"llo" (Contén)

PERSOEIRO

Escultor. A súa obra insírese na estética barroca de G. L. Bernini. Realizou as estatuas dos Apóstolos de San Giovanni in Laterano (1708-1718), e o monumento a Gregorio XIII (1725), na basílica vaticana.

PERSOEIRO

Escritor. Foi desterrado dúas veces polas súas sátiras. Destacan La hija de Celestina (1612), Casa del placer honesto (1620), El subtil cordobés Pedro de Urdemalas (1620) e Don Diego de Noche (1623).

CAPITAIS

Capital do estado de Coahuila, México (578.046 h [2000]). Posúe industria alimentaria, siderúrxica, papeleira, téxtil e de maquinaria agrícola.

PERSOEIRO

Médico, profesor e investigador. Destacou a súa loita contra rutinas e supersticións, en prol da inoculación e da vacina antivariólica, e en xeral da hixiene e da salubridade pública. Os seus estudos comprenden campos tan diversos como a navegación aerostática, o telégrafo eléctrico e sen fíos, a navegación submarina, o impulso para o desenvolvemento das comarcas, a conservación química dos alimentos, a meteoroloxía e melloras técnicas para a industria, ademais de estudos demográficos e sociais. Escribiu Años clínicos e Pensamientos sobre el arreglo de la enseñanza del arte de curar (1812).

PERSOEIRO

Escultor. Continuou co taller do seu pai, un escultor napolitano establecido en Murcia. Dedicouse á realización das escenas que compoñen o belén, seguindo a tradición napolitana, e dos pasos de Semana Santa, dos que destacan Oración en el Huerto (1754), La Cena (1763) e Cristo atado a la columna (1777-1778).

PERSOEIRO

Dirixente deportivo e diplomático. Seleccionador nacional de hockey a patíns, foi presidente da federación española deste deporte e do Comité Olímpico Español (1967-1970). Membro do Comité Olímpico Internacional desde 1966, foi o seu vicepresidente (1974-1978) e presidente (1980-2001), durante cuxo mandato Barcelona foi elixida (1986) para organizar os Xogos Olímpicos de 1992. Presidiu a Deputación de Barcelona (1973-1977) e foi embaixador na Unión Soviética (1977-1980). Foi presidente da Caixa de Pensions (1987-1999), que baixo o seu mandato pasou a ser a Caixa d’Estalvis i Pensions de Barcelona.

PARROQUIA

Parroquia do concello de Sober baixo a advocación de san Martiño.

PARROQUIA

Parroquia do concello de Pantón baixo a advocación de san Vicente.

GALICIA

Parroquia do concello de Samos. baixo a advocación de San xil.

PERSOEIRO

Raíña de Nápoles, filla do Rei Sancho I. Casou en 1304 co Rei Roberto I de Nápoles. Ao quedar viúva (1343), axudou ao seu sobriño Xaime III de Mallorca contra Pedro IV de Aragón.

GALICIA

Político. Xefe de gabinete do Concello de de Santiago de Compostela (1983-1987) e concelleiro do PSOE desde 1987, foi membro da Deputación Provincial (1991-1999). En 1998 asumiu o cargo de alcalde de Santiago de Compostela, tras a renuncia de Xerado Estévez. Foi elixido alcalde da cidade en 1999 e reelixido en 2003. No seu mandato conseguiu que Santiago de Compostela acadase o estatuto de capitalidade e xestionou a Capitalidade Cultural Europea de 2000.

PERSOEIRO

Pintor. Formouse en Flandres con Antonio Moro e foi pintor de cámara de Filipe II (1560). Os seus retratos áulicos seguen o esquema compositivo do seu mestre e mostran unha gran cromática e unha pincelada solta. Cultivou tamén a pintura relixiosa. Destacan Isabel de Valois, El príncipe don Carlos, Ana de Austria e Los desposorios místicos de santa Catalina.

PERSOEIRO

Rei de Mallorca (1311-1324), fillo de Xaime II de Mallorca. En 1302, ao ingresar o seu irmán Xaime na orde franciscana, xurou como herdeiro do trono de Mallorca. Ao ano seguinte rendeu homenaxe en Barcelona ao seu curmán Xaime II de Aragón.

PERSOEIRO

Arquitecto. De nome Antonio Giamberti, foi axudante do seu irmán Giuliano da Sangallo. Arquitecto militar, restaurou Castel Sant’Angelo (desde 1493) e construíu a Rocca de Civitacastellana (1494-1499), Poggio Imperiale de Poggiobonsi (1495-1513) e Nepi (1499-1503). En 1515 proxectou e iniciou a fortaleza vella de Liorna. Desde 1518 centrou a súa actividade en Montepulciano, onde construíu ao gusto do s XVI, os palacios Tarugui, Contuci, Cervini e Del Pecora, e a igrexa de San Biagio de Montepulciano (1518-1529).

PERSOEIRO

Arquitecto, sobriño de Antonio e Giuiliano da Sangallo. De nome Antonio Cordiani, especializouse en fortificacións. Traballou en Roma desde 1503 con D. Bramante. Construíu Santa Maria di Loreto (1507) e, unha vez morto R. Sanzio, dirixiu as obras de San Pedro do Vaticano. Para a familia Farnese construíu a Rocca Oaolina en Perusa, a capela Paolina e sala rexia no Vaticano, parte de vila Farnese en Caprarola e o Palazzo Farnese en Roma.

PERSOEIRO

Escultor e medallista, fillo de Giuliano da Sangallo. De nome Francesco Giamberti, foi coñecido tamén como il Margotta. Fixo a estatua de Paolo Giovino, no claustro da igrexa de San Lorenzo en Florencia (1560).