"Baden" (Contén)

1. Relativo ou pertencente á abadía, ao abade, á abadesa ou a quen administre as rendas dunha abadía.

2. Territorio propiedade dunha abadía ou suxeito á xurisdición dun abade ou dunha abadesa.

3. Período durante o cal un abade ou unha abadesa exerce o seu goberno.

CIDADES

Cidade do land da Baixa Austria, situada á beira do río Schwechat ao S de Viena (23.488 h [1991]). Ten unha coñecida estación balnearia (fontes de augas sulfurosas). O centro termal foi xa chamado polos romanos Aquae Pannonicae. Escollida como residencia de verán do Emperador do Sacro Imperio, Baden gozou dunha extraordinaria sona como estación balnearia desde finais do s XVIII, fama que aumentou coa construción do ferrocarril (1841). Durante a Segunda Guerra Mundial foi ocupada polo exército soviético e convertida no seu cuartel principal.

CIDADES

Cidade do land de Baden-Wüttemberg, Alemaña, no val de Oos, ao pé da Selva Negra (51.500 h [1990]). Posúe unha estación balnearia frecuentada xa polos romanos, quen construíron alí as súas termas. No s II era chamada Aurelia Aquensis. Posesión dos Zährigen desde 1052, Baden-Baden converteuse na residencia dos margraves de Baden ata 1689, ano no que os franceses destruíron a cidade. Ao longo do s XIX tivo un gran desenvolvemento, non só polo seu casino, senón tamén polo feito de converterse nun dos centros de veraneo dos monarcas europeos. En 1945 tranformouse en centro de goberno da zona de ocupación francesa.

PERSOEIRO

Militar e educador, fundador do movemento dos exploradores scouts. Destinado no exército colonial, tomou parte en accións militares na India e en África, onde puido comprobar as dificultades de adaptación da mocidade británica á vida ao aire libre e en condicións desfavorables, feito que lle levou a organizar un corpo de soldados escollidos, especialmente entrenados. En 1899 publicou Aids to Scouting (Axuda aos exploradores), onde recollía estas experiencias. O libro, chegado a Inglaterra en pleno sitio de Makefing (1899-1900), onde Baden-Powell tivo unha actuación destacada, acadou un éxito inesperado. Interesaba no só aos medios militares senón tamén aos representantes do ensino. Ao volver a Inglaterra Baden-Powell fixo unha adaptación do seu método destinada á educación civil dos máis novos. En 1907 experimentou a adaptación acampando con vinte rapaces procedentes de distintas clases sociais na illa de Brownsea, experiencia que recolleu en Scouting for Boys (Scoutismo...

PERSOEIRO

Preto de Sigmaringen. Fundada polos agostiños no 1077, foi secularizada no 1802 e restaurada polos beneditinos no 1863. O seu abade leva o título de arquiabade. Foi un dos centros da restauración gregoriana na Alemaña meridional. Alberga unha institución dedicada á edición crítica da Vetus Latina.

PERSOEIRO

Margrave (1738-1806) e gran duque (1806-1811) de Baden. Da liñaxe dos Baden-Durlach, reunificou o país cando se extinguiu a dos Baden-Baden no 1770. Gobernou segundo os principios do despotismo ilustrado, aboliu a servidume no 1783 e inspirouse nas ideas fisiocráticas do marqués de Mirabeau e Du Pont de Nemours para mellorar a agricultura.

PERSOEIRO

Militar e mariño. Herdeiro do señorío de Torés, marchou a Filipinas como alférez no ano 1589 e, en 1590, ascendeu a almirante de naos. En 1593 realizou unha viaxe a China en misión diplomática e, en 1595, viaxou a México, cidade na que residiu ata 1598, cando foi chamado a defender as illas Filipinas dunha invasión xaponesa. Realizou numerosas viaxes polo Pacífico polo que recibiu o título de cabaleiro da orde de Santiago (1601).

PERSOEIRO

Príncipe e chanceler alemán. Herdeiro do gran duque Federico II de Baden, seguiu a carreira militar. Foi nomeado chanceler por Guillerme II de Prusia en outubro de 1918 e encargouse de negociar o armisticio trala fin da Primeira Guerra Mundial. Os movementos revolucionarios obrigárono a dimitir.

PERSOEIRO

Militar e político. Corrixidor de Cartagena, foi adiantado e capitán xeneral de Murcia. Como gobernador de Filipinas (1590-1593) asegurou a defensa do arquipélago, ao tempo que apoiou o seu desenvolvemento cultural, comercial e marítimo. Durante unha expedición ás illas Molucas, os tripulantes da galera onde viaxaba asasinárono. Débeselle a impresión das Doctrinas Cristianas, unha en tagalo e outra en chinés, primeiras mostras da imprenta filipina.

LIÑAXES

Liñaxe de orixe galega que trae por armas en campo de ouro, unha cruz flordelisada de goles, cargada de cinco cunchas de vieira de prata, unha no centro e unha en cada brazo; en punta ondas de azul e prata.

PERSOEIRO

Relixioso franciscano. De orixe galega, formouse en Salamanca onde foi lector. Estivo nas misións en Manila e Xapón (1594), e, de volta a Manila (1598), percorreu Filipinas para escribir Historia de las islas del archipiélago Filipino y reinos de la Gran China, Tartaria, Cochinchina, Malaca, Siam, Camboxa y Japón (1601). Escribiu tamén Excelencias de la Corona de la Virgen Santísima (1606).