"RM" (Contén)

1. Relativo ou pertencente aos mormiriformes.

2. Peixe da orde dos mormiriformes.

3. Orde de peixes, da suborde dos actinopterixios, que se caracteriza por ter un pedúnculo caudal moi estreito, a cola moi bilobulada, aleta dorsal oposta á anal (ambas as dúas moi próximas ao extremo inferior), fociño alongado en forma de trompa, e a miúdo órganos eléctricos na musculatura caudal. Todas as especies son de auga doce e exclusivas dos ríos africanos.

1. Enfermidade contaxiosa dos equinos (cabalos, asnos) producida pola bacteria Actinobacillus mallei e que se caracteriza principalmente pola inflamación e ulceración da mucosa nasal e dos ganglios linfáticos, o que provoca trastornos respiratorios que mesmo poden levar á morte. Pode ser transmitida a cans, cabras, ovellas e mesmo ao home.

2. Doenza que afecta ás galiñas que presentan un tumor debaixo da lingua e que pode chegar a asfixialas.

3. Estado da persoa que pola falta de sono experimenta unha sensación de atordamento e de cansazo mental.

1. Relativo ou pertencente ao mormonismo ou aos mormóns.

2. Membro da Church of Jesus Christ of Latter-Day Saints, máis coñecida como Igrexa Mormoa, organizada en Nova York en 1830 a partir das visións celestiais do seu fundador, Joseph Smith, quen asegurou que recibira de Deus a misión de restaurar a igrexa orixinal de Xesús Cristo e de traducir un antigo rexistro escrito en pranchas de ouro, que se transformou no Book of Mormon. Segundo esta revelación, estaba permitida a poligamia, que se suprimiu en 1896, de acordo coa Lei Xeral da Unión Americana. En Provo (Utah) teñen unha universidade propia, que é o colexio relixioso máis grande de EE UU.

PERSOEIRO

Actriz cinematográfica estadounidense. Coñecida como Marilyn Monroe, a industria cinematográfica de EE UU converteuna no mito erótico da década de 1950, se ben non foi ata máis tarde cando se recoñeceu o seu talento dramático. Interpretou The Asphalt Jungle (1950), Niagara (1953), River of No Return (1954), Bus Stop (1956), Some Like it Hot (1959), Let’s Make Love (1960) e Something’s Got to Give (1962).

PERSOEIRO

Cantautora. Pertencente á Nova Cançó catalá, entrou no grupo Els Setze Jutges en 1964. Cultivou tanto unha liña intimista, con discos como Visca l’amor (1968), Cançons que estimo (1974) e Una bruixa com les altres (1981), como a canción de estilo máis frívolo ou irónico, con Guillermina Show (1967), Remena nena (1970) e Lluny de Malibú (1987). En 2002 editou un álbum de discos recompilatorios con 160 cancións, titulado Fent equilibris.

PERSOEIRO

Cantante. Moi influído pola música ska e o reggae, formou, xunto co seu irmán Iñigo, o grupo Kortatu en 1985. Coa disolución do grupo, na década de 1990 volveu á escena cunha nova formación chamada Negu Gorriak, que fusiona o hip hop, o hardcore e o trash metal. Ademais da súa contribución aos discos de Kortatu e Negu Gorriak, publicou en solitario Brigadistak Sound System (1999), FM 99.00 Dub Manifest (2000) e In-komunikazioa (2002).

PERSOEIRO

Biólogo. Estudou na Columbia University, onde obtivo o doutorado en 1916 sobre o entrecruzamento xenético. Contribuíu á localización cromosómica de moitos xenes e foi un dos creadores da xenética moderna. Demostrou que a irradiación con raios X aumenta a taxa de mutacións nos organismos, o que serviu para apoiar que as mutacións, xunto coa selección natural, son as bases da evolución. En 1946 recibiu o Premio Nobel de Medicina e Fisioloxía, polos seus estudos sobre mutacións inducidas.

PERSOEIRO

Químico suízo. Estudou na Universidade de Basilea e doutorouse en 1925. Recibiu o Premio Nobel de Medicina en 1948 pola fabricación do diclorodifeniltricloroetano (DDT) en 1939.

CAPITAIS

Capital da oblast’ homónima, Rusia (394.000 h [1997]). Porto situado na costa oriental do golfo de Kola. Fundada en 1916, é un centro importante de industrias pesqueiras e de conservas, reparacións de barcos, etc. Durante a Primeira e Segunda Guerra Mundial a zona tivo unha grande importancia estratéxica.

1. Acción e efecto de murmurar.

2. Comentario que se fai sobre algo ou alguén e que se divulga entre a xente xeralmente con afán difamatorio.