"Est" (Contén)

PERSOEIRO

Artista plástica e escultora. Foi codirectora do programa de arte Espacios Alternativos e cofundadora do grupo artístico D3. A súa obra seduce os sentidos, vista, olfacto, tacto e achéganos a un lugar máxico onde se mesturan realidade e soño. Desde 1993 ten realizado diversas exposicións entre as que destacan: Amencer (Pontevedra, 1995), Somos un pero non sómo-lo mesmo (1999) e Novos camiñantes (Pontevedra, 1999).

PERSOEIRO

Militar e político brasileiro. Foi xefe da Casa Militar (1964), maxistrado do Tribunal Supremo Militar e ocupou a presidencia da empresa estatal petroleira Petrobrás. Como presidente da República (1974-1979) creou as condicións para a apertura política que levaron á restauración da democracia.

GALICIA

Ourive. Mestre artesán, formouse na Escola de Artes e Oficios. Ourive acibecheiro de Eloy Gesto, traballa co ouro, prata, acibeche e outras pedras preciosas. Foi fundador en 1988 da Asociación de Orfebrería de Santiago, da que é presidente. Vocal da Cámara de Comercio, Industria e Navegación de Santiago e da Comisión de Artesanía de Galicia. Recibiu o Premio Internacional de Popularidade e Prestixio (1985) e o Primeiro Premio de Artesanía Tradicional do III Certame Antón Fraguas (2000).

PERSOEIRO

Humorista e debuxante. Inicialmente traballou como mecánico. Co estalido da Guerra Civil española alistouse no V rexemento de Líster. En decembro de 1938 fixérono prisioneiro e internárono no cárcere de Yeserías. En Torrijos compartiu prisión co poeta Miguel Hernández. Unha vez liberado, traballou no diario Imperio e en Radio Zamora; ademais enviaba debuxos a La Codorniz e Hermano Lobo. Marchou a Madrid e despois dun monólogo improvisado no teatro Fontalba, montou unha compañía coa que percorreu toda España e Marrocos. En 1959 realizou unha xira por Cuba e México e a partir de 1962 decidiu ir a América; alí foi correspondente do semanario Triunfo e de Sábado Gráfico. Ademais, colaborou con Diario 16. Coa chegada da democracia regresou a España e participou en numerosos programas de televisión e radio. Participou nos filmes El hombre que viajaba despacio, Dónde pongo este muerto?, El Ceniciento, Sitiados en la ciudad, El Presidio,...

PERSOEIRO

Ilustradora e escritora. Especializouse na ilustración de libros infantís e xuvenís. Dirixe a revista Tretzevents e é autora de obras como L’oca d’or (1984), dos irmáns Grimm, Valentina (1988), En Patufet (1988), Txa-txa-txà (1994), Blanc o negre (1997), La bruixa dels panellets (1996) e a serie sobre Pau i Pepa. Recibiu, entre outros, o Premio Lazarillo (1987) e o Premio Nacional de Ilustración (1988).

PERSOEIRO

Político. Deputado desde 1956, foi ministro de Finanzas (1962-1966) no goberno de De Gaulle, e de Economía e Finanzas (1969-1974) con Georges Pompidou, a quen sucedeu como presidente da República (1974). Desde o seu goberno traballou pola consolidación dun maior vínculo entre os países europeos e estableceu un programa de revitalización da economía. A crise económica mundial e o rexurdimento da esquerda levárono a perder as eleccións presidenciais de 1981. En 1988 foi designado presidente da Union pour la Démocratie Française, coalición de centro-dereita pola que foi elixido parlamentario europeo en 1989. O Consello Europeo nomeouno presidente da Convención Europea, encargado da reforma das institucións da UE, creada no 2001.

CAPITAIS

Capital do condado de Gloucestershire, Inglaterra, Reino Unido, situada na beira esquerda do Severn, ao O dos Cotswolds (104.700 h [1994]). Cidade industrial, ten factorías de vagóns e material ferroviario, maquinaria agrícola, mobles e construción naval. Tamén destacan as capturas de salmónidos no Severn. Fundada polos romanos co nome de Glevum, a cidade desenvolveuse durante a Idade Media grazas ao comercio da la. Do seu patrimonio cultural destacan os restos romanos, a catedral normanda (ss XI-XV) e os peiraos de época vitoriana.

DUCADOS

Título da casa real inglesa creado en 1385 polo Rei Ricardo II para o seu irmán Thomas, conde de Buckingham e Essex.

CONDADOS

Condado de Inglaterra, Reino Unido (2.653 km2; 557.300 h [estim 1998]). A capital é Gloucester.

PERSOEIRO

Pintor. Realizou a súa primeira mostra individual en 1947 e participou en diversas convocatorias da Exposición Nacional de Bellas Artes e do Salón de Otoño de Madrid, onde acadou a terceira (1958), segunda (1960) e primeira (1961) medalla.

GALICIA

Médico e político. Encargouse da dirección provincial do SERGAS entre 1991-1993. Foi concelleiro e alcalde de Mos, polo Partido Popular, e deputado por Pontevedra ao Parlamento de Galicia na V lexislatura (1997-2001).

GALICIA

Filólogo. Doutor en Filoloxía Hispánica (1992), é profesor titular da Universidade de Santiago de Compostela e membro do Instituto da Lingua Galega. Como investigador, a súa actividade está centrada no estudo do proceso de estandarización do galego moderno, con especial atención ao s XIX, e da historia da lexicografía galega. En 2002 colaborou na preparación do Dicionario de dicionarios do galego medieval en CD-ROM e dunha edición completa, en soporte electrónico, do Dicionario Galego-Castelán, de Eladio Rodríguez. É coautor do Dicionario normativo galego-castelán (1988) e do Léxico da administración castelán-galego (1991), e editor de Entre a vendima e a castañeira, de Otero Pedrayo e, en colaboración con Dolores Vilavedra, de Retrincos e Un ollo de vidro, de A. Rodríguez Castelao.

PERSOEIRO

Actriz e escritora. Filla de emigrantes galegos, estudiou Letras na Universidad de Filosofía y Letras de Bos Aires e Arte Escénica na escola de Alejandra Boero. Participou en películas como Los Enemigos (1982), La pasión según San Juan (1987), El día que Maradona conoció a Gardel (1995), Eva Perón (1996), Doña Bárbara (1997) ou Testigos ocultos (2000). Tamén é autora de guións, obras teatrais e da novela Ágata Galaffi, la flor de la mafia (2000). Obtivo, entre outros, o Premio Cibeles de Plata á mellor interpretación feminina no Festival Internacional de Cine de Madrid (1996) e o premio da Fundación Eva Perón (1996).