"ARE" (Contén)

PERSOEIRO

Historiadora. Especilista en historia contemporánea, foi codirectora desde 1988 do proxecto HISTORGA (Historia Oral de Galicia), que recollía testemuños orais da historia recente de Galicia e formou parte do Seminario de Fontes Orais. Publicou Prensa juvenil y estudantil en el bando franquista de la Guerra Civil (1986) e La Universidad de Santiago de Compostela 1898-1936 (1987).

GALICIA

Pintor. Formouse na Real Academia de Bellas Artes de San Fernando e especializouse en acuarela. Das súas obras, de corte figurativo destacan as representacións de anciás (Abuela) e nus (La Bella Durmiente), así como as paisaxes mariñas.

PERSOEIRO

Militar. Loitou na Guerra de Marrocos. Ascendeu a xeneral de brigada (1935), promoveu a participación dos carlistas contra a República e alzouse en Cádiz, cidade que ocupou (1936), así como Toledo. Foi ministro do exército (1939-1942), tenente xeneral (1941) e alto comisario de España en Marrocos (1945-51). En 1951 Franco concedeulle postumamente o título de marqués de Varela de San Fernando.

GALICIA

Escritor. Doutor en Filoloxía Románica e catedrático de Literatura Española na Universidad Complutense de Madrid, foi director da Casa-Museo de Zorrilla, secretario xeral e profesor do Instituto de España en Múnic, e vicepresidente do Instituto Cervantes. Colaborou en diversas publicacións, como Grial, Papeles de Son Armadans e Revista de Filología Española con artigos en que analiza o romanticismo e a súa influencia na literatura e o compromiso dos autores do Rexurdimento na literatura galega. Da súa obra destacan Vida y obra literaria de Gregorio Romero Larrañaga (1948), Poesía y restauración cultural de Galicia (1958), La transformación literaria (1970), La transfiguración literaria (1970), Larra y España (1983) e Tradición e innovación en Cunqueiro (1991). Foi galardoado co Premio Nacional de Literatura Miguel de Unamuno (1979), coa Gran Cruz del Mérito Civil (1982) e coa Medalla de Galicia (1991). É membro correspondente...

PERSOEIRO

Investigador e escritor. Catedrático de Literatura Hispanoamericana na Universidade de Santiago de Compostela e colaborador do Consejo de Investigaciones Científicas (CSIC), na súa obra analiza a figura de destacados intelectuais galegos, como Castelao, o Padre Feijoo, Lamas Carvajal, E. Pardo Bazán, Eduardo Pondal e Rosalía de Castro; a produción narrativa na literatura hispanoamericana; e a evolución da literatura mundial ao longo do s XX. Autor de varios artigos na Historia de Galicia (1980), escribiu Historia de la literatura gallega (1950), Poetas gallegos (1953), Singraduras da narrativa galega (1973) e Estruturas de la narrativa de Castelao (1973), ademais da edición de significativos títulos de escritores galegos, como Memorias de Tains (1983), de G. Rodríguez Mourullo. Da súa obra tamén cómpre destacar Estruturas novelísticas de Emilia Pardo Bazán (1973), Estruturas novelísticas del XIX (1974) e Leopoldo...

GALICIA

Musicólogo e crítico musical. Formado con Xoán Montes, da súa obra destacan Estudio sobre los orígenes y desarrollo de la música popular gallega (1892), Monografía sobre la música patriótica española (1901) e Del piano y de las pianistas (1905). Presidente da Comisión Provincial de Monumentos Históricos y Artísticos de Lugo, foi membro da Real Academia Galega e da Real Academia de Bellas Artes de San Fernando.

PERSOEIRO

Militar e político. Foi ministro interino de Guerra (1840), director xeral de Camiños, Portos, Faros e Telégrafos, senador (1843-1845) e conselleiro real extraordinario (1846-1847). Publicou Resumen histórico del Arma de Ingenieros en general y en particular de España (1846) e Biografía del ingeniero español Pedro Navarro (1846).

PERSOEIRO

Antropólogo. Catedrático de antropoloxía da Universidade de Santiago de Compostela. Traballou no campo da osteoloxía histórica, da paleantropoloxía, da xenética humana e da biodemografía. Escribiu La Antropología molecular y sus aportaciones al conocimiento sobre el origen del “Homo sapiens”(1999) e varios artigos de investigación relacionados co xénero Homo.

PERSOEIRO

Eclesiástico e político cubano. Deputado nas Cortes españolas de 1822, defendeu a autonomía de Cuba e a abolición da escravitude. Condenado a morte polos absolutistas ao ter votado pola rexencia en 1823, exiliouse en Nova York (1824), onde foi nomeado vigairo xeral (1839).

