"Vas" (Contén)

PERSOEIRO

Compositor ucraíno. Estudou con Glière en Moscova. Autor de obras para orquestra de estética realista, como Fonderi d’acier (A fundición de aceiro, 1926), compuxo tamén sinfonías, unha comedia musical, a cantata patriótica Minino et Pozharski, o poema sinfónico Ukraine, e música de cámara e vocal.

PERSOEIRO

Escritor ucraíno. Foi o autor das novelas Rossijskij Žilblaz (O Gil Blas ruso, 1814) e Bursak (1825).

MONTES

Monte situado na parroquia de Freán (O Saviñao). O seu cumio acada os 664 m de altitude.

MUNICIPIOS

Municipio da provincia de Sevilla, Andalucía, situado en Sierra Morena e regado polo río Retortillo (1.874 h [2001]). A súa economía baséase na agricultura e a gandaría, e compleméntase coas industrias derivadas.

MUNICIPIOS

Municipio da provincia de Jaén, Andalucía, situado ao N do Guadalimar, afluente do Guadalquivir, en Sierra Morena (5.097 h [2001]). A súa economía é básicamente agrícola e destaca a elaboración de aceite.

MUNICIPIOS

Municipio da provincia de Cáceres, Extremadura, situado na ribeira do Tajo, preto do encoro de Alcántara (1.555 h [2001]). É un termo gandeiro e agrícola, onde se cultivan cereais, legumes e oliveiras.

MUNICIPIOS

Municipio da provincia de Ávila, Castela e León, situado ao pé da serra de Malagón, delimitado ao L por Madrid (4.381 h [2001]). A súa economía baséase na agricultura, a gandaría e diversas industrias alimentarias, serradoiros e de elaboración de resinas. É un centro de veraneo.

PRAIAS

Praia do litoral N da illa de Arousa, na parroquia da Illa de Arousa, no concello homónimo.

PERSOEIRO

Artista plástico. Traballou sobre todo a madeira, cunha serie de pezas feitas a base de formas arredondadas encaixadas entre elas, esculturas con formas humanas e composicións onde xogou cos efectos visuais que proporcionan as vetas da madeira. Da súa produción destaca a serie Pilotos.

PERSOEIRO

Bailarín e coreógrafo ucraíno. Destacou pola espectacularidade das súas obras, incluídos os seus saltos e a sensibilidade artística que demostrou. Formou parte do ballet de Diaghilev e despois foi o seu coreógrafo. Destaca a súa interpretación en Sheherazade, en Les Sylphides (1909) e en Le Spectre de la Rose (1911).

PARROQUIA

Parroquia do concello de Xinzo de Limia baixo a advocación de san Nicolao.

GALICIA

Escritor. Emigrante en Cuba, foi colaborador na Revista de Occidente e nos xornais El Sol e La Voz. Redactor da revista Bohemia e tradutor de obras de Balzac, Faulkner e Huxley, nos seus libros recorreu a temas como a escravitude, o contrabando e a pirataría na costa cubana. Utilizou a técnica da ruptura cubista e procedementos máis propios do surrealismo para elaborar unha realidade fluída. Destacan as novelas Aquella noche salieron los muertos (1932), El negrero (1933), Experimento en el barrio chino (1936) e No sé quien soy (1945) e os libros de contos La luna nona y otros cuentos (1942), Un dedo encima (1943) e Cayo Canas (1946).

PUBLICACIÓNS

Publicación aparecida en Iruña e promovida polo colectivo galego Lar Galego desa cidade, presidido por Roxelio Díaz Fernández. Saía unha vez ao ano, en xullo, para informar aos asociados dos actos programados polo colectivo con motivo da festividade do 25 de xullo.

GALICIA

Mestre canteiro. Das súas obras destacan a igrexa de San Fins de Celeiros (Ponteareas), a capela do Santísimo da catedral de Tui (1788) e Santo Estevo de Beade (Vigo).

GALICIA

Mestre. Foi inspector de ensino primario e tamén se dedicou ao estudo da historia e da arte. Dirixiu o Boletín de Educación (1934-1936) e publicou Educación física. Que debe ser la educación gimnástica en la escuela primaria? Programa de ejercicios que deben practicar los niños (1909). Recibiu a Cruz de Alfonso X el Sabio e foi membro correspondente da Real Academia Galega e da Real Academia Galega da Historia.