"CIA" (Contén)

antocianidina.

Provincia ou división administrativa romana, cun breve período de existencia (216 e 217), creada polo Emperador Marco Aurelio Antonino Caracalla (211-217) como resultado da secesión dun territorio da Provincia Citerior Tarraconense, identificado coa Gallaecia, e que se correspondía cos tres conventus xurídicos noroccidentais: asturicense, lucense e bracarense. A súa creación debeuse a motivos económicos e militares: era preciso controlar o territorio fronte a posibles revoltas indíxenas e asegurar o acceso ás minas de ouro do noroeste de Hispania, situadas principalmente no Bierzo. Con estas medidas, Caracalla tentaba revitalizar as explotacións auríferas, que xa coñeceran o seu momento de esplendor durante a época flavia. Coa morte de Caracalla no 217, xa certificado o esgotamento mineiro debido en gran medida á pouca rendibilidade dos procedementos técnicos empregados, a nova provincia desapareceu e pasou a estar baixo o mando do gobernador da Tarraconense. O seu único gobernador,...

Centro cultural para a educación do proletariado, fundado na Coruña o 14 de xullo de 1936. No seu domicilio social da rúa dos Feáns impartíase unha formación obreira de claro carácter anarquista, fundamentada nas bases da educación libertaria promovida e organizada por Ferrer i Guardia.

Adiviñación baseada no estudo das vísceras humanas, principalmente o corazón.

Feito de consentir ou aprobar.

Anunciación.

Nome procedente do latín eclesiástico annuntiatio ‘anunciación, anuncio’, derivado de annuntio. Este último termo procede de ad-nuntio ‘anunciar’, composto de ad ‘cara a, en dirección a’ e nuntio ‘informar, notificar’ e este, á súa vez, deriva de nuntius ‘nuncio, mensaxeiro’. Este antropónimo ten unha orixe cristiá; alude ao anuncio do nacemento de Xesús (“Anunciación a María”), relatado no evanxeo de san Lucas. A Anunciación tamén se coñece cariñosamente como a “Nosa Señora das Merendas”, porque a súa festa marca o comezo dos traballos nas veigas e, xa que logo, das merendas fóra da casa. A festividade da Anunciación, que antano se celebraba o 18 de decembro por non cadrar co espírito da Coresma, trasladouse logo ao 18 de decembro. Actualmente festéxase o 25 de marzo agás en Entrimo, onde se conmemora o 5 de agosto, e en Baiona, onde se celebra os días 5 e 10 de agosto. A Anunciación é titular dunha parroquia. Unha variante deste antropónimo...

Orde da cabalería creada polo conde Amadeo VI de Savoia no 1362. Os estatutos foron doados no 1400 polo duque Amadeo VIII. Foi a orde suprema do Reino de Italia.

Que anuncia.

Xornal nado en Pontevedra o martes 2 de xaneiro de 1877 e desaparecido en maio de 1893. Foi subtitulado como “Diario de noticias, anuncios e intereses morales y materiales”, “Diario de intereses generales, noticias y anuncios”, “Diario de Pontevedra”, “Diario republicano” e “Diario republicano progresista” ao longo de diversas etapas. Fundado por Xosé Suárez, tivo como directores a Indalecio Armesto, Xosé Madrigal, Xoán M. Rodríguez, Cosme Fernández, Emilio Couto e Xosé Sequeiros. Tratou temas políticos, culturais e mesmo publicou poemas en castelán de Renato Ulloa, Claudio Cuveiro, Nicanor Rey, Andrés Muruais, Núñez de Arce, Alfredo Brañas e Xesús Muruais, entre outros. Xunto a estes, poemas en galego de Rosalía e Francisco Mª de la Iglesia, e unhas crónicas tituladas “Farangullas” de Roque Pesqueira. Tamén difunden información sobre o dicionario de Cuveiro Piñol e Aires da miña terra de Curros Enríquez. Reaparecería no ano 1893.

Xornal republicano aparecido na Coruña en 1877 e subtitulado “Diario de La Coruña y de Galicia”. No número do 25 de xullo de 1883 incluíuse o poema “O probe” de Manuel Martínez González.

Nome adoptado polo xornal El Avisador (1862) da Coruña no ano 1877 ata a súa desaparición definitiva no ano 1894.