"Trat" (Contén)

Mostrando 20 resultados de 223.

  • superestrato
    Escoitar

    Lingua que, nun territorio determinado, se introduciu amplamente dentro da área doutra e aínda que non conseguiu asentarse definitivamente deixou nesta algúns trazos. É o caso das linguas xermánicas nos territorios de fala latina, que influíron nalgunhas solucións da evolución do latín nas linguas románicas, como por exemplo o sufixo -engo que se uniu a lexemas latinos para formar palabras como abadengo ou camarlengo.

    VER O DETALLE DO TERMO
  • tartrato como forma incorrecta de tartarato
    Escoitar

    1. Sal ou éster do ácido tartárico.

    2. tártaro emético.

    3. cremor tártaro.

    4. Sal do ácido tartárico dextroxiro, que se presenta en forma de cristais incoloros, eflorescentes no aire, de gusto salino, solubles en auga e insolubles en alcohol. Obtense por precipitación con carbonato sódico dunha solución de tartarato de hidróxeno e potasio. OBS: Tamén se denomina sal de Seignette ou sal de la Rochelle.

    VER O DETALLE DO TERMO
  • tetraterpeno
    Escoitar

    Composto que está formado por oito unidades de isopreno.

    VER O DETALLE DO TERMO
  • tetratómico -ca
    Escoitar

    1. Aplícase ao conxunto de moléculas con catro átomos.

    2. Aplícase ao composto cíclico que se orixina polo peche dunha cadea de catro átomos.

    VER O DETALLE DO TERMO
  • Tilsit, Tratado de
    Escoitar

    Acordo asinado en xullo de 1807 na cidade homónima (actual Sovetsk, na oblast’ de Kaliningrad), entre Napoleón I Bonaparte e Alexandre I de Rusia, para poñer fin á coalición antinapoleónica. Europa foi dividida en dúas zonas de influencia: occidente baixo a influencia francesa e oriente baixo a rusa. A expensas de Prusia formouse o Reino de Westfalia e o Gran Ducado de Varsovia, e Gdańsk foi declarada cidade libre.

    VER O DETALLE DO TERMO
  • Tordesillas, Tratado de
    Escoitar

    Acordo asinado en Tordesillas o 7 de xuño de 1494, entre os Reis Católicos e Xoán II de Portugal, polo que Castela e Portugal fixaron a liña de demarcación das súas futuras posesións en ultramar. O resultado foi un pacto no que a liña de demarcación se situou a 370 leguas ao O das illas de Cabo Verde; desta maneira, a terra descuberta ao L desta liña pasaba a depender de Portugal e a do O, de Castela. Foi ratificado polos Reis Católicos en Arévalo (2 de xullo de 1494), por Xoán II de Portugal en Setúbal (5 de setembro de 1494) e polo Papa Xulio II (1506).

    VER O DETALLE DO TERMO
  • Toros de Guisando, Tratado dos
    Escoitar

    Pacto entre Enrique IV de Castela e a súa irmá, a futura Isabel I (1468), que puxo fin á guerra civil, e na que Isabel foi recoñecida como herdeira de Castela. Con isto foi declarado de forma implícita a ilexitimidade de Xoana a Beltranexa, filla do monarca. Acordouse tamén que Isabel casaría co consentimento do seu irmán, cláusula que incumpliu ao casar con Fernando II de Aragón, o que provocou a anulación do acordo.

    VER O DETALLE DO TERMO
  • Trat
    Escoitar

    Changwat de Tailandia (2.819 km2; 217.777 h [2000]). A súa capital é Trat (14.766 h [1993]).

    VER O DETALLE DO TERMO
  • tratábel
    Escoitar
  • tratable
    Escoitar

    1. Que se pode tratar.

    2. Aplícase á persoa que ten un trato agradable ou é accesible.

    VER O DETALLE DO TERMO
  • tratadista
    Escoitar

    Persoa autora dun tratado ou de tratados.

    VER O DETALLE DO TERMO
  • tratado
    Escoitar

    1. Obra que trata sistematicamente unha materia.

      1. Acordo internacional establecido por escrito entre estados e rexido polo dereito internacional, tanto se está articulado nun instrumento único como se o está en dous ou máis. En función da súa materia, distínguese entre tratados de paz, que poñen fin a un conflito como os de Westfalia ou Utrecht; tratados económicos e comerciais como o acordo entre EE UU, Francia e Reino Unido en 1936; tratados relixiosos, como os establecidos entre Vaticano e outros estados, denominados concordatos; tratados políticos, como o de París, coñecido como Santa Alianza; tratados de extradición de delincuentes e criminais comúns; e tratados técnicos. Entre os colectivos figuran os tratados constituíntes das organizacións internacionais, como o de Versailles.

