"AN" (Contén)

PERSOEIRO

Raíña de Portugal e infanta de España, filla de Filipe V e de Isabel de Farnese. Casou en 1727 con Xosé, príncipe de Brasil e herdeiro dos reis de Portugal.

PERSOEIRO

Raíña de Francia, filla do Emperador Francisco I e de María Tareixa   I de Austria. Casou con Luís XVI de Francia, e cando este ascendeu ao trono (1774), o seu dominio sobre o rei reflectiuse nunha forte influencia política. Acusada de favorecer os intereses de Austria, mal vista por culpa dos seus excesivos dispendios e pola súa oposición a toda clase de reformismo, a opinión tornouse en contra dela. Durante a Revolución Francesa fixérona prisioneira xunto co rei (13 de agosto de 1792), e executárona ao ano seguinte.

GALICIA

Personaxe popular. Segundo a tradición, capitaneou unha revolta popular (1386) contra o bispo de Lugo, Pedro López de Aguiar, por causa dos fortes tributos que padecían. A súa sona deu orixe a un modismo adverbial “en tempos de María Castaña” equivalente a ‘antigamente, hai moitos séculos’.

PERSOEIRO

Emperatriz de Bizancio, filla de Costanza I de Antioquía e de Ramón de Poitiers, príncipe de Antioquía. Casou en 1161 co Emperador Manuel I Comneno de Bizancio. Trala morte deste (1180), foi rexente do herdeiro Aleixo II Comneno de Bizancio. Por culpa da súa política prolatina foi prendida e estrangulada por Andrónico I Comneno, curmán de Manuel I, quen en 1183 foi proclamado emperador.

PERSOEIRO

Relixiosa. Tomou o hábito mercedario en 1248 e en 1261 fundou a rama feminina da orde da Mercé. O seu culto aprobouno o Papa Inocencio XII en 1692 e a súa festividade celébrase o 25 de setembro.

PERSOEIRO

Escritora francesa. Todas as súas obras conservadas están escritas en versos pareados de oito sílabas. Traduciu do latín unha serie de fábulas esópicas (Ysopet, 1170?) e unha narración sobre o purgatorio de san Patricio (Espurgatoire Saint Patrice, 1190?). A súa obra máis destacada e persoal son doce lais (1167?), narracións en verso de carácter amoroso e fantástico, que contiñan unhas anécdotas coas que se compuxeron cancións líricas, coñecidas na lírica inglesa, bretoa e francesa.

PERSOEIRO

Princesa de Girona e de Asturias, filla do Rei Xoán III de Portugal e de Catarina de Austria. Casou en 1543 co seu curmán o príncipe Filipe (Filipe II), herdeiro de Carlos I. Morreu ao dar a luz o infante Carlos de Austria.

PERSOEIRO

Raíña de Aragón e Castela, filla de Filipe II de Orléans e de Enriqueta Ana de Inglaterra. Casou en 1679 co Rei Carlos II.

PERSOEIRO

Infanta de España e duquesa de Montpensier, filla do Rei Fernando VII e de María Cristina das Dúas Sicilias. Casou en 1846 con Antón de Orléans, duque de Montpensier, fillo do Rei Luís Filipe I de Francia. En 1868 foi expulsada, co seu marido, por conspirar contra a súa irmá, a Raíña Isabel II.

PERSOEIRO

Raíña de España, filla de Antonio de Orléans, duque de Montpensier e da infanta María Luísa Fernanda de Borbón. Casou en 1878 co seu curmán o Rei Afonso XII e morreu de tifo ao cabo de seis meses.