"RM" (Contén)

PERSOEIRO

Escritor finlandés. Coñecido como Eino Leino, contribuíu como poeta lírico ao triunfo do neorromanticismo sobre o realismo. Publicou Helkavirsiä (Cantos Helka, 1903-1906), escolma de baladas e lendas populares, e Bellerophon (A arpa do vento, 1919). Como dramaturgo intentou revivir o teatro finlandés con pezas como Lalli (1907).

GALICIA

Pintor e gravador. Coñecido como Armando Guerra, formouse (1968-1973) en València e Barcelona, onde tomou contacto co formalismo catalán. Regresou a Vigo e deuse a coñecer nas exposicións ao aire libre da praza da Princesa. Foi profesor da Escola de Artes e Oficios da cidade e desde 1980 vinculouse ao colectivo artístico Atlántica. Desenvolveu o seu estilo neoabstracto na década de 1970 e a súa pintura considerouse unha sinopse entre as vertentes intimistas do expresionismo abstracto americano, o cubismo sintético e certas influencias de Bacon. Realizou as súas composicións (Abstracción, 1991), de textura fina, a partir de liñas trazadas en diferentes direccións, marcando a sensación de ritmo e manchas de cor de tons suaves (ocres, rosas e violetas). Da súa obra destacan Formas (1974), A cama (1978) ou a serie Vieiros (1981), da que formaron parte obras como Opostos. Como gravador, tiveron especial importancia os seus traballos en augaforte e augatinta. Parte da súa colección figura no...

GALICIA

Mestra e escritora. É autora de Cantares (1983), unha achega á poesía infantil. Escribiu tamén a peza breve, O muíño baleiro (1984).

GALICIA

Institucionista, filla de Xosé Pascual López Cortón. Preocupada polos temas pedagóxicos, educativos e sociais, especialmente relativos á educación da muller, estivo ligada á Institución Libre de Enseñanza (ILE). Nesta liña publicou varios artigos no Boletín de la Institución Libre de Enseñanza.

1. Relativo ou pertencente aos lorisiformes.

2. Primate da infraorde dos lorisiformes.

3. Infraorde de primates prosimios, que comprende unha soa familia, a dos lorísidos.

GALICIA

Economista. Especialista en Historia Empresarial, Demografía e Economía da Poboación, foi membro da directiva do Arquivo da Emigración Galega e membro da Comisión Ejecutiva Nacional do PSdeG-PSOE (2000). Colaborador en numerosas publicacións e co-editor de Galicia-América. Unha contribución bibliográfica (1992) e de Base bibliográfica da emigración galega (1997), escribiu As relacións económicas entre Galicia e os países de destino da emigración (1995) e Cuba. Población y economía entre la independencia y la revolución (1999). Editou a revista Estudios Migratorios (1995-1999).

PERSOEIRO

Filósofo. Propúxose establecer unha filosofía que combinase a tradición idealista alemá cunha sólida visión das ciencias da natureza. Foi o autor dos tratados Metaphysik (1841) e Logik (1843), correspondentes aos dous volumes do System der Philosophie (1874-1879).

PERSOEIRO

Químico. Naturalizado estadounidense, especializouse no campo dos polímeros condutores. É autor de numerosos artigos de investigación e ten concedidas varias patentes. En 2001 foille otorgada a medalla Rutherford e en 2000 recibiu, xunto con Hideki Shirakawa e Alan Heeger, o Premio Nobel de Química polo descubrimento e desenvolvemento dos polímeros condutores.

1. Relativo ou pertencente aos macruriformes.

2. Peixe da antiga orde dos macruriformes.

3. Antiga orde de peixes da clase dos osteíctios, actualmente incluídos na orde dos gadiformes. Constitúen un pequeno grupo de formas abisais, denominadas en xeral peixes rata.