"RG" (Contén)

Margarida I de Acaia.

(Verosvres, Charolais 1647 - Paray-le-Monial 1690) Mística francesa. Profesou (1672) no convento da Visitación e manifestou que recibira de Xesús Cristo o encargo de propagar a devoción ao Sagrado Corazón. Na iconografía represéntase case anciá, con hábito escuro, en éxtase e axeonllada cos ollos cara ao ceo, e o seu atributo persoal é un corazón ou unha coroa de espiños na man. Canonizada en 1920, a súa festividade celébrase o 16 de outubro.

Emulsión plástica de graxas e aceites ideada polo francés Mège-Mouriès que non proceden do leite ou que só proceden en parte. É un produto fundamentalmente graxo que, polas súas propiedades físicas e sensoriais, pode empregarse para os mesmos fins ca a manteiga. O seu consumo é moi elevado, xa que é máis barato ca a manteiga. Para obtela empréganse graxas animais refinadas e transesterificadas (oleomargarina, lardo, aceite de balea), aínda que predominan as graxas vexetais (de coco, algodón, soia, cacahuete, palma) refinadas e hidroxenadas. En moitos casos faise con mestura de graxas, diversas proporcións de leite pasteurizado, ou de nata. Outros compoñentes son: sal (conservador e intensificador do gusto), lecitina (tensioactivo), monoglicéridos e diglicéridos (emulsionantes), conservantes (ácido sórbico, ácido benzoico), vitaminas (A e D), colorantes (naturais), aromatizantes (diacetil, que permite evitar o emprego de leite cultivado), ácido cítrico e citratos (substratos dos microorganismos...

Cóctel que se fai a base de ron, xenebra, brandy ou outro licor, con limón e, en xeral, un pouco de granadina, que se serve en copa xeada. Adoitan engadirse un pouco de sifón e dúas ou tres guindas.

Mamífero carnívoro que mide 40 cm ata a cruz e 85 cm de lonxitude, e mais 40 cm de cola. A súa cor varía da pardo amarelenta á pardo escura e presenta manchas ovais e raias lonxitudinais negras. De costumes nocturnos, é bo trepador e áxil nas árbores, onde pasa a maior parte do tempo e descende das copas de cabeza, ao contrario ca a maioría dos felinos. Aliméntase de pequenos mamíferos, réptiles, insectos e aves que comparten a cima das árbores. Habita en altiplanos de densa vexetación desde o N de México ata o N de Arxentina.

Coeficiente adimensional que se emprega nos cálculos termodinámicos dun fluído sometido a convección forzada, que representa a relación entre a calor transferida e a capacidade técnica do fluído. É igual ao número de Nusselt dividido polo produto do número de Reynolds e o número de Prandtl. OBS: Tamén se denomina número de Stanton.

Título outorgado aos funcionarios ou condes que se encargan de comandar as tropas e administrar xustiza nunha marca ou provincia fronteiriza do Imperio Carolinxio e o Sacro Imperio. Xerarquicamente inferior ao duque, acadou un poder similar a este, e gozou dunha situación de semiindependencia respecto do emperador cando o margraviato se fixo hereditario. No s XIX este título desapareceu ao acceder a dignidades superiores, como gran duque, elector ou rei.