"AN" (Contén)

1. aglutinante.

2. Aglomerante que se utiliza para unir o material granular dun conglomerado e convertelo, ao se endurecer, nunha masa sólida de reoloxía característica. Entre os ligantes que se utilizan en construción e obras públicas están os ligantes hidráulicos, que actúan principalmente por hidrólise ou por reaccións químicas (cemento pórtland ou cal) e os ligantes bituminosos, en que o endurecemento se produce por redución da temperatura, evaporación ou ruptura do solvente dun produto bituminoso.

PERSOEIRO

Enxeñeiro agrónomo e profesor. Foi director do Laboratorio Agrario e Fitopatolóxico de Galicia, director xeral de Estruturas e Desenvolvemento Rural e Agricultura na Xunta de Galicia, vogal do Consello Rector do Instituto Nacional de Investigación e Tecnoloxía Agraria e Alimentaria e xerente do Consorcio da cidade de Santiago. Das súas obras destaca Interpretación de análises de suelos (1976).

PERSOEIRO

Escritor. Considerado o primeiro narrador realista e o primeiro poeta moderno da literatura estoniana, comezou escribindo contos. A súa poesía, que combina o drama humano coa traxedia do seu pobo, está recollida en Luuletused (Cantos, 1909). Das súas obras destacan Kümmelugu (Dez historias, 1893), Vari (A sombra, 1894) e Nõia tütar (A filla do mago, 1895).

PERSOEIRO

Escritora belga. Coñecida como Françoise Mallet--Joris, triunfou coa novela Le rempart des béguines (1952). Da súa produción tamén destacan La chambre rouge (1953), Les mensonges (1956), L’empire céleste (Premio Femina 1958), Dickie-roi (1980) e Un chagrin d’amour et d’ailleurs (1981). Formou parte da Academia Goncourt.

1. 1. Relativo ou pertencente ao país imaxinario de Lilliput ou aos seus habitantes.

   2. Natural ou habitante do país imaxinario de Lilliput.

2. Que ou quen é moi pequeno, especialmente referido a unha persoa.

IGREXAS

Igrexa situada en Oviedo. De estilo prerrománico, foi construída en tempos de Ramiro I. Orixinariamente tivo planta de tres naves separadas por columnas, cunha tribuna de cachotería aos pés, que tiña un uso rexio. Só se conserva o pórtico, con dúas cámaras aos lados, e o primeiro tramo das tres naves. Declarada Ben de Interese Cultural (BIC, 1885) é, xunto co resto dos monumentos de Oviedo e do Reino de Asturias, Patrimonio da Humanidade desde 1985.

PERSOEIRO

Historiador e político polaco. Foi un dos que introduciu o socialismo en Polonia. Membro do comité revolucionario de Vilnius (1861), foi arrestado e deportado a Arkhangel’sk. Amnistiado en 1868, presidiu en París o congreso fundador do partido socialista polaco (1892) e representouno no parlamento de Varsovia desde 1919. Das súas obras destaca Historia das institucións do pobo polaco (1887).

1. Relativo ou pertencente aos limántridos.

2. Insecto da familia dos limántridos.

3. Familia de insectos, da orde dos lepidóteros, de tamaño medio, voo preferentemente nocturno e dimorfismo sexual acentuado. Os machos son de cor marrón e as femias de cor branca grisácea algunhas delas ápteras. Moitas eirugas son gregarias e causan estragos en bosques e cultivos. As especies do xénero Lymantria, como L. dispar, son os lepidópteros máis devastadores.

1. Que limita.

2. Aplícase ao factor ambiental que inflúe no crecemento, distribución ou calquera outra resposta dun determinado organismo.

PARROQUIA

Parroquia do concello de Sober baixo a advocación de san Martiño.

GALICIA

Historiador. Licenciado en Xeografía e Historia (1984), foi secretario da Fundación Castelao (1990-1999) e membro da súa xunta rectora desde o   2000. Traballou en   Encrucillada (1984-2002) e na Revista Galega de Ciencias Sociais (2003). Escribiu O Val de Barcala (1900-1936). Agrarismo, vida política, emigración e cultura (1988), Negreira na guerra do 36 (1995) e Feiraco, 25 anos (1969-1994) (1995) e Un modelo de Agroindustria cooperativa (1995), e foi coautor do Dicionario Eladio Rodríguez (2001) e do Dicionario Antón Avilés de Taramancos (2003). Recibiu o Premio Modesto R. Figueiredo (1985), o Premio Vila de Negreira de Xornalismo (1989) e de Historia (1991) e a Medalla de Ouro do Concello de Negreira (2002).

GALICIA

Político, irmán de Maximiliano Linares Rivas. Na Coruña liderou o Partido Unionista. Foi ministro de Gracia e Xustiza (1883-1884) polo Partido Constitucional e ministro de Fomento con Cánovas (1891-1892) e (1895-1897) e senador vitalicio. Escribiu La Primera cámara de la Restauración. Retratos y Semblanzas (1878).

PERSOEIRO

Político, irmán de Aureliano Linares Rivas. Gobernador civil da Coruña, representou o distrito de Ferrol na Diputación Provincial da Coruña (1880-1886). Obtivo a súa primeira representación como parlamentario no 1892. Elixido senador en 1893, foi reelixido sucesivamente en 1896 e 1899.