"Rin" (Contén)

PERSOEIRO

Político. Doutor en Dereito (1859), foi xefe e fundador do Partido Liberal, gobernador civil de València (1881) e gobernador do Banco de España. Foi ministro de Ultramar (1888), de Graza e Xustiza (1894), e de Gobernación en seis ocasións entre 1888 e 1899.

PERSOEIRO

Arquitecto finlandés, fillo de G. E. Saarinen. Instalouse en EE UU co seu pai (1923), con quen colaborou, e naturalizouse estadounidense. No Technical Center da General Motors, en Warren (1951-1957), utillizou un formulismo racionalista, pero en obras posteriores non puido afastarse de connotacións manieristas e historicistas medievais, como nas residencias para estudantes da University of Pennsylvania (1957-1960), a embaixada de EE UU en Londres (1955-1960) e os colleges da Yale University. Realizou tamén as terminais da TWA, no aeroporto Idlewild (actual John F. Kennedy) de Nova York (1956-1962), e do aeroporto Dulles de Washington (1961- 1962).

PERSOEIRO

Arquitecto finlandés, pai de E. Saarinen. Estudou pintura e arquitectura, e en 1896 asociouse con H. Gasellins e A. Lindgren. Foi autor da estación de tren de Helsinqui (1904-1914) e do proxecto para o edificio do Chicago Tribune (1922), que lle abriu as portas a EE UU, onde se instalou en 1923. Foi profesor na University of Michigan e director (1923-1948) da Cranbrook Academy of Art, para a que construíu diversos edificios. En 1938, asociado co seu fillo, superou a influencia medieval e realizou unha arquitectura máis racionalista, como o Music Hall de Buffalo (1938) e a Christ Lutherian Church de Minneapolis (1949-1950). Colaborou no proxecto do centro técnico da General Motors, en Detroit (1949), que acabou o seu fillo.

1. Relativo ou pertencente ao azucre.

2. Que contén azucre.

CIDADES

Cidade da provincia de Ontario, Canadá, situada ao S de Toronto (129.170 h [2001]). Predominan as industrias do automóbil, do téxtil e de produtos alimentarios.

PERSOEIRO

Fotógrafo. Introduciuse na fotografía a través do seu pai, Osvaldo Salas, e comezou a traballar en El Imparcial (1955). Establecido en La Habana (1959), traballou en Revolución, Cuba, Bohemia e fundou co seu pai Gramma. Correspondente na Guerra de Vietnam, ocupou diversos cargos públicos e foi o fundador da Agencia de Prensa Latina. A partir da década de 1990 experimentou coa manipulación de imaxes e publicou Tabaco: visiones sobre la leyenda (1990).

TERRITORIOS

Territorio italiano que se estendía ata Tarento, a parte costeira da actual provincia de Salerno e boa parte da chaira de Campania. Foi separado do principado de Benevento en 847 e converteuse nun principado longobardo independente. No s XI comprendía case toda a Italia meridional despois de someter os ducados de Amalfi, Sorrento e Gaeta e o principado de Capua, e foi reducido a vasalaxe aos condes normandos de Pulla-Calabria. Como título feudal foi posuído polos Orsini, condes de Nola, e polos Sanseverino.

PUNTA

Punta do litoral atlántico, situada entre a de Arbosa e a enseada da Barda, na parroquia de Brantuas (Ponteceso).

MONTES

Monte situado na parroquia de Abrence (A Pobra do Brollón). O seu cumio acada os 717 m de altitude.

MONTES

Monte situado na parroquia de Castrelo (San Xoán de Río). O seu cumio acada os 1.000 m de altitude.

PRAIAS

Praia da ribeira N da ría de Arousa, situada na parroquia de Rianxo, no concello homónimo.

MONTES

Monte situado entre as parroquias de Montouto e Labrada (Abadín). O seu cumio acada os 928 m de altitude.

MONTES

Monte situado na parroquia de Milleirós (Pol). O seu cumio acada os 786 m de altitude.

ILLOTES

Illote do Océano Atlántico, situado fronte á illa de Sálvora, na parroquia de Aguiño (Ribeira).