"An" (Contén)

GALICIA

Xurista. Foi xuíz municipal de Baiona. Colaborador da prensa rexional, fundou o xornal Valle Miñor. Publicou Bayona antigua y moderna (1902) e Ecos madrileños (1909).

PERSOEIRO

Arquitecto e escultor. As súas obras inscríbense no período de tránsito do Barroco ao neoclasicismo. Traballou co arquitecto Lucas Antonio Ferro Caaveiro e co seu fillo Miguel Ferro Caaveiro. Como entallador e escultor, realizou o retablo maior de Nosa Señora de San Vicente de Aguasantas (1761), en estilo barroco. Como arquitecto, traballou na capela da Comuñón da catedral de Santiago de Compostela e construíu a igrexa de San Xiao de Bastavales, obra que comezou en 1768 e abandonou en 1772 por falta de recursos económicos, chegando a facer a capela maior, a sancristía e o cruceiro coa súa cúpula.

IGREXAS

Igrexa parroquial situada en Pontedeume. Construída no s XVIII en estilo barroco, consta de planta rectangular cunha soa nave. O arco triunfal é de medio punto. A cuberta realizouse a varias augas, con cuberta de tella curva. A espadana, dobre, remata en pináculos con bóla.

GALICIA

Xurista e escritor. Licenciouse en Dereito na Universidad de Salamanca (1915). De ideoloxía demoliberal e galeguista, en 1917 cofundou en Ourense, con V. Risco e R. Otero Pedrayo, a revista La Centuria, da que foi administrador e na que publicou “La Patria”, onde mostrou o seu galeguismo e na que defendeu o uso do galego. Ao ano seguinte foi un dos fundadores da Irmandá Rexionalista d’Ourense (1918). Participou nas diversas asembleas nacionalistas e foi un dos fundadores e administrador da revista Nós, da que foi xerente, tendo a revista. Foi secretario de administración local e exerceu no Pereiro de Aguiar, Avión, Rianxo e Serantes. Durante os sucesos revolucionarios de 1934 foi detido acusado de portar unha arma. O 20 de xullo de 1936 levantou as actas de destitución e detención da corporación municipal e días despois foi detido e recluído no castelo de Santo Antón na Coruña. Aínda que demostrou a súa inocencia, non foi liberado e levárono a Ferrol e na noite do 11 ao 12 de setembro de...

PERSOEIRO

Debuxante, gravador e pintor. Como debuxante, deuse a coñecer sobre todo en Papitu (1909-1911), asinando a miúdo co pseudónimo de Babel. Cultivou tamén o cartelismo, o gravado, a ilustración (Abecedari Català per a nens, 1920), a pintura mural (adegas das Galeries Laietanes, 1915), a decoración de interiores (vestíbulos da Pedrera) ou a cerámica (adegas corporativas do Pinell de Brai).

GALICIA

Actriz. Iniciou a súa actividade teatral no grupo Minerva, para despois participar na creación, en 1991, da compañía profesional Teatro Galileo, coa que interveu en diferentes espectáculos como Nenerías, texto do que é autora.

IGREXAS

Igrexa situada en Noia. Forma parte do convento de San Francisco, fundado en 1356 polo pai Francisco Suero, en Suero e trasladado en 1522 a Noia. Construída no s XVI en estilo gótico con elementos renacentistas, ten nave de planta de cruz latina con capela maior rectangular e dúas capelas máis formando o cruceiro. A cuberta é de tella. Conta cunha torre-campanario de tres corpos. No lado da epístola atópanse dous sarcófagos que se corresponden a Francisco Bermúdez de Castro e a Pedro Losada Contino, de 1575 e 1527, respectivamente.

IGREXAS

Igrexa parroquial situada en Noia. Construída por Lope de Mendoza en 1434 e realizada en estilo románico de transición ao gótico, consta dunha soa nave, ábsida pentagonal con bóveda de abano, muros de cantaría granítica e cuberta a dúas augas. Destaca o retablo da Anunciación, renacentista, realizado por Romero Dacosta. Nas columnas que sosteñen as arquivoltas na fachada represéntanse os apóstolos, nun estilo románico tardío. Nas arquivoltas atópanse as figuras dos doce anciáns da Apocalipse cos seus respectivos instrumentos. O lugar central do tímpano ocúpao Xesús Cristo, amodo de pantocrátor. Enriba sitúase un rosetón decorado con catro anxos que tocan unhas trompetas. No lado esquerdo sitúase a torre-campanario rematada mediante unha pirámide escalonada. Foi declarada Ben de Interese Cultural en 1931.

IGREXAS

Igrexa situada en Noia. Mandouna construír no s XIV o arcebispo compostelán Berenguel de Landoira sobre un templo primitivo do s XII. Realizada en estilo gótico, ten unha nave con cuberta de madeira que descansa sobre catro arcos faixóns apuntados que a dividen en tramos. Conta con varias capelas entre as que destacan a maior, cuberta con bóveda de canón; unha realizada en estilo renacentista, cuberta con cunchas de vieira e onde se atopan dous sepulcros que pertencen a Pero Carneiro e a Joam das Estivadas; e a da Virxe do Carme. A fachada ten un pórtico, composto por catro piares e cuberto con bóveda de cruzaría, en que se representa a Adoración dos Reis Magos, e onde aparecen a Virxe co Neno, os Reis Magos, o arcebispo Berenguel e san Xosé. Nos arredores atópase un cemiterio, coñecido como Quintana dos Mortos, que posúe o maior número de lápidas sepulcrais de toda España e que abarca unha cronoloxía desde o s X ao s XVI. Poden dividirse en catro grupos: sepulcros de fidalgos...

CIDADES

Cidade do departamento de Seine-Saint-Denis, na rexión de Île-de-France, Francia, situada na beira esquerda do río Marne, ao NL de París (54.032 h [1990]). A súa economía baséase na fabricación de depuradoras de auga.

1. Relativo ou pertencente ás nolanáceas.

2. Planta da familia das nolanáceas.

3. Familia de plantas, da orde das solanais, integrada por unhas 50 especies de herbas ou matas con follas alternas e flores pentámeras. Son naturais de América do Sur occidental.

PERSOEIRO

Pintor estadounidense. Formouse con Jospep Albers e en París e pertenceu á segunda xeración de artistas abstractos, que contrarios ao expresionismo empregaron formas xeométricas de contornos precisos e xogaron preferentemente coa cor. Posteriormente a súa obra incidiu nas transparencias e as texturas.

PERSOEIRO

Físico francés. Coñecido como abbé Nollet, descubriu o fenómeno da osmose dos líquidos (1748) e foi o primeiro en demostrar que o son se propaga dentro da auga. Inventou o primeiro electroscopio (1747) e está considerado o fundador da electroterapia empírica.

PERSOEIRO

Pintor belga. Cultivou o retrato, a pintura de xénero e a relixiosa. Despois dunha curta estadía en Italia, exerceu de mestre en Anveres. Tivo por discípulos a Jacob Jordaens e Peter Paul Rubens.

PERSOEIRO

Xeneral e político romano. Cónsul en 38 a C, foi procónsul en 35 a C na Península Ibérica e dirixiu unha campaña contra os pobos prerromanos situados na parte occidental. En 34 a C fundou a colonia de Norbensis Caesarina (Cáceres).