      2. Documento en que consta o tratado.
    VER O DETALLE DO TERMO
  • Tratado de Albeitaria
    Escoitar

    Tratado de veterinaria onde se ofrecen descricións e curas para as enfermidades do cabalo. Consérvase nun manuscrito galego datado entre 1409-1420, pertencente ao notario Álvaro Eanes da Seira, de Baiona. Inclúe unha tradución do tratado latino De medicaminibus equorum, de gran divulgación nos ss XIII-XIV, escrito por Jordanus Ruffus. Divídese en seis partes, as catro primeiras sobre o nacemento e cría do cabalo, e as dúas últimas sobre as súas enfermidades. Destaca por ser unha das poucas obras científicas escritas en galego no s XV, onde se documentan por primeira vez numerosos termos especializados.

    VER O DETALLE DO TERMO
  • Tratado de Amsterdam
    Escoitar

    Tratado asinado o 2 de outubro de 1997 polos ministos de Exteriores dos estados membros da UE e que entrou en vigor o 1 de maio de 1999 despois de ser ratificado polos respectivos estados. Modificou nalgúns aspectos o Tratado de Maastricht, os tratados constitutivos das Comunidades Europeas e diversos actos afíns. Tratou temas de emprego, libre circulación de ciudadáns, xustiza, política exterior e seguridade común e reforma institucional para afrontar o ingreso de novos membros.

    VER O DETALLE DO TERMO
  • tratamento
    Escoitar

      1. Maneira de comportarse ou de proceder con respecto a alguén.

      2. Modo de tratar unha cousa.

    2. Título honorífico ou de cortesía que se lles dá ás persoas pola súa autoridade, dignidade, cargo ou categoría social.

      1. Conxunto de medios hixiénicos, farmacolóxicos e cirúrxicos que se poñen en práctica para curar ou aliviar unha enfermidade.
      2. tratamento activo

        Tratamento que está dirixido directamente á curación da enfermidade.
      3. tratamento causal

        Tratamento que actúa directamente contra a causa da enfermidade.
      4. tratamento empírico

        Tratamento das enfermidades por medios da eficacia demostrada pola experiencia.
      5. tratamento médico

        Tratamento que se practica especialmente por medios non cirúrxicos.

      6. ...
    VER O DETALLE DO TERMO
  • tratante
    Escoitar

    Persoa que trata ou comercia cunha cousa, especialmente co gando.

    VER O DETALLE DO TERMO
  • tratar
    Escoitar

    1. Ter como asunto ou tema.

    2. Someter unha substancia á acción dalgún axente.

    3. Aplicar a un enfermo ou a unha enfermidade un determinado remedio ou tratamento.

    4. Ter amizade ou trato con alguén.

    5. Dar a alguén algún tratamento ou título de cortesía.

    6. Proceder dunha maneira determinada en relación a algo ou a alguén.

    7. Tentar conseguir ou realizar algo. OBS: Emprégase seguido da preposición de.

    8. Ter trato.

    9. Comerciar con algunha mercadoría.

    10. Relacionarse con alguén.

    11. ...

    VER O DETALLE DO TERMO
  • trato
    Escoitar

      1. Maneira de comportarse ou de proceder con respecto a alguén.
      2. malos tratos

        Comportamento violento entre persoas que pode chegar a rescindir contratos ou anular dereitos e deberes. Os malos tratos de palabra ou de obra entre cónxuxes son causa de separación, e o trato inxusto dun fillo cara aos seus pais pode producir o seu desherdamento

    2. Relación que se ten con alguén.

    3. Convenio ou contrato establecido entre dúas partes.

    VER O DETALLE DO TERMO
  • Trianon, Tratado do
    Escoitar

    Paz asinada en Le Grand Trianon, o 4 de xuño de 1920, entre Hungría e os aliados ao final da Primeira Guerra Mundial. Hungría tivo que aceptar reducións no exército e foi obrigada a ceder Eslovaquia e Rutenia a Checoslovaquia, Transilvania e parte do Banato a Romanía, e Croacia, Eslavonia e o resto do Banato a Iugoslavia.

    VER O DETALLE DO TERMO
  • Troyes, Tratado de
    Escoitar

    Tratado asinado entre Carlos VI de Francia e Enrique V de Inglaterra, o 21 de maio de 1420. Nel, Carlos VI, influído por Filipe III de Borgoña, recoñecía a Enrique V como herdeiro do reino francés, coa condición de que este casase coa súa filla, Catarina de Francia. O tratado, que representaba a liberación de Francia dos ingleses e desposuía dos seus dereitos ao delfín, futuro Carlos VII de Francia, non foi aceptado por este que, coa morte do seu pai (1422), foi recoñecido finalmente como rei.

    VER O DETALLE DO TERMO