendidas nun líquido.

5. Interrupción dalgunha actividade.

6. Bo entedemento para falar ou actuar unha persoa.

7. 1. Parte dun determinado elemento por onde este asenta nunha superficie.

   2. Capa de argamasa sobre a que se colocan os ladrillos cando se pavimenta.

   3. Descenso dos materiais dun edificio por maior unión ou compactividade, causada polo peso duns sobre os outros.

8. ...

1. Que se afirma.

2. En Kant, o xuízo que corresponde á categoría da existencia, distinta da necesidade. É o que se chama verdade de feito.

1. Acción e efecto de asesorar ou asesorarse.

2. En educación o termo asesoramento ten connotacións distintas segundo se trate dende o eido da pedagoxía ou da psicoloxía, aínda que os propósitos sexan finalmente coincidentes. Así, se en xeral entendemos por asesoramento calquera acción que teña por finalidade asistir ou axudar a outro, no campo educativo, e dende un punto de vista estritamente pedagóxico, habería que falar de axuda en tarefas de programación global, coordinación de departamentos, selección de métodos axeitados para un mellor aproveitamento educativo tanto a nivel individual como colectivo, etc. Non obstante , diante das necesidades cada vez maiores que os sistemas educativos precisan, o asesoramento en educación ten nestes momentos un marcado carácter psicopedagóxico, que estende as súas competencias moito máis aló de cuestións puramente informativas ou de tratamento de casos específicos de educación especial. Habería que falar, pois, de asesoramento educativo dende tres puntos de vista ou enfoques perfectamente diferenciados...

PERSOEIRO

Bailarín e coreógrafo inglés. Estudou en Inglaterra con Massine e María Rambert. Debutou na compañía de Ida Rubinstein en 1927 e foi primeiro coreógrafo (1935-1970) e director (1963-1970) do Royal Ballet.

PERSOEIRO

Economista e historiador. Entre as súas obras destacan The Industrial Revolution (A Revolución Industrial, 1948), escrita coa colaboración de Sayers, Papers in English Monetary History (O papel na historia monetaria inglesa, 1953) e Economic Flutuations in England 1700-1800 (Flutuacións Económicas en Inglaterra 1700-1800, 1959).