"Pasco" (Contén)

CAPITAIS

Capital do departamento de Pasco, Perú, ao N do lago de Junín (62.749 h [1993]), situada no chamado Nudo de Pasco. A economía baséase, desde a época precolombina, na extracción de prata, cobre, chumbo e carbón. O seu desenvolvemento industrial fundaméntase na metalurxia e nas investigacións hidrolóxicas.

DEPARTAMENTOS

Departamento de Perú (25.320 km2; 245.651 h [estim 1998]). A súa capital é Cerro de Pasco.

PERSOEIRO

Poeta italiano. Profesor das universidades de Messina, Pisa e Boloña, da súa visión angustiosa da vida naceu a súa lírica do fanciullo, en que reflectiu os seus estados de ánimo e os soños melancólicos. Foi poeta en lingua latina, e toda a súa obra en latín está reunida en Carmina (1914-1930), que recolle poemas sobre historia romana (Res romanae) e historia literaria romana (Liber de poetis), epigramas e poesías, e, finalmente, poemas de inspiración e temática cristiá, como Poemata christiana. Escribiu Myricae (1891), Poemetti (1897), Canti di Castelvecchio (1903), Canzoni di Re Enzio (1908), Nuovi poemetti (1909) e Poemi italici (1911).