"car" (Contén)

PERSOEIRO

Pintor. Estudiou na Escola Nacional de Belas-Artes de Lisboa. Conservador dos palacios e monumentos nacionais, foi elixido presidente da Academia Nacional de Belas-Artes en 1980. Entre as súas obras destacan Serra da Estrela (1938) e Gente do Mar (1940). Publicou, entre outros libros: A escultura em Mafra (1950), Novas revelações para a história do Barroco em Portugal (1965) e A basílica da Estrela (1979).

PERSOEIRO

Arquitecto, pintor e escultor. Formouse en Europa onde entrou en contacto coas vangardas artísticas do período de entreguerras. Da súa obra arquitectónica sobresae o pazo de goberno de São Paulo (1927). Entre a súa obra teórica destaca Os ossos do mundo e L’aspect psychologique et morbide de l’art moderne (O aspecto psicolóxico e mórbido da arte moderna, 1937). Recibiu o Premio Nacional de Escultura e Arquitectura en 1932 e o Premio da IX Bienal de São Paulo.

FILOSOFOS

Filósofo portugués. Profesor na Universidade de Coimbra e estudoso da filosofía e da cultura portuguesas, publicou a obra Estudos sobre a cultura portuguesa (1947-1958), recollida en catro volumes.

PERSOEIRO

Político e militar. Organizador da Revolución do 25 de abril de 1974, foi xefe do Comando Operacional do Continente (COPCON), da rexión militar de Lisboa e membro do Conselho da Revolução. Participou en novembro de 1975 nun intento de golpe militar de esquerda e foi arrestado e apartado do exército. Candidato á presidencia da República (1976 e 1980), en 1984 foi acusado de ser o inspirador do grupo revolucionario Forças Populares-25 de Abril, polo que o condenaron a quince anos de cárcere en 1987. Conseguiu a liberdade en 1989 e indultárono en 1995. Publicou as obras: Cinco meses mudaram Portugal (1975), Alvorada em Abril (1977), O povo é quem mais ordena (1977), Projecto de unidade popular: a organização da força de unidade popular (1980) e Acusação e defesa em Monsanto (1987).

PERSOEIRO

Pintor. Coñecido como o pintor dos frades, realizou obras de temática relixiosa. Participou na decoración da catedral de Lisboa e das igrexas de São Domingos e da Encarnação.

GALICIA

Escultor portugués. Diplomouse na Escola de Belas-Artes do Porto no ano 1968, onde despois exerceu como profesor. Recibiu unha bolsa da Fundação Calouste Gulbenkian e ampliou estudios na Saint Martin’s School of Fine Arts de Londres entre 1971 e 1973. A súa obra, de tendencia abstracta, céntrase na experimentación sobre os metais e a pedra, e no tratamento dos volumes. Entre os seus galardóns sobresaen o Gran Premio de Escultura de Vila Nova de Cerveira (1982) e o Premio de Escultura da Fundação Calouste Gulbenkian (1986).

PERSOEIRO

Escritor norteamericano. En 1976 publicou Will You Please Be Quiet, Please, (Podería calar, por favor), colección de contos que o fixo famoso. Considerado como o pai do denominado Dirty Realism, a súa obra describe o reverso do soño americano. Como poeta publicou catro libros entre 1968 e 1986, o último deles titulado Where Water Comes Together With Other Water (Cando a auga vén xunto con outra auga). Postumamente se publicou Elephant and Other Stories (O elefante e outras historias). O director cinematográfico Robert Altman adaptou algunhas das súas narracións no filme Short Cuts (Vidas cruzadas, 1993).

CIDADES

Cidade do departamento de Pas-de-Calais, Francia (17.059 h [1990]). A súa economía baséase principalmente na explotación das minas de hulla, ademais de ser un centro industrial.

PERSOEIRO

Novelista irlandés. Foi funcionario británico en Nixeria ata 1920, ano en que se estableceu en Oxford. Influído por Dickens, Fielding e Defoe, publicou as novelas Aissa Saved (Aissa salvada, 1932), Mister Johnson (Señor Johnson, 1939) e dúas triloxías (1941-1944 e 1952-1955). Como poeta escribiu The Drunken Sailor (O mariñeiro borracho, 1947). Postumamente se editou The Captive and the Free (O preso e a liberdade, 1959).

PARROQUIA

Parroquia do concello de Cualedro baixo a advocación de san Roque.