GALICIA

Médico. Estudou medicina na Universidade de Santiago de Compostela. Os seus estudos centráronse na anatomía patolóxica. Recibiu a Gran Cruz do Mérito Civil de Sanidad, Insignia de Ouro da Universidade de Santiago de Compostela e a Medalla Castelao.

GALICIA

Avogado e político. Foi presidente do Círculo das Artes e do Consello de Área de Lugo de Caixa Galicia, vicepresidente do Consello de Administración e presidente da Comisión de Control de Caixa Galicia. Foi deputado por Lugo na IV, V e parte da VI lexislatura, polo Partido Popular.

GALICIA

Político. Foi alcalde de Carballo desde 1991 e deputado pola Coruña no Parlamento de Galicia polo Partido Popular. Formou parte da Comisión de Goberno da Deputación Provincial da Coruña, foi vicepresidente da Comisión de Educación e Cultura e vogal das comisións de Política Territorial, Obras Públicas e Medio Ambiente.

GALICIA

Xornalista. Delegado de La Voz de Galicia en Vigo e xefe de sección en Faro de Vigo, ocupou o cargo de director en Atlántico Diario, El Correo Gallego e La Hoja del Lunes de Vigo. Publicou, en colaboración con Fernando Ramos, Las segundas elecciones autonómicas gallegas: historia de una crisis interminable (1986).

GALICIA

Político. Conselleiro de traballo desde 2005, foi deputado autonómico na VI e VII lexislaturas, secretario executivo provincial do PSdeG-PSOE de Lugo (1998-2004) e secretario nacional da Executiva de UGT en Galicia. Membro do Comité Federal do PSOE, desde 2004 foi secretario de organización do PSdeG-PSOE. Foi membro, entre outros, do Consello Económico e Social de Galicia e do Consello Galego de Relacións Laborais.

GALICIA

Oftalmólogo. Inventou un aparato denominado taquitoscopio para graduar a vista e un novo oftalmóstato para fixar automaticamente o ollo durante as intervencións cirúrxicas.

GALICIA

Músico. Fundador do semanario coruñés El Eco Musical (1877), foi director do Coliseo de Barcelona (1879) e colaborador en diversas publicacións especializadas como La España Musical e El Correo de Teatros en Barcelona. En Madrid fundou e dirixiu El Boletín Musical, e dirixiu o Orfeón Normal. Das súas composicións destacan La guarida del buitre, La pianista enamorada, La cítara de oro e Cantares Gallegos. Publicou Historia de la música en Galicia (1874), Apuntes históricos sobre la música portuguesa (1875), Manual teórico práctico de Armonía (1888) e Historia de la música popular en España (1893). Foi presidente honorario da Asociação de Concertos da Música Brasileira e compositor honorario das academias filharmónicas de Bolonia e Basilea.

GALICIA

Xurista. En Uruguay foi fiscal e xuíz. Colaborou na revista madrileña Foro Nacional e publicou Explicaciones históricas elementales del Derecho Romano (1858) e Historia filosófica de la francmasonería (1876).

GALICIA

Político e xurista. Letrado da Xunta de Galicia e do Gabinete de Estudios, Desenvolvemento Lexislativo e Dereito Comunitario da Asesoría Xurídica Xeral da Xunta de Galicia (1985-1993), foi comisionado-director en Galicia do V Centenario do Descubrimento de América e comisario de Galicia na EXPO de Sevilla (1992). Foi membro do Parlamento Europeo desde 1994 polo PP e das comisións de Política Rexional, Orzamentos, Pesca e da Delegación para as relacións con Canadá. Escribiu La contratación pública de obras y suministros en el Derecho Comunitario (1988) e La incidencia del Derecho Comunitario en la España de las Autonomías (1990). En 1993 recibiu a Encomienda de la Orden del Mérito Civil.

GALICIA

Mariño, xeógrafo e astrónomo. Trazou as cartas gravadas da costa africana de cabo Espartel a Cabo Verde, que forman parte do Atlas marítimo de España (1787). Determinou a lonxitude e latitude da illa de Trinidad, de São Tomé e Príncipe. En 1782 foi designado para a demarcación dos límites hispanoportugueses en América do Sur.

GALICIA

Relixioso. Foi reitor da Universidade de Santiago de Compostela en catro ocasións, desde 1690. Publicou Fiestas Minervales [...] (1697) e Discurso moral. Defensa de los privilegios del Jubileo del Año Santo Compostelano. (...) (1708).