"Perpignan" (Contén)
Mostrando 2 resultados de 2.
-
CAPITAIS
Capital do departamento de Pireneos Orientais, Francia (105.115 h [1999]. As actividades agrícolas, especialmente o cultivo de hortalizas, árbores froiteiras e vides, potenciaron as industrias alimentarias. O comercio do viño foi unha fonte económica importante ata finais do s XIX, pero as transformacións administrativas e fiscais reduciron moito este negocio. De orixe romana (s X), foi capital do condado de Rosellón, pertenceu á Coroa de Aragón no s XII e foi capital do Reino de Mallorca (1276-1344). As tropas franco-catalás ocupárona en 1642, pero o Tratado dos Pireneos (1659) entregouna definitivamente a Francia. Despois da Guerra Civil Española (1936-1939) acolleu exiliados republicanos. Do seu patrimonio cultural destacan a porta e as torres do castelo, a catedral de Saint Jean (ss XIV-XVI) e a igrexa de Sainte Marie.
VER O DETALLE DO TERMO -
VER O DETALLE DO TERMO
Asemblea conciliar convocada polo Papa Benedito XIII no castelo real de Perpignan en 1408, grazas á axuda de Martiño I de Aragón, ante a ameaza do rei francés de manterse neutral se non se decidía rapidamente que papa, o de Aviñón ou o de Roma, era o auténtico. Asistiron representantes de Castela, Aragón, Lorena e Provenza, e un mes despois proclamouse a lexitimidade de Benedito XIII. O desconcerto que provocou esta decisión fixo que en 1409 se reunise un sínodo en Pisa que elixiu como novo papa a Alexandre V.