"BRE" (Contén)

PERSOEIRO

Mártir portugués. O seu culto remóntase ao s IX; tivo diversos mosteiros na Galicia medieval, como o de San Breixo das Donas, en terras da Ulla e Deza, e San Breixo de Arcos de Furcos. O san Breixo de Barro, de moita sona no Salnés, Morrazo e Vigo, é avogoso da reuma; o de Palas de Rei do gando vacún, en especial da produción de leite; o de Foxáns (Touro), malia ser avogoso da reuma da xente, tamén protexe as vacas porque a súa auga é moi milagreira para o ubre. De feito, a forza deste santo disque se transmite pola auga da fonte (vanse lavar na fonte do santo e o pano con que se enxugan déixano nunha silveira para que con el quede a enfermidade), polo aire do libro (os devotos axeónllanse diante do altar e póñenlle o misal aberto pola páxina da última misa dita) e polo contacto co santo (póñenllelo nos ombreiros e na cabeza). Na iconografía represéntase cunha vestimenta antiga en manto rubio e palma de martirio; en Foxáns aparece decapitado cunha espada no pescozo e barbado, e en Barro...

PERSOEIRO

Escultor alemán. Pertenceu á escola de Belas Artes de Düsseldorf. Instalouse en Francia no 1926 e gañou o Premio de Roma no 1932. Dende o ano 1935 foi o escultor oficial do Terceiro Reich, realizando estatuas colosais que tentaban revivir o clasicismo do Imperio Romano e glorificar a raza aria. Decorou o estadio olímpico de Berlín en 1936. En 1963, trala Segunda Guerra Mundial, instalouse en París, onde recuperou a súa antiga tarefa de retratista. Publicou as súas memorias no 1969.

PERSOEIRO

Cantante e compositor. Iniciou as súas actividades en París en 1953. As súas composicións destacan pola súa calidade poética, musical e por unha gran forza interpretativa, baixo un ton crítico e irónico. Entre os seus títulos salientan Ne me quitte pas (Non me deixes, 1959), On n’oublie rien (Nada se esquece, 1961) e Les bourgeois (Os burgueses, 1962). Como actor participou nos filmes Les risques du métier (Os riscos do oficio, 1967) e L’emmerdeur (1973), e dirixiu Franz (1972) e Le Far West (1972), entre outros.

CIDADES

Cidade de Alemaña, capital do länder homónimo (546.968 h [1998]). Está situada preto do río Weser; este río, dragado a 10 m, converteu a cidade nun centro mercantil de produtos de ultramar. Este feito motivou que as industrias de elaboración se desenvolvesen na zona, en especial, as de tabaco, chocolate e café. Está localizada nunha rexión baixa e pouco fértil e a súa actividade económica complétase coa industria cervexeira, química, tecidos (la e estampados), industria do coiro e refinerías de petróleo. As primeiras noticias de Bremen datan do s VIII, cando Carlomagno a converteu en sede dun bispado. Cando a cidade de Hamburgo foi destruída polos viquingos (845), Bremen substituíuna como centro de evanxelización dos países nórdicos. Baixo o goberno dos príncipes-arcebispos, a cidade medrou e converteuse nun importante centro comercial. Na fin do s XIII independizouse do dominio eclesiástico e a burguesía gobernou a cidade, que se adheriu á liga hanseática e foi un dos centros...

DUCADOS

Territorio do Sacro Imperio creado como consecuencia da secularización do principado episcopal de Bremen coa Paz de Westfalia (1648) e adxudicado a Suecia. No 1712 pasou a Dinamarca e, no 1720, a Hannover.

CIDADES

Cidade do land de Bremen, Alemaña, no esteiro do Weser (126.915 h [1998]). Situada á beira da desembocadura do Geeste, é unha importante cidade portuaria. O seu porto, creado como porto de pasaxeiros no 1857, foi ampliado en diversas ocasións ata finais do 1931. Serve de anteporto de Bremen, dende que a drenaxe e canalización do Weser lle impedira ás embarcacións de gran tonelaxe remontar o río. O territorio da actual cidade e os seus suburbios industriais (Lehe) foron incorporados ao land de Bremen no 1947, logo da súa reconstrución despois dos danos sufridos polos bombardeos aos que foi sometida durante a Segunda Guerra Mundial, nos que resultaron afectados o 56% dos seus edificios.

PERSOEIRO

Xesuíta, crítico literario e historiador francés. Foi un dos expoñentes do espiritualismo literario e filosófico francés, sostivo a afinidade da poesía e o misticismo. É autor de Histoire littéraire du sentiment religieux en France 1916-1936 (Historia literaria do sentimento relixioso en Francia 1916-1936), Pour le romantisme (Para o Romanticismo, 1923), La poésie pure (A poesía pura, 1926) e Prière et poésie (Oración e poesía, 1927).

1. Radiación electromagnética emitida ao ser decelerada (freada ou deflectida) unha partícula cargada, de alta enerxía, cando atravesa a materia. Gracias ao acelerador de partículas, foi posible producir e estudar a radiación de freada orixinada pola difusión (scattering) de partículas con muóns, pións e protóns. Cando a bremsstrahlung se produce como consecuencia dunha emisión β ou dunha captura electrónica, fálase de bremsstrahlung interna; no resto dos casos, de bremsstrahlung externa. Cando o campo que causa a freada é un campo magnético, fálase de bremsstrahlung magnética, aínda que é máis corrente falar da radiación de sincrotrón (cando as velocidades son relativistas) e da radiación de ciclotrón (cando non o son).

2. Colisión inelástica entre un fotón e un electrón no campo dun ión, coa conseguinte absorción da enerxía do fotón polo electrón.

MUNICIPIOS

Municipio da provincia de Santa Cruz de Tenerife, Canarias, situado na illa de La Palma, ao O de Santa Cruz de la Palma (5.816 h [1996]). A súa actividade económica aproveita os seus recursos agrícolas e gandeiros, sobre todo bovinos.

MUNICIPIOS

Municipio da provincia de Santa Cruz de Tenerife, Canarias, situada na illa de La Palma, ao S de Santa Cruz de la Palma, preto do Atlántico (3.746 h [1996]). A súa economía baséase no aproveitamento dos seus recursos agrícolas (cereais, plataneiros, laranxeiras e patacas) e avícolas. Acolle unha importante cooperativa agrícola comarcal.

PARROQUIA

Parroquia do concello da Pobra de Brollón baixo a advocación de san Xoán.

PERSOEIRO

Actor cinematográfico irlandés coñecido como George Brent. Comezou traballando no teatro no Bronx. Trasladouse a Hollywood onde se lle considerou un dos galáns máis destacados. Traballou con Bette Davis na Warner. Interpretou, entre outras, as películas: The crash (A explosión, 1932), More than a secretary (Escola de secretarias, 1936), Dark vitory (Amarga vitoria, 1939), The spiral staircase (A escaleira de caracol, 1946) e Born again (Nacido novamente, 1978).