"ISM" (Contén)

Doutrina sindical que propiciou a configuración da Organización Sindical Española durante o Franquismo. Pretendía fusionar os intereses sociais daqueles que interviñan no proceso de produción e superar os antagonismos de clase. Encadrou a empresarios e traballadores nun único organismo sindical que, sometido ás directrices gobernamentais e dirixido por militantes falanxistas, chegou a ser un medio de aplicación da política económica e social da ditadura e un instrumento de control do movemento obreiro.

Sistema ou réxime de alimentación que exclúe, máis ou menos radicalmente, o uso de alimentos de orixe animal. Algunhas doutrinas vexetarianas prohiben a carne e o peixe, pero toleran outros produtos animais como o leite ou os ovos. Outras, como o veganismo, prescinden totalmente dos produtos animais, agás, ás veces, do mel. Como terapia recoméndase en certas doenzas (renais, nerviosas, dixestivas ou artríticas) e en certos tratamentos.

Habilidade extraordinaria na técnica dunha arte.

Modalidade de reprodución propia dos seres vivíparos.

Forma do hinduísmo centrada no culto a Vixnu e nas súas encarnacións principais, Rāma e Krixna. Difundiuse por todo o N de India e engloba numerosas seitas filosóficas, sobre todo o viśi ṣṭ advaita de Rāmānuaja e o dualismo (dvaita) de Madhva, as formas devocionais de Śrinirāsa do país támil e do Sahajīya, de grande influencia tántrica.

Sistema vocálico dunha lingua, dunha familia, dun grupo de linguas ou dunha etapa fonolóxica.

Movemento intelectual e artístico nacido en Inglaterra a raíz da obra do artista abstracto Percy Wyndham Lewis, coa publicación en 1914 de Blast! A Review of the Great English Vortex, en que se declarou partidario dunha estética apropiada para a sociedade moderna e contraria ao conservadorismo inglés. Estivo influído polo cubismo e o futurismo, así como pola fotografía, o novo desenvolvemento da enxeñaría tecnolóxica e da arquitectura. Reuniu, entre outros, ao escritor Henri Gaudier-Brzeska, o poeta Ezra Pound e o artista Jacob Epstein.

escopofilia.

Fenómeno xeolóxico que consiste na erupción de material rochoso fundido (magma) na superficie da Terra. Deuse practicamente en todos os lugares da superficie e distribúese preferentemente nas zonas activas tectonicamente, que coinciden cos cintos sísmicos, que á súa vez se corresponden coas zonas oroxénicas e cos rifts. Os volcáns, a escala global, sitúanse preferentemente en zonas de subdución, principalmente nos arcos de illas e os cintos oroxénicos que rodean o Pacífico. O vulcanismo relacionado con límites de placas diverxentes sitúase principalmente nas dorsais centrooceánicas, pero tamén en rifts continentais. Máis raramente se dan volcáns en zonas de fallas transformantes. Tamén existe o denominado vulcanismo intraplaca, que orixina volcáns illados que son interpretados como orixinados por un punto quente; o mellor exemplo atópase nas illas Hawai. Cómpre ter en conta que o vulcanismo submarino pode ser o máis importante en canto ao volume, debido a que só se detectan...

Expresión ou fenómeno lingüístico de carácter vulgar, inadmisible na lingua usual e normativa, como por exemplo ademirar por admirar, arradio por radio.

Doutrina predicada no Islam por Mu ḥ ammad ibn ‘Abd al-Wahhāb. É unha adaptación á escola hanbalita da reforma puritana de ibn Taymiyya que preconiza a observancia estrita do Islam coránico. Ligada á dinastía saudita, foi a orixe do reino wahhabita de Arabia (Arabia Saudí), onde é a relixión oficial.

Teoría política dos xacobinos. Foi a tendencia política radical e extremista da burguesía, que se caracterizaba pola súa defensa acérrima da democracia formal. Tivo como consecuencias o antimilitarismo social e o individualismo fronte aos abusos de poder estatal.

Relixión india, fundada no s VI a C por Vardhamāna, chamado Mahāvīra, vinte e catro jīna. Como o budismo, é unha reacción contra o brahmanismo, aínda que non adoptou a cosmoloxía. Dividiuse en dous grupos desde o s I a C.