"Ove" (Contén)

PERSOEIRO

Pintor. Foi membro do Grupo Parpalló (1956) cos que expuxo en numerosas ocasións. Despois dunha etapa informalista, abordou un neofigurativismo, onde compaxinaba o interese pola denuncia social co desexo de conseguir unha beleza plástica. A súa temática básica son as multitudes humanas, enfrontadas a unha descoñecida forza fatídica. Nas súas obras emprega, baixo a influencia da arte pop, roupas e outros obxectos pegados ao lenzo. Utiliza os procedementos narrativos e os primeiros planos, derivados das técnicas cinematográficas. Obtivo o Premio Nacional de Artes Plásticas en 1984.

PERSOEIRO

Economista e filósofo italiano. Catedrático de Metafísica da Università de Napoli (1738-1753), foi acusado de herexe polas súas ideas empiristas. Ocupou en 1754 a primeira cátedra europea de Economía Política, desde a que recomendou a expropiación dos bens eclesiásticos, a abolición dos dereitos feudais e estableceu un precedente da teoría subxectiva do valor. Das súas obras destacan Disciplinarum metaphysicarum elementa (1743-1752) e Delle lezione commercio (1765).

FILOSOFOS

Filósofo inglés. Foi director do Centre for Medical Law and Ethics na University of Oxford. Desenvolveu a súa investigación filosófica no eido da ética aplicada e creou unha concepción da maldade do acto de matar que apela ao valor intrínseco da vida que é digna de ser vivida, o respecto á autonomía e aos efectos colaterais. Das súas obras destacan Causing Death and Saving Lives (1977) e Humanity: A Moral History of The 20th Century (1999).

CIDADES

Cidade do estado de Minas Gerais, Brasil, situada na beira do río Doce (173.669 h [1980]). É un importante centro comercial de cacao, de cana de azucre e de gando. Fundada en 1938, denominouse Figueira ata o ano seguinte.

PARROQUIA

Parroquia baixo advocación de san Martiño que dá nome ao concello do Grove.

GALICIA

Concello da comarca do Salnés, situado na provincia de Pontevedra no O da Comunidade Autónoma de Galicia, que ocupa a totalidade da península homónima. Limita ao N e ao O co Océano Atlántico, ao L coa ría de Arousa, ao S co concello de Sanxenxo. Abrangue unha superficie de 21,9 km 2 cunha poboación de 11.226 h (2007), distribuída entre as parroquias do Grove e San Vicente do Grove. A capital municipal é a vila do Grove, situada a 42° 29’ de latitude N e 8° 51’ lonxitude O, 78 km ao S de Santiago de Compostela. Está adscrito ao partido xudicial de Cambados e á arquidiocese de Santiago.
Xeografía física
O Grove atópase baixo o dominio climático oceánico húmido, con tendencia á aridez estival. As temperaturas son suaves ao longo do todo o ano: agás xaneiro e febreiro, todos os meses superan a media dos 10°C. A temperatura media anual é de 14,6°C. O mes máis frío é xaneiro con 8,5°C de media, mentres que o máis cálido é xullo con 21°C. A oscilación térmica...

PERSOEIRO

Físico. Foi profesor de dereito en Londres e avogado. Fixo a primeira demostración da disociación da auga e en 1839 inventou unha pila de gas con electrodos de carbón vexetal, da que deriva a pila de Bunsen.

1. Relativo ou pertencente ao Grove ou aos seus habitantes.

2. Natural ou habitante do Grove.

PUBLICACIÓNS

Publicación quincenal editada en Lugo a partir de 1985. Editada e coordinada por Alberto Brand, trátase dunha revista informativa e comercial dirixida aos máis novos, onde se ofrecen pequenas informacións relacionadas coa música, o cine, o cooperativismo e o mundo laboral.

CAPITAIS

Capital do land da Baixa Saxonia, Alemaña (514.718 h [2000]). Situada á beira do Leine, o seu desenvolvemento demográfico débese ao feito de ser un cruzamento de importantes vías de comunicación e á proximidade do Mittellandkanal, que enlaza o Weser, o Ems, o Rin e o mar do Norte. A industria está moi diversificada: automóbiles, produtos químicos, maquinaria para a construción, industria téxtil e produtos alimentarios; tamén destacan as funcións comerciais e administrativas. Fundada no s XII, foi unha das principais cidades da Hansa ata o s XIV. Residencia dos soberanos da Casa de Hannover (1636-1714 e 1837-1866), do seu patrimonio cultural destacan, entre outros, o barrio medieval na beira esquerda de Leine, Marktkirche (s XIV), Kreuzkirche (s XIV), Ballhof (s XVII), e Leibnizhaus (s XV) e reconstruída no s XVII).

TERRITORIOS

Territorio de Saxonia, en Alemaña setentrional. Formou parte do principado de Calenberg e do Ducado de Brunswick, e en 1692 converteuse en electorado do Sacro Imperio. Os seus dominios estendéronse a outros territorios do antigo Ducado de Brunswick, baixo Xurxo Ludovico de Hannover. Formou parte do Reino Unido entre 1714 e 1837, pero foi ocupado por Napoleón Bonaparte en 1803, quen llo cedeu a Prusia (1806). Invadido novamente polos franceses (1807), tralo Congreso de Viena (1814) recoñeceuse a súa independencia como reino. En 1866 integrouse en Prusia como unha das súas provincias.

DINASTIAS

Dinastía xermánica que ocupou o trono de Inglaterra (1714-1901), o dos ducados de Brunswick (1884-1885 e 1913-1918) e Lüneburg (1705-1866 e 1913-1918) e o do electorado de Hannover (1692-1866). Ten a súa orixe no duque Ernesto Augusto de Brunswick-Calenberg (1629-1698), quen despois de casar coa princesa herdeira do trono inglés, Sofía do Palatinado (1658), recibiu os títulos de elector de Hannover e tesoureiro do Imperio. O seu fillo Xurxo Ludovico de Hannover (1660-1727) converteuse en 1714 no rei de Inglaterra (Xurxo I de Inglaterra) e iniciou a dinastía Hannover no trono inglés. En 1837 ao morrer sen descendencia Guillerme IV de Inglaterra (1765-1837), o patrimonio dos Hannover dividiuse, e mentres a sobriña do monarca, Victoria de Inglaterra, recibía o trono inglés, o seu irmán, o duque de Cumberland, converteuse en Ernesto Augusto I de Hannover (1771-1851). Tralo casamento da Raíña Victoria I de Inglaterra...

PERSOEIRO

Político estadounidense. Como presidente da comisión hidrográfica de Colorado fixo construír a presa que leva o seu nome. Membro do Republican Party, ocupou a presidencia de EE UU (1928-1933). Durante a depresión de 1929, o seu liberalismo impediulle aprobar a intervención estatal para mitigar as consecuencias da crise.