"RM" (Contén)

PERSOEIRO

Rei dos Países Baixos e gran duque de Luxemburgo (1849-1890), fillo e sucesor de Guillerme II. Durante o seu reinado produciuse a conversión do Ducado de Luxemburgo nun territorio neutral baixo a garantía das grandes potencias.

PERSOEIRO

Rei de Inglaterra, Escocia e Irlanda (1830-1837), terceiro fillo e herdeiro de Xurxo III. Durante o seu reinado aprobouse a reforma electoral de 1832, que reformou a cámara dos comúns e estendeu o sufraxio á clase media.

PERSOEIRO

Stadhouder das Provincias Unidas (1747-1751). Nomeado stadhouder de Frisia e Groningen en 1718, foi nomeado stadhouder hereditario en 1747 trala ameaza de invasión francesa.

PERSOEIRO

Duque de Aquitania e de Gascoña (1086-1127), fillo de Guillerme VIII de Aquitania. Participou na Cruzada de 1101, onde o seu exército foi derrotado polos turcos. Ao seu regreso a Francia invadiu sen éxito e en varias ocasións o condado de Toulouse. Entre 1120 e 1123 axudou a Afonso I de Aragón na loita contra os musulmáns. É o trobador máis antigo coñecido. Consérvanse da súa autoría once poemas amorosos, ademais doutros de tipo tabernario e obsceno.

PERSOEIRO

Heroe lendario da independencia helvética, orixinario do cantón de Uri. Crese que en 1307 xurou liberar a patria da dominación austríaca, polo que se negou a renderlle homenaxe ao gobernador austríaco Gessler. Por este motivo foi sometido á proba de lle ter que atinar cunha frecha, lanzada cunha bésta, a unha mazá colocada sobre a cabeza do seu fillo. Superada a proba, vingou a afronta dándolle morte ao gobernador. Os suízos considérano o forxador da súa nacionalidade. A lenda deste personaxe constituíu a base argumental da obra Wilhelm Tell (1804) de F. Von Schiller e do libreto da ópera Guillaume Tell de G. Rossini (1829).

PERSOEIRO

Derradeiro stadhouder das Provincias Unidas (1751-1795), fillo e sucesor de Guillerme IV de Orange-Nassau. Asumiu o cargo de stadhouder en 1766 trala rexencia da súa nai primeiro e do duque de Brunswick despois. A súa derrota na guerra contra o Reino Unido (1780-1784) e a influencia da Revolución Francesa, levárono a fuxir a Inglaterra en 1784 e a exiliarse en Alemaña.

PERSOEIRO

Duque de Aquitania e de Gascoña (1127-1137), fillo de Guillerme IX de Aquitania. Mecenas de numerosos trobadores, antes de morrer durante a súa peregrinación a Santiago de Compostela, cedeu o seu ducado a Luís VI de Francia e casou a súa filla, Leonor de Aquitania, co herdeiro ao trono francés, Luís Plantagenet.

PERSOEIRO

Raíña dos Países Baixos (1890-1948), filla e sucesora de Guillerme III. Trala súa coroación (6 de setembro 1898), produciuse a separación definitiva con Luxemburgo, que rexeitou ser gobernado por unha muller. Mantivo a neutralidade dos Países Baixos durante a Primeira Guerra Mundial e durante a ocupación nazi, na Segunda Guerra Mundial, exiliouse en Londres xunto co goberno. Regresou aos Países Baixos en 1945 e tres anos máis tarde abdicou na súa filla Xiana.

FILOSOFOS

Filósofo e sociólogo alemán. Profesor nas universidades de Heidelberg e Frankfurt, foi xunto con T. Adorno o máximo representante da escola sociolóxica de Frankfurt. Influenciado por G. W. F. Hegel e K. Marx, a súa filosofía busca a emancipación do home a través dun movemento dialéctico. Entre as súas obras destacan Theorie und Praxis (Teoría e praxis, 1963), Zur Logik der Sozialwissenschaften (A lóxica das ciencias sociais, 1967), Erkenntnis und Interesse (Coñecemento e interese, 1968) e Nachmetaphysiches Denken (Pensamento posmetafísico, 1988). Recibiu o Premio Príncipe de Asturias de Ciencias Sociais (2003).

PERSOEIRO

Rei de Noruega (885?-933). Despois de herdar tres pequenos dominios na zona central de Noruega, iniciou unha serie de campañas militares que culminaron na Batalla de Hafrsfjord (885) trala que unificou todo o país. O seu reinado caracterizouse pola reorganización do sistema tributario e o aumento da inmigración a Islandia. Á súa morte o reino dividiuse entre os seus fillos.