"Sus" (Contén)

PERSOEIRO

Violinista e compositor. Estudou en Madrid, París e Bruxelas, e actuou con solistas por toda Europa. Dirixiu a Capilla Real de Madrid e fundou unha orquestra en Barcelona. Escribiu obras para violín, das que destaca Adiós a la Alhambra.

PERSOEIRO

Escritor. Exerceu primeiro o ensino e logo traballou en tarefas editoriais. En Històries de la mà esquerra (Premio Joan Santamaria 1971) e El cafè de la granota (1985) recreou o pasado mítico da antiga Mequinenza, tema que retomou, cun alcance moito máis ambicioso, nas novelas Camí de Sirga (1988, Premio Joan Crexells 1988, premio Ciutat de Barcelona, Premi de la Crítica Serra d’Or e Premio Nacional de la Crítica 1989) e La galeria de les estàtues (1991). Recibiu o Premi dels Escriptors Catalans (2000) e a Creu de Sant Jordi (2001).

GALICIA

Sindicalista. Foi un dos primeiros membros da Unión Sindical Obrera (1966-1967). Foi deputado no Parlamento galego polo PSOE (1985-1988) e secretario xeral da UGT desde 1980. Participou na creación e constitución do Consello Sindical Interrexional Galicia-Norte de Portugal e da Fundación para a defensa do Consumidor (FUNDECO), e impulsou a formación da Fundación Luís Tilve (1989).

PERSOEIRO

Escritor. Exerceu como profesor na Universidade de Lisboa desde 1957, sendo un firme opositor á ditadura de Salazar. Fundador da revista Tábola Redonda (1950), o seu primeiro éxito foi Secreta Viagem (1950). Da súa extensa bibliografía destacan Hospital das Letras (1966), As Quatro Estações (1980), Os Ramos os Remos (1985) e Tópicos recuperados (1992). Recibiu o Prémio APE (1986).

GALICIA

Avogado e escritor. Colaborou en diversos xornais, como La Ilustración Gallega e El Heraldo Gallego (1874-1880). Destacou tamén polo seu labor de crítico literario, sobre todo por una tensa polémica que mantivo con Clarín. Das súas obras destacan Cuentos soporíferos (1874), Semblanzas galicianas (1876) e Semblanzas (2ª edición, 1884).

GALICIA

Escritora e relixiosa. Despois de tomar os hábitos (1892), colaborou como organista en Monforte de Lemos. Escribiu numerosas poesías, a maior parte inéditas.

PERSOEIRO

Filóloga e escritora. Membro do consello de redacción das revistas Dorna, Boletín Galego de Literatura e da colección de poesía Letras de Cal, colaborou no proxecto “Informes de Literatura” do Centro Ramón Piñeiro para a Investigación en Humanidades (1996-2000). Publicou, ademais de diversos estudos de creación literaria, “Os outros feirantes” de Álvaro Cunqueiro (1993) e Álvaro Cunqueiro. Narrativa curta. Antoloxía (1997). A súa creación poética incluíuse en libros de autoría colectiva, como Ao mar de adentro (1989) e Oito e Médio (1989).

GALICIA

Relixioso. Cronista oficial da súa vila natal, fixo carreira eclesiástica en Mondoñedo antes de marchar a Madrid. De volta en Viveiro, colaborou en diversos xornais e foi director de El Eco de Vivero.

GALICIA

Pintor. Formouse en Londres e dentro da súa obra, en que predominan os matices expresivos e as evocacións impresionistas, distínguese unha primeira etapa realista, outra de transición e unha última en que predomina o impresionismo. Nas súas obras utiliza a cor, o contraste e compón os modelos tomados do natural. En canto á temática aborda múltiples motivos, desde bodegóns a paisaxes labregas e figuracións.

