Gutiérrez del Arroyo Cebreiro, irmáns

Luís Gutiérrez del Arroyo Cebreiro (15.8.1877- 12.1.1938) Profesor. Licenciado en Ciencias Exactas, foi profesor da Institución Libre de Enseñanza (ILE), onde deu clases de aritmética, álxebra, xeometría, trigonometía e nocións de cálculo diferencial e integral, e xeometría analítica. Asistiu en Madrid (1916), xunto con Gumersindo de Azcárate e Manuel Bartolomé Cossío, á creación da Fundación Francisco Giner de los Ríos. Traduciu libros de autores estranxeiros, e publicou Aritmética de 1º, 2º y 3º grado (1916), Aritmética, grado 2º... en Libro Escolar, volumes 1º, 2º e 3º, e Enseñanza de la aritmética y del cálculo mental (1641). A súa irmá, Consuelo Gutiérrez del Arroyo Cebreiro , foi profesora da ILE e directora das colonias de vacacións dos antigos alumnos da ILE, e o seu irmán, Xosé Gutiérrez del Arroyo Cebreiro , mestre en Meis e Ponteareas, profesor da colonia de vacacións do Museo Pedagógico Nacional en San Vicente de la Barquera (Santander) e director das primeiras colonias escolares en A Lagoa (Mondego, Sada).