"AN" (Contén)

Colectivo fundado na Coruña a comezos de 1934, polo anarquista arxentino de orixe grega, Antonio Fournerakis, o palentino retornado de América, Ildefonso González, e o zapateiro coruñés, Antonio Varela. Integrado na FAI e con grande influencia nas Juventudes Libertarias herculinas, comezou a súa andaina como editor do voceiro anarquista de igual denominación, disolveuse tralo asasinato de Fournerakis e Varela, en xullo de 1937.

Colectivo integrado na FAI coruñesa desde 1935, que colaborou no xornal anarquista Brazo y Cerebro, en que deixou constancia das súas posturas contrarias ao estatuto galego e a prol dunha saída revolucionaria á crise económica e social da República. A súa representación na Federación local da FAI correu a cargo do peón coruñés José González.

Colectivo xurdido na Coruña entre os anos 1922-1923 e integrado, entre outros, polos militantes cenetistas J. Arenas e R. García Lago, así como polo daquela estudiante, Emilio González López. Tiveron como voceiro o semanario anarquista de idéntica denominación, e o seu acto público máis relevante foi o multitudinario mitin celebrado na praza de touros coruñesa en setembro de 1923, poucos días antes da proclamación da Ditadura de Primo de Rivera, en protesta pola condena a morte do cabo Sánchez Barroso, implicado nunha tentativa de revolta contra o envío de tropas a Marrocos.

Colectivo de mulleres de ideoloxía anarquista que actuou na Coruña entre 1933-1935, e integrado na FAI. Entre as súas compoñentes destacan Sebastiana Vitales, retornada de EE UU, e a sindicalista Laura López. Na Fronte Popular, o grupo converteuse no xermolo da organización Mujeres Libres da Coruña.

Empresa multimedia líder en España en prensa de información xeral, cunha difusión media de máis de 800.000 exemplares diarios e unha audiencia que supera os 3.000.000 de lectores. Obtivo en 2001 unha facturación agregada de máis de 600 millóns de euros e posúe un activo de 808,5 millóns de euros. É a primeira empresa en prensa escrita e suplementos semanais, e cunha significativa presenza noutros ámbitos da comunicación: televisión, radio, medios dixitais, novas tecnoloxías, distribución e produtoras de cine e televisión. A orixe do Grupo Correo está na fundación de El Pueblo Vasco en 1910, que logo se fusionou co periódico El Correo. Posteriormente, sumáronse El Diario Vasco (1948), El Diario Montañés (1984), La Verdad (1988), Hoy (1988), Ideal (1988), Sur (1990), La Rioja (1993), El Norte de Castilla (1994), El Comercio (1995) e La Voz de Avilés (1999). A eles, súmase a empresa...

Compañía dedicada a varias áreas de actividade económica: a construción, liderada pola Construtora San José; o sector inmobiliario, representado por empresas como Pontegran ou Udra-Argentina; o industrial, representado por Ciesa, Tecnocontrol ou Sefri Marroc; e comercial e de investimentos, en empresas como Bodegas Altanza ou o Colexio Miraflores de México.

Froito do guanábano, de gran tamaño (entre 2 e 4 kg), forma alongada, pel de cor verde escura brillante e espiñas. A polpa é branca con textura carnosa moi aromática e de sabor ácido. Considérase unha froita moi exquisita e pódese consumir crúa ou en forma de bebida, xalea ou conserva. Cultívase fundamentalmente en América tropical, no SE asiático e nas illas Filipinas.

[Annona

Baía do SL de Brasil, onde están as cidades de Rio de Janeiro e de Niterói.

Provincia de Costa Rica (10.141 km2; 279.264 h [estim 1998]). A capital é Liberia (19.500 h [1999]).

[Lama guanicoe, Fam dos camélidos]

Estado do centro de México, fronteirizo con San Luis Potosí ao N, con Michoacán ao S, con Jalisco ao O e con Querétaro ao L (30.491 km2; 4.663.032 h [2000]). A capital é Guanajuato (41.196 h [2000]). Forma parte da rexión de Mesa de Anahuac. O clima é seco no N e temperado e húmido na chaira. Predomina a gandería (bovino e porcino) e o desenvolvemento agrícola e industrial da rexión estivo favorecido polos encoros de Tepuxtepec e de Solís. As minas de prata e ouro, importantes noutras épocas, están case esgotadas. Hai unha refinería de petróleo na cidade de Salamanca.