"UNE" (Contén)

PERSOEIRO

Escultor. En 1894 instalouse en Santiago de Compostela onde impartiu clase na Escola de Artes e Oficios ata que se trasladou a Valladolid en 1911. De estilo ecléctico e modernista, dotou as súas obras de naturalismo historicista e luminosidade. Da súa produción destaca o Busto de Montero Ríos e escribiu a novela autobiográfica Un Obrero (1930).

GALICIA

Empresario e deportista. Como deportista, foi o primeiro xogador galego en debutar coa selección española de balonmán e presidiu o R. C. Celta de Vigo (1991-1995). Recibiu a Medalla de Bronce al Mérito Deportivo.

FILOSOFOS

Filósofo e profesor. Foi director xeral de ensino medio da Consellería de Educación (1987-1988) e, en 1988, conselleiro de Educación e Ordenación Universitaria. Promoveu a Lei de Ordenación do Sistema Universitario de Galicia (LOSUGA) pola que se crearon as universidades da Coruña e Vigo. Desde 1990 ocupou diversos cargos directivos no Grupo San José.

PERSOEIRO

Escritor. Estudou dereito na Universidade de Santiago de Compostela e ingresou na Compañía de Xesús, da que posteriormente saíu por problemas de saúde. Como poeta afastouse do costumismo e do modernismo imperante, e as súas características artísticas foron as dun romanticismo tardío pero posuidor dunha gran propensión lírica. Asumiu unha gran variedade de formas métricas e cultivou versos de diferentes medidas, como heptasílabos, hendecasílabos ou alexandrinos. Publicou algúns traballos líricos baixo o pseudónimo de Ma-Nu-Gon en O Tío Marcos da Portela, dos que destacan “Alborada”, “Os amores da terriña” e “Aurora dun puro amor”. Tamén tirou do prelo Salaios. Versos gallegos (1895), cunha clara influencia de Follas Novas de Rosalía de Castro; Efusivas (1908), escrita en castelán; e a monografía La poesía popular gallega (1894), premiada en Pontevedra en 1892. Foi membro da Real Academia Galega.

GALICIA

Músico e compositor. Comezou a súa formación musical con oito anos. Formou parte do Grupo Didáctico da Universidade Popular de Vigo, co que gravou un disco triplo didáctico, e da Banda de Gaitas Xarabal, ambas formacións dirixidas polo mestre Antón Corral. En 1989 gravou co grupo irlandés The Chieftains a banda sonora do filme A Illa do Tesouro, co que principiou un percorrido de universalización da música galega. Foi profesor de gaita e frauta de pico no Conservatorio Superior de Música de Vigo, obtivo o Premio Extraordinario Fin de Carreira de frauta de pico no Conservatorio Superior de Música de Madrid e gañou varias edicións consecutivas do Premio Macallan para solistas de gaita do Festival Interceltique de Lorient. A comezos da década de 1990 creou, xunto con outros músicos procedentes da súa etapa na Universidade Popular de Vigo, o grupo de música folk Matto Congrio. A partir de 1994 iniciou a súa andaina co seu propio grupo, co que explorou as conexións...

PERSOEIRO

Impresor, fillo de Ramón Núñez Espinosa. Traballou en Pontevedra a partir de 1850 e editou Un recuerdo histórico (1850), de Neira Mosquera, ademais de diferentes publicacións periódicas.

GALICIA

Físico. Estudou Ciencias na Universidade de Santiago de Compostela, onde se doutorou en 1968, e foi secretario de redacción da Acta Científica Compostelana. Escribiu Problemas de Física General (1976) e Introdución a la Física General (1989).

GALICIA

Deseñador gráfico. Militante comunista desde 1957, estudou ciencias políticas en Moscova e en 1963 a dirección do PCE encargoulle a organización do partido en Vigo. Cofundador do Partido Comunista de Galicia (PCG), foi membro do comité central do PCE en París e participou en numerosas actividades políticas e sindicais, como a folga xeral de Vigo ou a readmisión dos despedidos das factorías navais, e sufriu varias detencións. Exiliado en Francia, participou en diversas actividades nos campos da paz e do desarme. Coa fin da ditadura, regresou a Vigo, onde fundou a empresa Variografik e foi concelleiro durante dúas lexislaturas. Fundou a Asociación España-URSS. Escribiu e debuxou, entre outras obras, Vigo a través de la Historia, Galicia al pié de la letra, Historia gráfica de Galicia e Tres mil años de escritura. Membro da Fundación Gutenberg, deseñou a letra medieval Gallaecia-Castelo.

PERSOEIRO

Relixioso franciscano. Tras ordenarse presbítero, marchou a Portugal e dedicouse ao ensino. Dirixiu a obra de homenaxe a santa Catarina de Boloña La Santa sulla storia, nella lettere e nell’arte (1912), no segundo centenario da súa canonización. Publicou, entre outras, El mes de San Antonio y otras devociones al gran Taumaturgo franciscano (1899), Novena al Sagrado Corazón de Jesús e Los Trece Martes en honor a San Antonio, para los niños.

