"AN" (Contén)

GALICIA

Pintor e escultor. Coñecido como Lomarti, a súa pintura de principios da década de 1990 decantábase pola pop art, especialmente no referente ás series e ás reproducións cunha importante carga crítica. Empregou a colaxe e o recurso textual, incorporando á obra efectos poéticos. Evolucionou cara a unha fusión fragmentada de determinadas figuras en espacios abstractos como na instalación Respiración infame (1991). No escultórico, combinou a instalación coa talla en madeira, mármore e granito cunha linguaxe popular como en Auga pasada (1993) xunto cunha escultura semifigurativa, expresionista e fragmentada máis clásica como na obra Lobis naturae (1995). Ademáis de numerosas exposicións, fixo escenografías para artistas galegos e editou a revista de arte lucense Cruces de Bohemia e o libro Coroas de Mercurio (1997). Recibiu o primeiro premio de escultura no Certame Ciudad de Lugo (1993) e o primeiro premio do Certame de Pintura Cervo-Lugo...

GALICIA

Piloto de motociclismo. Foi campión de España de super-bike (1990) e o primeiro español en conseguir un podio nesta modalidade no campionato do mundo. Foi nomeado Deportista lucense do ano (1990).

GALICIA

Avogado. Foi secretario xeral do Partido Socialista Popular de Galicia en Ourense e despois en Madrid. Cofundou a Xunta Democrática de Galicia e foi delegado provincial da Consellería de Cultura e Deportes en Ourense. Das súas obras destaca Viaje por los pequeños museos de Galicia (1989), en colaboración e Sargadelos y la cerámica gallega moderna pola que recibiu o premio do Instituto de Estudios Ourensáns Padre Feijoo.

GALICIA

Militar. Destinado en Cuba e na República Dominicana (1865-1867), volveu a España e loitou contra os carlistas en Euskadi (1870-1871) e enfrontouse cos republicanos que tomaran o arsenal de Ferrol (1872). Participou nos enfrontamentos contra os carlistas en Catalunya e acadou o grao de xeneral. Colaborou en diversas publicación e dirixiu El Tribuno e La crónica de Luarca. Foi membro da Real Academia Galega.

GALICIA

Escritor. Os seus traballos en prosa e verso foron publicados en diversos xornais, e a súa poesía “A nosa paisaniña a señora doña Josefa M. de E. nos seus días” está recollida no Album de la Caridad.

GALICIA

Escritor. Da súa produción destacan 14 poemas (1976), Despacios (1980), Teaza de brétema (1994) e Por un presa de machacantes (1996). Gañador dun accésit no certame de narracións breves Modesto R. Figueiredo nos anos 1988 e 1991, conseguiu o primeiro premio en 1992 co relato “A Pin-Up de Beatiful Street”. Ademais gañou o IX Premio Eusebio Lorenzo Baleirón de poesía coa obra Dende unha nada núa (1997).

PERSOEIRO

Escultor. Coñecido como Francés, formouse na Escola de Artes Plásticas e Deseño Mestre Mateo de Santiago de Compostela. As súas obras caracterízanse pola forza da materia e a sobriedade das formas. Traballou a madeira, o granito, o aceiro, o latón, a prata e o ouro.

PERSOEIRO

Relixioso. Tras ordenarse sacerdote foi nomeado para a coenxía maxistral da Catedral de Lugo (1880). Bispo de Jaca (1904) e arcebispo de Tarragona (1913), foi senador do reino. A partir de 1892 foi membro da Real Academia de la Historia. Como historiador, escribiu Sermón del Apóstol Santiago (1890), Las aras de la Catedral de Lugo (1892), El Darwinismo y la Ciencia (1893), Historia del Seminario de Lugo (1894) e La prensa como arma de combate (1910), e outras de carácter filolóxico como La poesía de Feijoo (1899) e Los escritos de Sarmiento (1902).

PERSOEIRO

Político e avogado. Presidiu o Círculo das Artes de Lugo desde 1905 e pouco despois foi elixido alcalde de Lugo. Cesado en 1910, volveu ser alcalde en 1913 e militou no Partido Liberal. Reelexido en 1917 e 1922, despois dunha interrupción entre 1923 e 1927, volveu á alcaldía ata 1930. Durante a Segunda República foi presidente da Unión Regional de Derechas (URD) de Lugo, integrada na CEDA. Nas eleccións de 1933 foi elixido deputado polo Partido Liberal.

GALICIA

Economista, avogado e militar. Foi tenente de alcalde da Coruña na década de 1940. Trala súa retirada do exército co grao de comandante (1953), foi secretario xeral do Banco de La Coruña (1957-1970). Despois da absorción desta entidade polo Banco de Bilbao, pasou a representalo nos consellos de administración de SODIGA, SIDEGASA e GADEX. Dirixiu o Instituto José Cornide de Estudios Coruñeses e foi presidente da Coral Polifónica Follas Novas. Publicou diversos traballos e estudios en que realizou unha análise de Galicia, entendida como unidade económica.

