"BS" (Contén)

PERSOEIRO

Financeiro alemán. Despois da Segunda Guerra Mundial, confíaselle a xestión da axuda do Plan Marshall na Alemaña Occidental. Foi membro do consello de administración dun gran número de empresas alemanas.

1. Acumulación dunha secreción anómala nos troncos ou nas pólas das árbores.

2. Acumulación delimitada de pus nun tecido orgánico por mor dunha infección bacteriana. Os abcesos localizados nas rexións superficiais maniféstanse por unha tumoración dolorosa, quente, vermella e de consistencia renitente ou flutuante. Adoitan manifestarse tamén acompañadas doutros síntomas xerais, como febre, malestar, inapetencia, leucocitose. Nas localizacións profundas, como o fígado, o pulmón, o peritoneo e outros, o cadro vén determinado xeralmente polos síntomas clínicos xerais.

3. Absceso provocado medicamente mediante a inxección subcutánea dunha substancia intensamente irritante; en xeral, esencia de trementina. Antigamente se empregaba como tratamento coadxuvante nas septicemias e, máis a miúdo, para conseguir a inmobilización de enfermos psiquiátricos axitados ou perigosos.

4. Impropiamente, infiltración de ouriños.

1. En relación a un punto sobre unha recta, distancia medida coa unidade escollida dende un punto fixado anteriormente, chamado orixe, ata o punto considerado.

2. En relación a un punto do plano, primeira das dúas coordenadas dese punto.

1. Acción de separar cortando.

2. Proceso fisiolóxico de separación de dúas estruturas vexetais (follas, froitos, etc) debido á maduración ou á perda de funcionalidade, controlado pola acción de factores de crecemento como o ácido abscísico.

1. 1. Abandono sistemático das obrigacións propias dun traballo ou dunha responsabilidade.

   2. Ausencia dos traballadores nos establecementos produtivos, medida en forma de tempo laborable perdido por causas consideradas naturais, como a enfermidade, quedando excluído o tempo perdido por vacacións, folgas, peche patronal ou interrupcións inferiores a unha ou dúas horas. Normalmente, o absentismo laboral calcúlase como porcentaxe de horas perdidas verbo do total de días ou horas de traballo dun ano, ou ben do número de días por ano respecto ao número total de días laborables do ano.

2. Práctica sociolaboral que consiste na explotación indirecta da terra e na delegación da dirección e control dos traballos agrícolas a un intermediario ou administrador, percibindo o propietario -que reside fóra ou lonxe da propiedade- uns ingresos, en función de parcería ou arrendamento. Ao longo da historia atópanse prácticas de absentismo nas sociedades agrarias latifundistas, chegando a constituírse nun dos seus trazos definitorios. O absentismo foi común entre os propietarios irlandeses dos ss XVIII e XIX, que residían no Reino Unido, o que tivo importantes efectos na evolución económica e social dese país. Na actualidade, o absentismo é unha práctica común en moitos países do Terceiro Mundo, sobre todo no Brasil, onde un terzo dos parlamentarios son latifundistas absentistas. En Galicia o absentismo foi o comportamento habitual das clases privilexiadas posmedievais, pricipalmente da alta aristocracia e dos altos cargos da administración, tanto civil como eclesiástica.

1. 1. Construción de planta semicircular cuberta mediante bóveda de cuarto de esfera ou bóveda de forno. É un elemento construtivo que ten a súa orixe na basílica romana, onde era o lugar destinado aos maxistrados. Posteriormente, na basílica cristiá, ocupou a cabeceira, arrimada á nave ou naves, estando reservada ao presbiterio e ao altar.

   2. ábsida lobulada

      Ábsida rodeada por diversas absidiolas, xeralmente en número impar.

   3. ábsida poligonal

      Tipo de ábsida que se caracteriza por posuír unha planta poligonal.

2. Nas tendas de campaña, a parte oposta á entrada, de forma poligonal ou semicircular, que serve de curruncho para as mochilas e os trebellos de acampada.