"Ea" (Contén)

PERSOEIRO

Militar e político portugués. Entre 1958 e 1974 ocupou diversos cargos militares nas colonias (India, Macau, Moçambique, Guinea e Angola). Entre 1974 e 1975 foi director de programas e presidente do consello de administración na Rádio Televisão Portuguesa (RTP). Cando caeu o réxime salazarista (1974), contribuíu a dominar o intento revolucionario de novembro de 1975. Foi nomeado xefe do Estado Maior do Exército (1975-1976) e xefe do Estado Maior das Forças Armadas (1976-1981). Foi elixido presidente da República en 1976, cargo para o que foi reelixido en 1980, a pesar dos seus enfrontamentos cos sucesivos xefes do goberno. Cara ao final do seu mandato presidencial (1985), promoveu o nacemento do Partido Renovador Democrático (PRD), que pasou a ser a terceira forza política do país nas eleccións lexislativas de 1985 e que presidiu entre 1986 e 1987. Desde 1986 foi membro vitalicio do Consello de Estado.

PERSOEIRO

Pintor estadounidense. Formouse en Londres con Benjamin West. Pintou paisaxes, tamén obras de temas bélicos relacionados coa revolución americana e, sobre todo retratos, nos que incluíu paisaxes ou interiores relacionados coas personaxes retratadas. Entre as súas obras destacan Roger Sherman (1775), William Carpenter (1779) e Oliver Ellsworth and his wife (Oliver Ellsworth e a súa esposa, 1792). O seu fillo Ralph Eleazer Earl (1785-1838) foi tamén pintor e entre os seus retratos destacan os do presidente estadounidense A. Jackson.

PERSOEIRO

Gravador. Traballou con todas as técnicas coñecidas na súa época, pero, sobre todo, destacou pola combinación da augaforte co gravado en negro. Entre as súas obras cómpre salientar os gravados do Liber Veritatis (Libro da verdade, 1819), de Claudio de Lorena.

CIDADES

Cidade da rexión de Strathclyde, en Escocia, Reino Unido (70.454 h [1991]). As principais actividades económicas están relacionadas coa industria, na que destacan os sectores téxtil, químico e electrónico. Creouse en 1947 para desconxestionar a aglomeración de Glasgow.

CIDADES

Cidade da provincia do Cabo Oriental, Sudáfrica, no litoral Índico, na desembocadura do río Buffalo (240.474 h [1991]). O seu porto é un importante núcleo pesqueiro e comercial, ademais dun destacado centro exportador de froitas. Na industria cómpre salientar o sector téxtil.

CONDADOS

Condado de Inglaterra, Reino Unido (1.795 km2; 730.900 h [estim 1995]). A súa capital é Lewes (14.499 h [1991]). A industria e o turismo son as principais bases da súa economía.

CIDADES

Cidade da provincia de Ontario, Canadá (102.696 h [1991]), que xunto con North York, Toronto, Scarborough e Etobicoke, constitúe a área metropolitana máis extensa de Canadá. Posúe destacados centros de investigación no campo da biotecnoloxía e, xunto con Toronto, é sede de importantes sucursais bancarias.

PERSOEIRO

Xenetista estadounidense. Estudiou na Universidade de Illinois onde se doutorou en 1907. Logo duns anos de estudo e investigacións, que realizou na estación experimental de Connecticut (1905-1909) sobre a herdanza no trigo, no tabaco e na pataca, exerceu como profesor na Universidade de Harvard dende 1909. Escribiu Mankind at the Crossroads (Humanidade nas encrucilladas, 1923) e Heredity and Human Affairs (Herdanza e casos humanos, 1927).

CIDADES

Cidade do condado de East Sussex, en Inglaterra, Reino Unido, situada á beira do Canal da Mancha, nos contrafortes orientais da serra de Downs (87.000 h [estim 1999]). As bases da súa economía son as actividades relacionadas coa pesca e cunha pequena industria conserveira. Nos últimos anos adquiriu grande importancia o turismo, principalmente nos meses de verán, debido á construción dun balneario.