"ISM" (Contén)

Aparición frecuente de sibilantes nun texto.

Conxunto de doutrinas formuladas basicamente por Nanak (1469-1538) e polos seus sucesores, os gurús, que constitúen a relixión dos sikhs en India. Dun monoteísmo estrito, é unha síntese do movemento bhakti hindú e do sufismo islámico, e nega a autoridade dos Vedas e suprime o sacrificio, o sacerdocio e o sistema de castas. As ensinanzas do gurú Gobind Singh (1666-1708) transformaron o seu carácter pacifista nun espírito militar.

Modalidade de argumentación dedutiva que consiste na afirmación de dúas proposicións, relacionadas entre elas e chamadas premisas, das que resulta outra, chamada conclusión. A relación entre as premisas do siloxismo -chamadas respectivamente maior (P) e menor (S)- establécese mediante o chamado termo medio (M), repetido en ambas as dúas premisas. A diferente disposición de P, S e M nelas determina as catro posibles figuras do siloxismo, e a súa combinación coas catro posibles modalidades de xuízos determina os modos do siloxismo. Entre as diversas formas siloxísticas están os siloxismos hipotéticos, os modais, os abreviados (entimema) e os compostos (polisiloxismo, sorites e dilema).

Calidade de simplista.

Fenómeno en que o pole está agrupado en tétradas, polinios ou polinarios.

Representación simultánea nun mesmo plano de varios acontecementos ou aspectos dun obxecto sen transición entre eles.

Movemento dos traballadores organizados en sindicatos en defensa dunha mellora das súas condicións de vida e de traballo. Os primeiros pasos do movemento sindical organizado déronse en Reino Unido, onde se creou, por influencia de Robert Owen, a Great Consolidated Trade Union (1833), aínda que os seus precedentes atópanse na segunda metade do s XVIII. En Alemaña, a unión dos lassallianos e os marxistas (Congreso de Gotha, 1875) permitiron o inicio dun sindicalismo de orientación socialista que adquiriu unha grande implantación. En Francia desenvolvéronse as asociacións de axuda mutua, sobre todo a partir de 1830, e as cámaras sindicais de oficios (1860), ata chegar á formulación do sindicalismo revolucionario que cristalizou na creación da Confédération Générale du Travail (CGT) en Limoges en 1895. En Italia creouse a Confederazione Generale Italiana del Lavoro (CGIL) en Milán en 1906, de tendencia socialista. En España a súa influencia inicial foi bakuninista coa Federación Rexional Española...

Corrente artística postimpresionista, tamén coñecida como cloisonnisme, que procura a simplificación das formas e o decorativismo empregando grandes superficies planas de cor rodeadas por trazos negros. Orixinouse en 1888 en Bretaña, e aínda que E. Bernard foi o seu creador con Les Bretonnes aux ombrelles, quen destacou foi P. Gauguin con La vision après le sermón. Foron desta corrente os membros da escola de Pont-Aven e os do grupo nabí. Considerouse como a obra sintetista por excelencia Le talisman de P. Sérusier.

Relixión nacional dos xaponeses, denominada shinto (camiño dos deuses) en oposición á butsudbō (camiño de Buda). Hai un xintoísmo primitivo que se diferenza de moitas outras formas influídas polo confucianismo, o taoísmo e o budismo. Relixión basicamente animista ou politeísta, non ten fundador, escrituras, nin dogmas, pero si unha rica mitoloxía e un culto importante. A noción central é a pureza ritual e física, non moral. Ser impuro é o pecado (tsumi), que pode ser voluntario ou involuntario. O pecador ou contaminado recupera a pureza a través de diferentes ritos, como o harae (exorcismo), o misogi (ablución con auga e sal), o imi (tipo de profilaxe do pecado que consiste nunha abstinencia) e outros. Os documentos máis antigos, o Kojiki (Arquivos de cousas antigas) e o Nihongi (Anais de Xapón), tratan da historia mítica de Xapón a partir da data lendaria da fundación do imperio (660 a C), onde teñen un papel relevante os kami ou deuses, así como os heroes Izanagi e Izanami, a deusa...

Movemento creado na segunda metade do s XIX por rabinos e pensadores xudeus da Europa Oriental encamiñado a reconstruír en Palestina unha patria xudía que acollese os xudeus de todo o mundo que o desexasen. Os pogroms rusos de 1881 provocaron a chegada a Palestina de diversos grupos de xudeus -a primeira alià (subida a Sión)- que estableceron as primeiras colonias agrícolas. Coa obra de Theodor Herzl e a partir do I Congreso Sionista de Basilea (1897) o movemento adquiriu un carácter político. Herzl creou dúas grandes institucións de recadación de fondos para o establecemento de xudeus en Palestina, e entrevistouse cos principais xefes de estado europeos. A Declaración de Balfour e o mandato británico de Palestina favoreceron o movemento, pero pronto provocaron a oposición árabe en xeral e numerosos atentados (1921, 1929, 1933, 1936-1938). Fundáronse máis de 150 aglomeracións cooperativas agrarias (kibbutzim e mošavim) e creouse un sistema de autodefensa,...

Distribución dos sismos que se producen no espazo en función da súa frecuencia e intensidade.

Sistema de rexistro das ondas sísmicas que se realiza por medio dun sismógrafo.

Instrumento que rexistra a amplitude, a dirección, a frecuencia e outras características das ondas sísmicas que se manifestan en forma de vibracións na terra. Fundaméntase na inercia dunha gran masa suspendida libremente e que, polo tanto, descansa inmóbil mentres o seu soporte se move solidariamente coas vibracións da terra.