"AN" (Contén)

PERSOEIRO

Astrónomo francés. Determinou a posición de numerosos planetas e estrelas, e estudiou as eclipses de Sol. En 1787 comprobou, xunto con Cassini e Legendre, a diferenza de lonxitudes dos observatorios de París e Greenwich. Entre 1792 e 1798 mediu, con Delambre, o arco de meridiano comprendido entre Dunquerke e Barcelona para establecer a lonxitude do metro patrón. Tentou aumentar a precisión das medidas prolongando o meridiano ata as Illes Balears, pero morreu mentres realizaba esta tarefa.

PERSOEIRO

Anatomista alemán. Foi profesor de fisioloxía e anatomía na Universidade de Halle an der Saale. Realizou traballos de anatomía comparada, descubriu o divertículo do intestino delgado (1809) e a cartilaxe do arco mandibular. É autor de seis tratados de anatomía.

GALICIA

Pintora. Explorou o plano como espazo ideal da ilusión, reforzando a estrutura xeométrica e usando o gravado calcográfico. Analizou a xeometría visual do espazo ao fragmentar as estruturas nunha ortogonalidade suxerida, máis ca presente, e creou mundos de arquitecturas insinuadas e puramente lineais onde case non empregou a curva. Da súa produción destaca a serie Cadrados (1996).

CAPITAIS

Capital da provincia de Sumatra Setentrional, Indonesia (1.942.000 h [1996]). É o centro económico da rexión do río Deli, que a mediados do s XIX comezou a adquirir renome polas súas plantacións de tabaco.

PERSOEIRO

Biólogo. Foi profesor de zooloxía nas universidades de Oxford, Birmingham e Londres, e director do Instituto Nacional de Investigacións Médicas de Londres. Descubriu que despois de inxertar células estrañas dun individuo en embrións de rato, o rato adulto aceptaba transplantes de pel deste individuo. Da súa produción destacan The uniqueness of the individual (1957), The art of the soluble (1967) e Pluto’s republic (1982). Recibiu o Premio Nobel de Fisioloxía e Medicina (1969), xunto a F. Burnet, polos seus estudios sobre as reaccións inmunolóxicas.

GALICIA

Relixioso franciscano. Foi gardián do convento de San Francisco da Coruña e examinador sinodal na diocese de Santiago de Compostela. Apoiou a loita contra os franceses e defendeu a opción dunha monarquía moderada. Publicou El conquistador y defensor de España, Santiago el Mayor. Oración panegírica que en la iglesia de San Felipe el Real de esta corte, por la Real Congregación de naturales y originarios del nobilísimo Reino de Galicia, pronunció en 25 de julio de 1806 el P. Fr. (1806) e Religión y Constitución hermanadas (1820).

PERSOEIRO

Relixioso agostiño. Foi rexente de teoloxía no convento da Coruña. Publicou Panegírico de San Agustín (1787) e Oración fúnebre que en las exequias que celebró el Real Consulado de la Coruña a su augusto fundador el Sr. D. Carlos III, dijo en la parroquia de San Nicolás el R. P. Fr. (1789).

1. gubia.

2. Moldura cóncava de sección semicircular, formada polo corte transversal dunha cana.

1. 1. Segmento que, nun triángulo, vai dun vértice ao centro do lado oposto. Todo triángulo ten tres medianas, que se cruzan nun único punto, chamado baricentro. O baricentro divide cada mediana en dous segmentos, sendo o segmento baricentro-vértice o dobre de longo ca o outro.

   2. Segmento que, nun trapecio, une o centro dos lados non paralelos.

   3. Segmento que, nun cadrado ou nun rectángulo, une os centros dos lados opostos.

2. Nun conxunto de datos ou de observacións estatísticas, ordenadas de menor a maior, dato situado no centro, isto é, que ten o mesmo número de datos por arriba que por abaixo. No caso de que o número de datos siga parello, cóllese como mediana a media dos dous datos centrais.

3. Espacio lonxitudinal que separa os dous carrís dunha estrada que teñen diferente sentido.

1. Parede que pertence simultaneamente a dúas edificacións veciñas, baixo un réxime especial de indivisión que permite a cada propietario o seu aproveitamento ata a metade do seu grosor.

2. Servidume real que consiste na copropiedade da parede ou do peche que separa dúas propiedades contiguas.

1. Que separa dous terreos ou dúas construcións contiguas.

2. Que ou quen media entre dúas partes ou intercede por unha delas para que logren un acordo.

1. Calidade de mediano.

2. Persoa ou cousa que non destaca especialmente. 

3. Termo medio entre dous extremos.

1. Que é intermedio en canto a tamaño, cantidade, calidade ou intensidade.

2. Aplícase ao plano que divide un corpo ou unha extremidade en dúas metades, dereita e esquerda.

3. medianiño.