GALICIA

Relixioso. Foi sacerdote (1916), misioneiro en Marrocos e colaborador en varias publicacións. Escribiu Memoria sobre la Misión Franciscana de Marruecos (1924) e La Obra Misionera de España en Marruecos [...] (1940).

GALICIA

Relixioso. Entrou no servizo diplomático da Santa Sé en 1985 e traballou como secretario nas representacións pontificias de Madagascar, Filipinas e India. En 1989 foi designado asesor para asuntos xerais do Secretario de Estado, en decembro de 2002 arcebispo de Agropolis e en 2003 nuncio apóstolico en India e Nepal.

GALICIA

Xornalista. A partir de 1975 comezou a colaborar coa axencia EFE en Santiago de Compostela, onde exerceu como xefe de sección e director (1989-1997). Promotor e director da revista comarcal Beiramar, colaborou co Consello da Cultura Galega, coa Universidade de Santiago de Compostela e coa Gran Enciclopedia Gallega. Publicou o estudo “Prestige, a crónica inmediata” no volume colectivo Prestige, a catástrofe que despertou a Galiza? (2003).

GALICIA

Ilusionista. Máis coñecido como O Mago Antón, iniciou a súa actividade escénica co grupo Valle-Inclán de Lugo, para despois dedicarse por completo aos espectáculos de maxia, que sempre tiveron un marcado carácter teatral. En 1977 creou o personaxe de Facundo, unha marioneta á que el lle pon voz. En 1985 constituíu a empresa Producións Máxicas, coa que produciu o espectáculo Merlín e familia, ao que seguiron outras propostas, como o espectáculo multimedia Vía Láctea (1993), Insólito por Antonomaxia (1995), Fugas e soños (1996), En clave de maxia (1998), en colaboración coa Orquestra Sinfónica de Galicia e 2001 ilusións (2001). En 1989 foi nomeado Lucense do ano e en 2003 foi galardoado co Premio da Crítica Galicia no apartado de Galego Egrexio.

GALICIA

Escultor. Recibiu unha bolsa para ampliar estudios sobre escultura relixiosa na Escuela Superior de Santa Isabel de Hungría, da que foi profesor. Foi catedrático e director da Escola de Artes e Oficios da Coruña e desde 1953 foi académico de número da Academia de Bellas Artes Nuestra Señora del Rosario. Realizou Paisaje (1942) e Cabeza de joven (1947).

GALICIA

Facendista. Foi director xeral de Timbre, subinspector xeral de Facenda e conselleiro delegado da Compañía Telefónica Nacional de España. Cultivou o xornalismo baixo o pseudónimo de Fantasio e escribiu El placer de amar (1909) e El camino de la dicha (1912).

GALICIA

Xornalista e escritor. Coñecido como Francisco López Barxas, colaborou en diversos periódicos como La Voz de Galicia, El Correo Gallego, Diario 16, El Mundo e El Sol, e revistas como Ínsula, Quimera e Leer; ademais,   elaborou guións para a TVG, Top People News e Yurital News. Docente na Universidad Menéndez Pelayo (1984) e na Complutense (1990 e 1993), foi director de Xornal Diario (1991-1992), xefe de prensa do Consorcio de Santiago (1993-1996) e   xefe de gabinete da Consellería de Agricultura (1998-2000). En 2004 é xefe de informativos da TVG. Publicou Mazurca para Camilo José Cela (1986), En torno a Antonio Machado (1988), a edición de La Cartuja de Parma de Stendhal (1988), Zelos no ofenden al sol (1988), Antología de la poesía gallega última (1991), en colaboración con César A. Molina, Eugenio Granell (1999) e Ferrán Pérez Churruchao (2001). Como...

PERSOEIRO

Escritor. Delegado de El Norte de Castilla en Zamora e de Diario 16 de Galicia en Santiago de Compostela, foi responsable de prensa na Consellería de Política Territorial e Obras Públicas e na Consellería de Educación. É autor de O anano enredador (1992), Outros heroes (1993), Días de desterro (1996), A serea do deserto (1997), As aventuras das cores (1998), Catro pitas (2000) e Castiñeiro e compañía (2003). Recibiu o I Premio Novela Corta Ciudad de Alcorcón (1989).

GALICIA

Químico. Estudiou química na Universidad de Granada e doutorouse na Universidad de Madrid en 1958. Foi presidente do Consello de Intervención do Estado na central nuclear de Lemóniz e gobernador por España no Organismo Internacional da Enerxía Atómica. Desde 1974 colabora coa Real Academia de la Lengua Española na definición de vocábulos científicos. Publicou numerosos traballos de investigación científica e divulgación, e é autor, entre outras obras, de Lexicoloxía nuclear (1974) e Dicionario nuclear (1979), ambos en colaboración con outros autores.

PERSOEIRO

Fotógrafo. Foi redactor gráfico de Gaceta Ilustrada (1970-1976), Cuadernos para el diálogo (1976-1978) e El Periódico (1978-1982). Director da edición española da revista Photo (1981) e fundador da revista Foto (1982), foi membro fundador do Foro de Editores Gráficos de Prensa e vogal no apartado de fotografía para a elaboración da vixente Lei de Propiedade Intelectual.