"GR" (Contén)

Símbolo ou conxunto de símbolos con que se representa un son ou unha palabra. Por exemplo, o son [¥] represéntase coa grafía ll.

Representación por medio dunha ou varias liñas de datos numéricos que fan visible a relación que teñen entre si eses datos.

Revista editada pola Asociación Galega de Deseñadores Gráficos, Ilustradores e Directores de Arte (AGG) na Coruña a partir de xaneiro de 1987. Subtitulouse “Publicación de Deseño Gráfico e Comunicación Visual”. Trátase dunha revista informativa, cun formato novidoso en forma de triángulo, que incluía diversas seccións relacionadas con proxectos, concursos e normativas.

Periódico de tendencia esquerdista editado en Ferrol en 1932, como resultado dunha folga dos tipógrafos do xornal El Correo Gallego. Nel participaron sinalados militantes do obreirismo departamental como o sindicalista Mario Rico e os socialistas Antonio Filgueira Vieites e Pedro Guimarey, amais do ex-crego e integrante da masonería, Matías Usero.

Orla ou cordón que presentaban algunhas moedas preto do bordo para evitar o seu desgaste e a práctica fraudulenta do retallamento. Existían diferentes tipos, como a de perlas, de puntos, de liña ou liñas e follas. Antigamente, gravábase nunha operación diferente da cuñación.

Decoración que consiste en dar a unha superficie un perfil ondulado mediante incisións paralelas a xeito de molduras convexas xustapostas.

Instrumento punzante que serve para facer os debuxos e as incisións de pinturas esgrafiadas ou estufadas.

Especialidade das artes gráficas na que se atende dunha maneira particular ás técnicas e á composición de elementos gráficos que interveñen na páxina impresa e en todos os procesos de reprodución e estampación directamente relacionados. Ten a súa orixe no debuxo litográfico, o retoque e a ilustración publicitaria. No eido das belas artes aplícase ao predominio da liña e do ton sobre a cor nos debuxos e nos distintos tipos de estampas gravadas. Despois do cubismo, foron o construtivismo, o dadaísmo, De Stijl, a Bauhaus e a escola de Basilea os movementos que, entre 1920 e 1930, fixeron triunfar un novo grafismo caracterizado polas composicións macizas, as letras en pau seco, a revalorización dos espacios brancos e a manipulación fotográfica da ilustración. En EE UU naceu unha corrente gráfica en que a fotografía e a ilustración acadan o primeiro termo. Tamén se denomina deseño gráfico.

Especialista en grafismo.

Acción de grafitar.

Descomposición da cementita en grafito e ferro, segundo a reacción Fe3C S C + 3Fe, que se pode desprazar á dereita polo arrefriamento lento do metal ou por medio de elementos grafitizadores. Coa grafitización aumenta a mecanizabilidade e a tenacidade da aliaxe e diminúe a dureza.

Aplícase á substancia que favorece a reacción da grafitización. Normalmente, emprégase o silicio, o níquel e o bismuto.

Que é semellante ao grafito.