"AN" (Contén)

PERSOEIRO

Óptico e naturalista neerlandés. Autodidacta, moi ben dotado para as ciencias da observación, fixo numerosos descubrimentos sobre infusorios, bacterias, glóbulos do sangue, espermatozoides e pezas bucais de insectos, utilizando microscopios dunha soa lente, que el mesmo construía. En 1722 acabou de publicar a súa Opera omnia, formada por 400 comunicacións que enviara á Royal Society e á Académie des Sciences.

PERSOEIRO

Militar francés. Nomeado xeneral en 1794, participou nas batallas de Fleurus (1794), Altenkirchen (1796) e Stockach (1799). Napoleón nomeouno senador (1800) e mariscal do Imperio en 1804. Combateu en España, Tirol e en Jena. Despois da restauración borbónica foi membro da cámara.

MUNICIPIOS

Municipio de Madrid, que forma parte da área metropolitana da capital (173.584 h [2001]). A proximidade coa cidade de Madrid converteuno nun centro industrial.

PERSOEIRO

Pintor francés. Amigo de Picasso e de G. Braque, participou nas manifestacións cubistas. Representou personaxes e elementos mecánicos, mediante formas curvas e tubulares de cores inicialmente frías e posteriormente cálidas, entre os que sobresae a serie Contrastes de formes (1913). Durante a Segunda Guerra Mundial realizou cadros de acróbatas e ciclistas. Interesouse tamén polo cine, Ballet mécanique (1923-1924), a cerámica e o gravado. Ten un museo monográfico en Le Biot (Alta Savoia).

PERSOEIRO

Físico. Considerado un dos científicos máis recoñecidos no campo da física de baixas temperaturas, en 2003 recibiu, xunto con A. A. Abrikosov e V. L. Ginzburg, o Premio Nobel de Física pola súa pioneira contribución á teoría dos supercondutores e superfluídos.

GALICIA

Pintora. Diplomada en Maxisterio, formouse na Escola de Artes e Oficios de Ourense. Despois dunha primeira etapa expresionista, interesouse pola pintura espontánea e imaxinativa dos nenos e a súa inxenuidade, converténdose nunha das representantes da pintura naif. As súas obras caracterízanse pola precisión do debuxo, de carácter caligráfico, e cores planas e contrastadas. Creou paisaxes e interiores ideais onde se sitúan personaxes vestidos con ropaxes barrocas ou románticas. As súas composicións teñen unha deliberada carga literaria. Destacan, entre outras, Familia do paxariño (1982), Neno con can (1987) Nai, pai e filla das mazás (1996) e a serie Virxes. Ten obra en museos de arte naif de Francia, Italia e Portugal.

CIDADES

Cidade da provincia de Milán, situada en Lombardia, Italia (53.788 h [2001]). É un importante núcleo industrial subsidiario de Milán. En 1176 tivo lugar a Batalla de Legnano, entre os exércitos da Liga Lombarda e o do Emperador Federico I Barbarrubia, coa vitoria dos primeiros, que obrigou ao emperador a asinar a Tregua de Venecia (1177).

PERSOEIRO

Compositor. Formado na música clásica, traballou para o cineasta Jacques Demy. En EE UU colaborou posteriormente en The Thomas Crown Affair (1968), Summer of 42 (1971, galardoada cun Oscar da Academia) e Les routes du Sud (1977).

PERSOEIRO

Compositor italiano. Compuxo óperas, como I due cesari (1683) nas que contribuíu a fixar o esquema da aria da capo, oratorios, cantatas profanas, motetes e sonatas.

PERSOEIRO

Editor e poeta inglés. Publicou o seu primeiro volume en 1931, A Garden Revisted, e distinguiuse especialmente como editor e promotor dun bo número de coleccións de poesía. A Thrown to the Woolfs (1978) rememora os anos en que, como socio de The Hogarth Press, fixo de editor xunto con Leonard e Virginia Woolf.

PERSOEIRO

Químico francés. Traballou nas universidades de Harvard (1963-1964), Louis Pasteur de Estraburgo e no Colexio de Francia (París). As súas investigacións centráronse principalmente nas macromoléculas cíclicas, descubertas por Pedersen en 1962. En 1987 recibiu, xunto con D. J. Cram e C. J. Pedersen, o Premio Nobel de Química polas súas investigacións sobre síntese en laboratorio de moléculas que reproducen as funcións químicas e biolóxicas vitais das moléculas que se atopan en organismos vivos.

1. Relativo ou pertencente a G. H. Leibniz ou ás súas teorías.

2. Partidario das teorías de G. H. Leibniz.

PERSOEIRO

Fotógrafa estadounidense. Foi directora de fotografía das revistas Rolling Stone e Vanity Fair. Destacou polos seus retratos ás figuras do cine, a música, o teatro a literatura ou a política, sempre cunha grande orixinalidade e humor. Ademais, elaborou diversos traballos onde reflectiu a problemática da violencia e da miseria do seu país. Publicou Annie Leibovitz: Photographs (1983), Photographs Annie Leibovitz 1970-1990 (1991) e Annie Leibovitz. Women (1999)

GALICIA

Enxeñeiro. Foi director das oficinas de Transferencia de Tecnoloxía (OTRI), de Orientación ao Emprego (OFOE) e de Iniciativas Empresariais (OFIE). Foi, tamén, director da Escola Técnica Superior de Enxeñeiros Industriais, cofundador e presidente da Asociación Española de Profesores de Ingeniería Gráfica, presidente do Comité de Dibujos Técnicos da Sociedad Española de Normalización (AENOR) e Socio de Honor da Unión Nacional de Arquitectos e Ingenieros de Cuba.