"Ea" (Contén)

Xénero de fentos arborescentes, propio dos bosques tropicais do contorno do Pacífico, de ata 12 m de altura e con frondes que acadan os 4 m de lonxitude. A especie C. arborea, orixinaria do centro e sur do continente americano, cultívase como ornamental en parques e xardíns de países con climas cálidos e húmidos.

Xénero de herbáceas mariñas da familia das cimodoceáceas. De rizoma longo e cor vermella, en cada nó posúen entre dúas e cinco follas estreitas de 2 a 10 cm de lonxitude e flores unisexuais, illadas e reducidas (as masculinas a 2 estames unidos e as femininas a 1 ou 2 carpelos libres); a polinización é hidrógama. No litoral mediterráneo está presente a especie C. nodosa.

Xénero de moluscos gasterópodos mariños da familia dos cipreidos ao que pertence o caurí.

Xénero de fungos, da orde das poliporais, de cogomelos semicirculares e planos, de ata 20 cm de diámetro, coa cutícula áspera e de cor crema cinsenta. O himenio aparece disposto en pequenos tubos alongados, a xeito de láminas rudimentarias, que ofrecen un aspecto labiríntico. A especie D. quercina vive sobre carballos aos que infecta; a carne ten unha consistencia coriácea, polo que non ten valor culinario.

Asemblea de representantes (en gaélico) da Tithe an Oireachtais ou Parlamento da República de Irlanda. Creada en 1919 en Dublín polos 23 deputados irlandeses disidentes do Parlamento británico, foi a única cámara lexislativa ata a reforma constitucional de 1922, que introduciu o bicameralismo. Consta de 166 membros elixidos para un mandato de cinco anos.

Jean-François d’ Andrieu.

Compañía fundada na Coruña en 1983 por Carlos Clemente Martínez Gallego como Escola de Expresión Rítmica e Dramática. Algúns dos seus primeiros espectáculos foron A máis forte (1985), de Strindberg, e Sobre o tabaco (1985), de Čekhov. No ano 1989 representaron a súa primeira peza de monicreques, Peluquillas Mangariñas II, de Marcelino de Santiago, Kukas, e a partir dese momento realizaron tamén diversas adaptacións de contos, como A Casiña de Chocolate e O pequeno Frankenstein.

Estrutura típica dos filamentos dicarióticos do micelio da subdivisión ascomicotina e da basidiomicotina.

Relativo ou pertencente á danxeardia.

Hariclea Haricly.

( Sidney 1901 - 1985) Escritora. As súas novelas reflicten o inicio da colonización de Australia. Publicou, entre outras obras, The Timeless Land (Rexión intemporal, 1941) e Storm of time (Tormenta do tempo, 1948).

Poemario publicado por Ana Romaní en 1994. Obra de carácter intimista e temática amorosa e existencial, tenta atopar unha linguaxe poética innovadora que reflicta unha nova mentalidade sobre a muller. De aí, a reelaboración de tópicos literarios con valores diferentes dos que sinala a tradición: as historias míticas de Penélope e Ulises, o río, a auga, o mar, o tecer, etc. Neste sentido, a simboloxía mariña que emprega, presente xa no seu primeiro libro Palabra de mar (1987), amosa significativas coincidencias coa de Cristina Peri Rossi nos poemas de Descripción de un naufragio (1975) e coa de Carme Riera en relatos como “Te deix, amor, la mar com a penyora” e “Jo pos per testimoni les gavines”. Na súa construción dun eu lírico feminino propio, entronca tamén coa poética de soidades, sombras, derrotas e desterros de Emily Dickinson e Edith Södergran, ás que se lles engade a figura de Rosalía de Castro e outras voces máis achegadas no tempo, como a de Xohana Torres en Tempo de ría. O percorrido...