"AN" (Contén)

fumegante.

fumegante.

Cada unha das substancias empregadas na fase gasosa para eliminar unha forma de vida non desexada.

Institución portuguesa de dereito privado e utilidade pública, con sede en Lisboa, creada polo testamento de Calouste Sarkis Gulbenkian (18.6.1953). Confirmada pola aprobación dos estatutos en 1956, entre os seus fins inclúense a educación, a ciencia, a beneficencia e as artes. As súas instalacións, situadas no Parque Gulbenkian, inclúen a sede da fundación, o Museu Gulbenkian, a biblioteca de arte e o Centro de Arte Moderna. Ademais, conta co Instituto Gulbenkian de Ciencia instalado en Oeiras.

Fundación creada polo pintor Antoni Tàpies en 1984 para o estudo da arte contemporánea. En 1990 inaugurouse a súa sede no edificio da antiga editorial Montaner i Simon de Barcelona. As súas actividades céntranse na investigación artística e na organización de exposicións, seminarios, conferencias, concertos e actividades culturais de arte contemporánea. A biblioteca está especializada en arte de culturas non occidentais e arte do s XX e ten un arquivo exhaustivo sobre o pintor Tàpies.

Revista editada en Pontevedra a partir de abril de 1993. Exerceu como voceiro informativo da devandita entidade e contaba co apoio da Consellería de Cultura. No seu consello editorial figuraban Guillermo Campos, Xosé Mª García, Ramón Latas e Xosé Castro, quen se encargaba da coordinación e deseño. Ademais de datos culturais, centraba os seus artigos en aspectos biográficos do político ourensán.

Fundación sen ánimo de lucro constituída por Amancio Ortega, presidente do grupo Inditex, cun capital inicial de 10.000 millóns de pesetas o 10 de xullo do 2001. Entre os seus obxectivos destacan o desenvolvemento e modernización dos procesos de ensino e aprendizaxe mediante a incorporación de tecnoloxías avanzadas nos centros escolares. Os seus proxectos comezaron co apoio á educación primaria e infantil no Centro de Ensino Infantil e Primaria Ponte dos Brozos, de Arteixo (A Coruña). Está prevista a súa extensión aos campos da educación, da cultura, da investigación e da ciencia.

Fundación sen ánimo de lucro que se constituíu o 9 de agosto de 1999 trala firma dun protocolo entre o conselleiro de Cultura da Xunta de Galicia, o alcalde de Santiago de Compostela e Antonio Fraguas Fraguas. Ten como espazo e referencia o Museo do Pobo Galego e o seu patrimonio está constituído polas achegas dos patróns e socios do Museo. Entre os seus obxectivos inclúense a conservación e dinamización do legado patrimonial que Antonio Fraguas reuniu ao longo da súa carreira, para incrementar a investigación, a divulgación e a conservación dos lugares da memoria de Galicia, así como asegurar que o Museo do Pobo Galego poida cumprir adecuadamente os seus fins.

Fundación sen ánimo de lucro creada en 1989 por Caixa Galicia coa finalidade de promover as actividades culturais en calquera das súas posibles manifestacións. Ten a súa sede principal na Coruña. Centrouse no eido da investigación, das belas artes e da promoción cultural e na concesión de bolsas. Convoca diversas actividades de índole cultural. O interese polas artes plásticas deu lugar á creación da Colección Caixa Galicia (1996), con sede na Coruña, constituída por fondos xa existentes e enmarcada nunca política de novas adquisicións que ten en conta as achegas da arte máis nova en Galicia. Pintura, escultura, instalacións e fotografía constitúen os fondos da colección. Posúe varias salas de exposicións e participa así mesmo, en mostras de arte contemporánea. Conta cun servizo pedagóxico para estudiantes e realiza talleres para os mais novos. Dende o curso 1997-1998 concede diversas bolsas de estudios no estranxeiro.

Fundación sen ánimo de lucro con sede en Betanzos creada en 1997 coa finalidade de promover e difundir as artes plásticas, en xeral, e a arte gráfica, en particular. A súa orixe está nos Cursos Internacionales de Gráfica, organizados dende 1985 polo artista Jesús Núñez, presidente da fundación. Ten a súa sede na casa Núñez, edificio modernista situado no centro histórico da vila que ofrece amplos espacios dedicados ás artes gráficas e que está concibido como un lugar de exposición, de traballo, de ensino e de encontro. Organiza cursos prácticos e teóricos sobre técnicas tradicionais, como o gravado calcográfico, a litografía, a xilografía e a serigrafía, e sobre novas tecnoloxías artísticas e industriais aplicadas á estampa. Conta cunha biblioteca e cunha colección de gravados coa que se formou en 2002 o Museo de la Estampa Contemporánea.

Fundación sen ánimo de lucro con sede en Pontevedra creada en 1991 coa finalidade de promover actividades culturais e deportivas que contribúan ao coñecemento do patrimonio cultural, histórico e artístico de Galicia e da realidade cultural española. Naceu co propósito de dar continuidade e impulso ao labor que desenvolveron as Rutas Cicloturísticas del Románico-Internacionales. Das súas actividades destacan, ademais da organización das Rutas Cicloturísticas, a celebración de conferencias, concertos, exposicións e cursos, e a edición de libros sobre poesía, arte e historia. Concede un premio de escultura e pintura para alumnos da facultade de Belas Artes de Pontevedra, e colabora en actividades análogas con outras fundacións, asociacións e particulares.

Que ten a violencia dun furacán.

Casa particular ou calquera outro lugar, acondionado coma se fose unha taberna, onde se vende viño da propia colleita.