GALICIA

Gravador, pintor, ilustrador, escultor e deseñador de xoias. En 1951 recibiu unha bolsa para a ampliación de estudos en Berlín, onde perfeccionou o gravado calcográfico e a litografía, e traballou con Hubert Hoffmann. Destacou no campo da abstracción e derivou cara a unha neofiguración xeométrica, en parte neocubista, onde as tintas se converteron en organizadoras das gamas cromáticas sobre soportes de distinta natureza, como o téxtil ou o tapiz. Traballou a augatinta, a litografía, o gravado en oco, a xilografía, o carborundo, a serigrafía, a electrografía e a fototipia. Participou en numerosas exposicións internacionais de gravado. Da súa produción destacan a serie Cidade (1981) e obras como Arquitectura (1989), Paso de Almansur (1992) e África (1999). Realizou as estampas de Poemas dos Comeiros de Uxío Novoneyra. Recibiu o Gran Premio de Grabado no II Certamen Nacional de Artes Plásticas (1963), a II Medalla na Exposición...

PERSOEIRO

Ciclista. Destacou como escalador e conseguiu a medalla de bronce no campionato do mundo de Montjuïc (1973). Gañou dúas veces o campionato de España (1968 e 1972), a Vuelta a España (1970) e o Tour de France (1973), ademais de nove etapas na carreira francesa e seis na proba española. Recibiu a Medalla de Oro al Mérito Deportivo (1973).

GALICIA

Médico. Doutorouse en Medicina pola Universidade de Santiago de Compostela. Foi decano da facultade de Medicina na Universidade de Santiago (1984-1989) e xefe da sección de Neurofisioloxía Clínica no hospital Universitario de Santiago. Escribiu diversos artigos en revistas internacionais sobre fisioloxía do sistema nervioso. Foi membro fundador e Presidente do Clube Nacionalista Alén Nos. Recibiu o Premio da Grant Fundation (Nova York) á investigación en Neurociencias.

GALICIA

Pintor, escultor e debuxante. A súa obra está influenciada polo paisaxismo, o barroco flamengo e holandés, e a xeometría do neoplasticismo. Concibiu a paisaxe como metáfora e eido do irreal. Influído pola obra de artistas surrealistas como René Magritte, idealizou a natureza e introduciu nela elementos oníricos. Realizou, entre outros, o conxunto pictórico Vlaanderen (1994-1995), que destaca pola horizontalidade e a infinitude da paisaxe que o rodea; a serie Museum, marcada pola expresividade das cores e polo ritmo plástico, e a obra Flandes LI, Hombre de Flandes I (1994). Escribiu El artista como ascensorista (1991), Primeras nupcias del conocedor y lo conocido (1992) e In Loor Vlaanderen (1993). Recibiu o Premio Pilar Juncosa y Sotheby’s en 2003.

PERSOEIRO

Historiador e ensaísta. Doutor en Filosofía e Letras e licenciado en Dereito. Foi catedrático de Historia en Sevilla (1930-1935) e en Madrid (desde 1935), deputado a Cortes pola CEDA (1935-1936) por Sevilla e director da Real Academia de la Historia. Escribiu obras históricas e prestoulle especial atención aos temas políticos, como La revolución portuguesa (1941-1944).

GALICIA

Avogado e político. Foi asesor xurídico da Semana Verde de Galicia (1982-1991) e secretario xeral letrado da Fundación Semana Verde de Galicia (1991-1996). Elixido deputado no Parlamento de Galicia desde 1989, foi conselleiro de Xustiza, Interior e Relacións Laborais (1996-1999) e presidiu, entre 1996 e 1998, a Sociedade Galega de Medio Ambiente (SOGAMA). É secretario xeral do PP de Galicia desde 1999 e conselleiro de Xustiza, Interior e Administración Local desde 2003. Recibiu a Cruz de Honor de San Raimundo de Peñafort (2000).

GALICIA

Xornalista. Director xerente do Grupo El Progreso. Foi redactor na cadea SER, La Voz de Galicia e El Ideal Gallego para logo centrar a súa carreira na cadea COPE, en Santiago de Compostela, onde foi redactor xefe, director e director rexional en Galicia, Asturias e Cantabria. En 1997 substituíu a Xesús Pérez Varela como secretario xeral para as Relacións cos Medios Informativos, na Xunta de Galicia, cargo que abandonou en xaneiro de 2003 para reincorporarse en marzo dese ano ao seu anterior cargo como director rexional da COPE.