"ALE" (Contén)

PERSOEIRO

Xornalista e avogado. Colaborou no Diario de Toledo, onde se fixeron moi populares os seus artigos de opinión e costumes co pseudónimo de Luaces. Posteriormente, colaborou en ABC, El Alcázar e, co pseudónimo de Acicate, en La Codorniz. A súa achega máis importante á prensa española foi a invención do formato tabloide, aceptado logo da saída de El País, xornal no que foi o seu primeiro director de maquetación. Publicou A prensa plural (1980), La prensa en la ditadura (1986), Manual del periodista activo (1987), Para comprender o pensamento franquista na prensa (1989) e El éxito del formato tabloide (1990).

GALICIA

Poeta. A súa obra, que segue as liñas da poesía galega da década de 1980, caracterízase polo culturalismo, a vontade esteticista, a importancia da palabra e a recuperación dos temas da mitoloxía clásica occidental. Dos seus libros de poemas destacan O corpo e as sombras (1985) e Os días olvidados (1985), en que se incluíron composicións galardoadas co Premio Celso Emilio Ferreiro do Concello de Vigo e co premio de poesía do Concello de Santiago de Compostela. Outras obras súas foron Herdanza da néboa e Gramática do silencio, que apareceron recollidas na edición póstuma A morte presentida (1988).

GALICIA

Actriz e cantante. Vinculada ao grupo Chévere, realizou espectáculos como Annus Horribilis, Órbita Mutante e Ana Pudor. Tamén traballou co CDG, Pífano Teatro, Moucho Clerk e Teatro do Aquí. Recibiu o Premio Compostela de Interpretación (1995) e o María Casares (1999).

PERSOEIRO

Actriz cinematográfica alemana. Coñecida como Marlene Dietrich, en 1930, despois do éxito de Der blaue Engel, converteuse nun dos grandes mitos eróticos do star-system da man de Joseph von Sternberg. Xuntos interviron en The Devil is a Woman (1925), Morocco (1930) e Shangai Express (1932). Da súa filmografía destacan Angel (1937), Touch of Evil (1958) e Shoner Gigolo, armer Gigolo (1979).

GALICIA

Profesor e escritor. Alternou a narrativa para adultos coas súas creacións para o público infantil e xuvenil, e foi un innovador do relato breve. Das súas obras destacan Algúns outros (1991, finalista do II Premio Torrente Ballester), Da esfinxe (1992), O patadón (2001), Estanislao, príncipe de Sofrovia (2002) e Irmán do vento (Premio Merlín de Literatura Infantil 2003). O relato “O xardín onde repousa o vento” foi premiado no Certame de Narracións Breves Modesto R. Figueiredo. Como dramaturgo publicou Auto do Entroido (1995) e A Música da noite (2001, Premio Estornela da Fundación Xosé Neira Vilas).

GALICIA

Fotógrafo publicitario. Presidente do Club Escuela Vigoglobo, foi un dos primeiros pilotos de globos aerostáticos en Galicia. Ademais de participar na elaboración da Guía do Museo Quiñones de León de Vigo, colaborou nos volumes Viens en Galice (1991) e Camelias para elas (1999).

GALICIA

Pintor surrealista, ilustrador e escritor, fillo de Manuel Lugrís Freire. Na súa formación resultou especialmente importante a figura da súa nai, Concepción González Varela, pianista, quen o introduciu no mundo da música, moi presente na súa pintura (Sinfonía en mar maior, 1971; Gaiteiro, 1972). O seu nome e os seus antecedentes pitóricos débellos ao seu tío, Urbano González Varela, e o escritor Francisco Tettamancy Gastón representou para el unha grande amizade e a influencia dentro do mundo literario. Na década de 1930, a cabalo entre Santiago de Compostela e Madrid, comenzou a súa andaina como debuxante e pintor de decorados, colaborando no teatro de títeres das Misións Pedagóxicas. Na capital española fixo grandes amizades (Rafael Dieste, Lorca ou Alberti) e frecuentou o Museo del Prado. Na década de 1940 trasladouse a Vigo, onde traballou case exclusivamente durante ese período (Berbés, 1943) e onde comenzou a despuntar plenamente como artista. Os...

GALICIA

Pintor. Coñecido como Xoti de Luis, foi membro dos grupos A Carón, A Galga e Gruporzán. Realizou obras de estilo postimpresionista cunha paleta de cores cálidas e co emprego da mancha solta. Foi autor de diversos murais na Coruña.

MUNICIPIOS

Municipio da provincia de Salamanca, Castela-León, situado en El Abadengo, ao O do río Duero, preto de Portugal (2.111 h [2001]). É un centro agrícola, gandeiro e de extracción de uranio. A industria céntrase na alimentación e na confección.

PERSOEIRO

Neurólogo e psicólogo ruso. Membro da Academia de Ciencias Pedagóxicas da antiga URSS, continuou a obra de Vigockij e estudiou as relacións entre o cerebro e as funcións superiores do home, especialmente a linguaxe. Da súa produción destacan O cerebro do home e os seus procesos psíquicos (1963), Fundamento de neuropsicoloxía (1973) e Linguaxe e consciencia (1979).

PERSOEIRO

Compositor. Dirixiu a Royal Academy of Music de Londres e a orquestra do Covent Garden. Compuxo óperas (Don Quixote, 1846), sinfonías, oberturas, oratorios, cantatas e música coral.

PERSOEIRO

Anacoreta. Coñecido como o Grande, viviu no deserto de Scete onde se encargaba da asistencia espiritual doutros anacoretas. A súa festividade celébrase o 15 de xaneiro.

PERSOEIRO

Escritor romanés. Fundou a revista Literatorul (1880), baixo a influencia das correntes simbolistas francesas, e considerouse o precursor do simbolismo romanés. Escribiu Poezii (1882), unha serie de once Nopti (a partir de 1882), Excelsior (1895), Flori sacre (1912) e Poema rondelurilor (1927).

PERSOEIRO

Político. Foi un dos heroes da independencia de Cuba e presidente do país entre 1925-1933. Durante o primeiro período gobernou de forma democrática para pasar, a partir de 1929, a un réxime ditatorial. En 1933 exiliouse en EE UU.

GALICIA

Químico.   Publicou diversos artigos en revistas nacionais e internacionais e o libro de xénero didáctico Química General. Programa, cuestiones y prácticas de laboratorio en química general.

PERSOEIRO

Realizador cinematográfico estadounidense. Formou parte da xeración de 1950. Dirixiu, entre outros filmes, The Man in the White Suit (1951), Mandy (1952), Sweet Smell of Sucess (1957) e Don’t Make Waves (1967).

PERSOEIRO

Explorador escocés. En 1789 descubriu o río que leva o seu nome, desde onde chegou ata o Océano Ártico. Nunha expedición a través das Montañas Rochosas (1792-1793) chegou ata o litoral do Océano Pacífico. Publicou Voyages from Montreal at the River St Lawrence through the Continent of North America to the Frozen and Pacific Oceans (1801).