GALICIA

Historiador da arte. Catedrático de Historia da Arte e membro do Instituto de Estudios Galegos Padre Sarmiento, publicou Arquitectura prerrománica (1978), co que obtivo o Premio da Crítica Galega en 1979. Ademais é autor de La idea de inmortalidad en la escultura gallega: la imaginería funeraria del caballero, s. XIV-XV (1985), Las Claves del arte bizantino y prerrománico (1991), O Refectorio do pazo de Xelmírez (1996), Casa, calle, convento: iconografía de la mujer bajomedieval (1997) e Santiago, la catedral y la memoria en el arte (2000). Recibiu o Premio Martín Códax no apartado de investigación.

GALICIA

Médico. Obtivo o título na Universidad de Madrid en 1884. Foi inspector de sanidade en Badajoz e no Páramo durante a epidemia de gripe e varíola de 1918. Fundou un hospital para enfermos mentais en Sarria e escribiu Alucinaciones? (1927), Intrusismo y ejercicio ilegal de la Medicina, Horas de arte médica, Paidología e Tratamientos de niños retrasados entre madre e hija.

GALICIA

Xurista e político. Foi secretario xeral de Caixa Rural de Ourense e de Coren-Uteco. Cofundou a Acción Política Orensana, integrada en UCD, e Centristas de Galicia (1985), que formou parte do PP a partir de 1991. Foi conselleiro sen carteira na Xunta Preautonómica de Galicia (1979-1981), presidente da Deputación Provincial de Ourense (1979-1990), senador electo por Ourense (1986-1990 e 1997-2000) e deputado por Ourense (1989-2000). Presidiu o Parlamento de Galicia (1990-1997).

PERSOEIRO

Mestre. Dedicado ao xornalismo, colaborou nas publicacións da época e defendeu as súas ideas liberais desde as páxinas de La Voz de Galicia, El Telegrama e a revista Galicia. Da súa produción destacan Historia de la escritura (1886), El regionalismo y la obcecación (1887), Documentos inéditos de la Villa del Caramiñal (1888), Antigüedades de Noya (1888), En las orillas del Esla (1895), Costanza (1895) e La cruz de la espada (1898). Recibiu diversos premios e foi membro honorario de moitas colectividades. Foi condecorado coa Cruz Roja de primera clase del Mérito Militar e foi nomeado cabaleiro da Orden de Isabel la Católica.

GALICIA

Historiador. Desempeñou parte do seu labor investigador no Instituto Universitario Europeo di Firenze (1989-1992) e especializouse en historia contemporánea. Centrouse no estudo comparado dos nacionalismos europeos e en temas migratorios, que investigou desde a Universidade de Santiago de Compostela. Publicou O galeguismo en América, 1879-1936 (1992), Emigrantes, caciques e indianos (1998) e O inmigrante imaxinario. Estereotipos, identidades e representacións dos galegos na Arxentina (1860-1940) (2002).

GALICIA

Filólogo. Director do Servizo de Normalización Lingüística da Universidade de Santiago de Compostela desde 1998 e membro do Comité directivo de Realiter (Rede Panlatina de Terminoloxía), coordina o Comité Técnico de Linguaxes de Especialidade do Consello da Cultura Galega. Foi coautor de Vocabulario do medio físico (1988), O galego e a información (1996) e O idioma na Universidade de Santiago de Compostela (1998). Escribiu tamén a obra de teatro O achado do castro (1991) e a novela Mar de fondo (1997). Recibiu o Pemio Xiria de creación teatral (1987).

GALICIA

Filósofo, profesor e escritor. Licenciado en Filosofía pola Universidade de Santiago de Compostela, colaborou habitualmente na prensa galega, especialmente en El Correo Gallego, con artigos marcados pola súa temática humanístico-filosófica. Das súas obras destacan Meditaciones de lo interior (1989) e Un ímpeto do tempo (Unha fixación deleitosa) (2002). É membro da Asociación de Xenealoxía, Heráldica e Nobiliaria de Galicia.

PERSOEIRO

Impresor. Traballou en Santiago de Compostela a comezos do s XIX. Adquiriulle os obradoiros a Antonio Rey e, aínda que apenas se coñecen obras del, parece que editou coplas e libros devotos como a Vida de S. Ysidro Labrador, anónima. Despois da súa morte, a imprenta pasou a mans do seu fillo Ramón Núñez Espinosa.

PERSOEIRO

Escritor. En 1972 emigrou a Barcelona e colaborou en diversos xornais. A maior parte das súas obras foron adaptadas ao cine. Da súa produción destacan Sinatra (1984), La rubia del bar (1986), A solas con Betty Boop (1989) e El aullido del mundo (1994).

GALICIA

Historiador. Cronista oficial dos concellos de Betanzos, Miño e Paderne, foi fundador do Museo das Mariñas de Betanzos e director dos grupos Brinco Garelo e Danzas Gremiales de Betanzos. Publicou Betanzos y sus murallas (1966), Desde las nubes de la historia. Cien años de la historia de un monasterio (1967), Las danzas de Betanzos (1979), Betanzos de los Caballeros y sus Mariñas (1984), Miño: apuntes históricos y guía del municipio (1990) e Guía del Camino Inglés a Santiago (1997).