"AN" (Contén)

CAPITAIS

Capital da rexión de Equateur, situada na República Democrática do Congo (169.841 h [estim 1994]). É un porto fluvial na confluencia dos ríos Congo e Ruki. Produce caucho, café, arroz, madeira e ten industria cervexeira e de artes gráficas.

PERSOEIRO

Fotógrafo inglés. Comezou retratando as paisaxes e a arquitectura natal para logo centrarse na fotografía teatral con Hugh Cecil. Anos despois, fotografou os actores de moda (Vivien Leigh, Laurence Olivier ou Peggy Ashcroft) cunha perspectiva orixinal de luces e sombras. Foi o fotógrafo oficial de The Royal Opera House e traballou ao servizo de espectáculos de teatro, música e danza en Hollywood durante as décadas de 1960 e 1970. Foi elixido para facer a portada do LP Please Please Me de The Beatles.

PERSOEIRO

Explorador británico. Viaxou polas Terras Árticas e realizou diversas expedicións ao O da baía de Baffin, na procura da expedición de John Franklin, da que localizou diversos restos. Recibiu o título de sir.

PERSOEIRO

Escritor estadounidense. En 1931 iniciouse como guionista cinematográfico e comezou a escribir novelas de serie negra, como They Shoot Horses, don’t They? (1935), levada ao cine por Sidney Pollack (1969). Tamén escribiu No Pockets in a Shroud (1937) e Kiss Tomorrow Goodbye (1945).

PERSOEIRO

Novelista inglés. Caracterizouse polo emprego do humor negro nos seus relatos e deuse a coñecer ao gañar o premio de novela Somerset Maugham coa obra First Love, Last Rites (1975). Tamén publicou The Imitation Game (1981), recompilación de tres obras teatrais para televisión, Atonement (2002) e In between the Sheets (2004). Recibiu o premio Booker en 1998.

PERSOEIRO

Economista. Investigou os modelos de elección, econometría, teoría da produción e do consumo, dinámica da saúde e da mortalidade e análise da demanda do consumo utilizando datos psicométricos. Escribiu Constant Elasticity of Substitution Prodution Functions (1963) e Cost, Revenue and Profit Functions: A cursory review (1966). Recibiu o Premio Nobel de Economía, compartido con J. J. Heckman (2000).

PERSOEIRO

Actor inglés. Comezou a súa carreira no teatro, con papeis en obras de Shakespeare, para logo pasar ao cine. Participou nos filmes The Promise (1969), Plenty (1985), Richard III (1995), Gods and Monsters (1998) e a triloxía de The Lord of the Rings (2001, 2002 e 2003).

PERSOEIRO

Realizador cinematográfico escocés. Naturalizado canadense, foi un dos máximos investigadores do cine de animación. Na súa continua experimentación usou novas técnicas, como o debuxo directo sobre a película ou as tres dimensións. Destacan os seus filmes Dollar Dance (1943), Neighbours (1952, Oscar á mellor animación 1953), Pas de deux (1968), Ballet Adagio (1972) e Narcissus (1983).

PERSOEIRO

Músico. Coñecido como Don McLean, o seu estilo pop-folk pretendeu reflectir a realidade da América profunda. Acadou o éxito co seu tema “American Pie” (1971), e publicou os discos Tapestry (1971), Believers (1981), River of Love (1995) ou You’ve Got to Serve (2003).

PERSOEIRO

Ensaísta canadense. Especialista en cuestións relativas aos medios de comunicación, dedicouse ao estudo da comunicación social, para o que elaborou unha auténtica filosofía que se resume na máxima “o medio é a mensaxe”. Destacan as súas obras The Gutenberg Galaxy (1962), Understanding Media (1964) e The Medium is the Message (1967).

PERSOEIRO

Físico estadounidense. Estudiou no Instituto de Tecnoloxía de California e na Universidade de Princeton, onde se doctorou en 1932. Traballou na Universidade de California e dirixiu o Laboratorio de Radiación Lawrence. Descubriu os elementos transuránicos neptunio (Np) e plutonio (Pu), inventou o sincrociclotrón e contribuíu ás investigacións sobre enerxía nuclear. En 1951 recibiu, xunto con Glenn T. Seaborg, o premio Nobel de Química polo descubrimento dos transuránidos.

PERSOEIRO

Xurista e político. Foi secretario de Estado (1961-1968) nos gobernos de John F. Kennedy e Lyndon B. Johnson, e iniciou as negociacións de paz da Guerra de Vietnam. Presidiu o Banco Europeo de Reconstrución e Desenvolvemento (1968-1981) e escribiu The Essence of Security (1968) e The Tragedy and Lessons of Vietnam (1995).

CIDADES

Cidade de Ciskei, situada na provincia de Cabo Oriental, República Sudafricana, ao N do East London (242.823 h [1991]). Ata 1997 pertenceu a rexión histórica do Cabo.

GALICIA

Dirixente deportivo. Foi vicepresidente e presidente do R.C. Deportivo de La Coruña, vicepresidente e presidente da Federación Galega de Fútbol, vogal da Liga Nacional de Fútbol Aficionado, vicepresidente da Federación Galega de Patinaxe e presidente do Comité de Competición.

1. Curva ou sinuosidade pronunciada producida por unha corrente fluvial. Vai asociado a unha marxe cóncava, onde se realizan os procesos de erosión, e unha convexa, onde se producen os procesos de sedimentación e onde a auga perde unha boa parte da capacidade erosiva e de transporte. A erosión fluvial pode romper un meandro por desbordamento, que pode estar causado por unha crecida importante, ou por unha escavación da súa base.

2. Motivo decorativo arquitectónico formado por liñas sinuosas e complicadas, dispostas en bandas circulares ou en ángulo recto. Este ornamento atopouse xa na arte prehistórica, sobre todo na arte xeométrica grega.

1. Relativo ou pertencente a Meaño ou aos seus habitantes.

2. Natural ou habitante de Meaño.